Apocalipsis 16:19 - TÄ̧DO Ä̧CUÄ̧ I̧HUȨNȨ

¹⁹ Ötahuiyä rö̧ome, huäbodäcuä ötahuiyä jo̧mȩnä̧ päi'ina'a. Pi̧jä̧ttö̧ ötahuiyä'inä päcua'acu ma̧ä̧chi̧na̧'a̧. Ja̧'hua̧ ja̧'a̧nä̧ Dios amöcuädinö ötahuiyä rö̧ome, Babilonia ötahuiyä. Chutä ö̧ra̧huä̧ra̧'a̧ttö̧, ro̧ȩcuä̧ vino ttahua pä'ö hue'inö juhua'a ötahuiyänä ka̧cuä̧tö̧rö̧.

Nuevo Testamento Uwotjüja

¹⁹ Ütawiyä rü̧o̧mȩmä̧ wäbodäkuä jo̧mȩnä̧ 'kä̧'chä̧wi̧pi̧na̧'a̧, ja̧'wa̧ta̧nü̧ pi̧jä̧nä̧ttü̧ ütawiyä kka̧ku̧mä̧ ma̧ä̧chi̧na̧'a̧; ja̧'wa̧nü̧ päi'a'attü, yȩnȩ ütawiyä rü̧o̧mȩ Babironia pättomȩ Dio-mä̧ amükuädi'inü̧, rü̧ȩnä̧ a̧mi̧ suräku, juȩnȩ usurä ttȩmä̧u̧nä̧ ü̧tä̧bo̧ta̧ pä'ü.

Apocalipsis 16:19 Iomraidhean Croise

Apocalipsis 11:8

Tto'co jähuä adihuä ötahuiyä, Tu̧ru̧hua̧rö̧ daunä ttu̧ju̧ni̧na̧'a̧ ötahuiyä mä̧nä̧nä̧ tticuipäcuotö. Ujutu tamöcuädönä ja̧u̧ ötahuiyä i̧mi̧ Sodoma'inä, Egipto'inä todärenä pä'ätöjä.

Apocalipsis 17:1

Ja̧'hua̧ ja̧'a̧ ya̧tȩ jahuätö ko̧ro̧mö̧ttö̧nö̧ ta̧ju̧ ángeles, ko̧ro̧mö̧ttö̧nö̧ to̧'ta̧rȩ i̧so̧'ta̧ 'chu̧'ä̧rä̧tö̧ i̧sa̧, ttörö ichi'ö pä'inö: —Ichihuä. Yajute mä̧nä̧ ruhuajuru, rö̧ȩnä̧ suronä jȩpä̧ju̧ru̧, ajehuiyänä pä̧ju̧ru̧, ro̧ȩcuä̧ päi'önä, jahuäjuru 'cuäopä̧cuȩ chi̧jȩpa̧cu̧.

Apocalipsis 17:18

Jahuäju isajumä, tocu'äcuamä, ja̧u̧ ötahuiyä rö̧ome, o'ca toi'önä pi̧jä̧nä̧ ka̧cuä̧tö̧ ruhuotörö huea'a jä̧'i̧nö̧'a̧nö̧ ja̧'a̧.

Apocalipsis 17:5

Kö'änä'inä koro yä̧huä̧i̧nä̧ pättinö ki̧mi̧ huȩyu̧cui̧na̧'a̧: “Babilonia ötahuiyä rö̧ome, o'ca toi'önä nä̧tö̧ mä̧nä̧ ruhuä'inä, o'ca juiyönä pi̧jä̧nä̧ ka̧cu̧ surojö'inä tta̧ju̧.”

Apocalipsis 18:10

Ujuturu'inä ro̧ȩcuä̧ 'cuäopäcua'acö̧ pä'ö ye'ecu ototä ttö̧ja̧cuä̧cuo̧tö̧. Ototä kä̧nö̧ pättäcuotö: —Ötahuiyä rö̧ome'inä, ötahuiyä juruhuome'inä, Babilonia ötahuiyä tta̧'cua̧ tta̧ttȩcu̧ juäi 'cuäopa'a ucuru. Juiyo jurunätä ucuru ro̧ȩcuä̧ ichäja'a.

Apocalipsis 18:2

I̧huȩnȩnä̧ pä̧i̧cu̧nä̧ huopö pä'inö: —Täcö ma̧ä̧chä̧ja̧'a̧. Babilonia ötahuiyä rö̧ome täcö ma̧ä̧chä̧ja̧'a̧. Jitämä mä̧ri̧mö̧tä̧ ju̧huȩnȩ ka̧cuä̧tö̧. O'ca toi'önä espíritus suropätö da̧ja̧huä̧rö̧ ka̧cuä̧tö̧ ju̧huȩnȩmä̧. Ja̧'hua̧ta̧nö̧ o'ca toi'önä ppi̧yu̧ suropätö'inä ttojusode ju̧huȩnȩ aditö ka̧cuä̧tö̧.

Apocalipsis 18:21

Ja̧'hua̧ ja̧'a̧ttö̧ ya̧tȩ ángel ju̧ru̧hua̧mä̧, ido'qui rö̧o'qui, ya̧mö̧ i̧sa̧ppȩ adicuo'qui jä̧'i̧nö̧'a̧nö̧ cä'epö, dubora rö̧orara̧'a̧ do'opö icu, pä'inö: —Ja̧'hua̧nö̧ ötahuiyä rö̧ome, Babilonia ötahuiyä toei'äcua'a. Pä'äji ta'anö yoröiso toäcuähuoca'a jä̧cua̧'a̧.

Apocalipsis 18:5

Jahuäju suronä jȩjö̧, täcö mo̧ro̧jä̧ra̧'a̧ päi'önä rȩbȩhui̧na̧'a̧. Suronä jȩja̧'a̧ a̧mö̧cuä̧rö̧ Dios.