Apocalipsis 13:5 - TÄ̧DO Ä̧CUÄ̧ I̧HUȨNȨ

⁵ Ja̧'hua̧ta̧nö̧ ja̧u̧ pä̧i̧cua̧ i̧sa̧mä̧ koro huȩnȩ ja̧'a̧tä̧ ucuocuäcuähuä'inä, Diosrö suronä ucuocuäcuähuä'inä huettinäcu. Ja̧'hua̧ta̧nö̧ cuarenta y dos kä̧hua̧tö̧ huea pä'ö huettinäcu.

Nuevo Testamento Uwotjüja

⁵ Ja̧'wa̧nü̧ ja̧'a̧ jua̧u̧ i̧sa̧ büó betia-rümä̧ abekuächinä̧ku̧ ukuo te'äkuäu, Dio-rü suronä̧ pä'cha pä'ü; ja̧'wa̧ta̧nü̧ uruwo iyäwi'inä̧ku̧ kkä̧wa̧tü̧mä̧ cuarenta y do-nü̧ jo̧mȩnä̧ wea pä'ü.

Apocalipsis 13:5 Iomraidhean Croise

2 Tesalonicenses 2:3

Yapareumä cuesetätucuä' yoröiso. Ja̧u̧nu̧ mo̧ro̧, Tu̧ru̧hua̧ ichä̧cuȩ mo̧ro̧ ä'canä, rö̧ȩnä̧ jarode'ö suronä jȩpö̧ ttucuocuäcuotö Diosrö. Ja̧u̧nu̧tä̧ i̧jȩcuä̧cua̧ ubo suronä jȩpö̧mä̧. Diostä to'ädäji i̧cuä̧cua̧ ja̧u̧ ubo suronä jȩpö̧rö̧mä̧.

2 Tesalonicenses 2:4

Ja̧u̧mä̧ o'ca juiyönä Dios jähuä, pi̧jä̧ ttö̧ja̧ ttucuotömä, suronä u̧cuo̧cuä̧cua̧. Diosrö ucuocuäcuähuodenä do'ächi'ö, Dios a̧'cua̧rö̧nä̧ ö̧'ä̧mä̧dä̧cua̧. “Ttömä Diossä”, pä̧cua̧.

2 Tesalonicenses 2:8

Ja̧u̧nu̧tä̧ i̧jȩcuä̧cua̧ ja̧u̧ ubo suronä jȩpö̧mä̧. Tu̧ru̧hua̧ Jesús öadihuäcu ichomenä, ami yuppanä ppö'ö a̧bo̧tö̧ i̧cuä̧cua̧ ja̧u̧ ubo suronä jȩpö̧rö̧.

Apocalipsis 11:7

Ja̧'hua̧nö̧ ja̧'a̧nä̧ jahuätö ttaditähuä cättädomenä, ya̧tȩ pä̧i̧cua̧ i̧sa̧, reju yoröiso beipocojuttu rä'opö, jahuätörö ö̧ro̧huä̧huä̧cua̧. Ja̧'hua̧ta̧nö̧ jahuätörö rohuäu ujuruhuomenä, cuä'ö icuäcuä̧u̧.

Apocalipsis 12:14

Ja̧'hua̧nö̧ ja̧'a̧nä̧ yajujua isajuru kujuabiyä rö̧o̧ abiyä águilas ttu̧ju̧nä̧rö̧'a̧nö̧ tti̧yi̧nä̧cua̧, ku̧jo̧mȩ de'acu co̧jä̧ra̧ pä'ö, ja̧u̧ ä̧ca̧ttö̧ ototä kö̧ja̧ pä'ö. Ju̧huȩnȩmä̧ ku̧cuȩ kucua pä'ö huäbodäcuä a̧'ȩ, koro a̧'ȩ'i̧nä̧ kä'conä päi'omenä, ttiyäcuotö.

Apocalipsis 12:6

Yajutä isajumä de'acu, Dios kö̧ja̧ pä'ö aditinomecu, tö'ipächinäju, ya'ute mil doscientos sesenta mo̧ro̧ päi'omenä, ku̧cuȩ ttiyaju pä'ö.

Apocalipsis 13:7

Ja̧'hua̧ta̧nö̧ Dios i̧tti̧mö̧rö̧, umöhuäyotörö, örohuähua pä'ö huettinäcu. Jahuätöttö'inä abonänö juruhuinö. O'ca toi'önä pa̧ja̧cu̧nä̧ ttö̧ja̧rö̧'i̧nä̧, o'ca juiyönä ötahuiyä ttö̧ja̧rö̧'i̧nä̧, tti̧huȩnȩ pö̧nä̧ ucuocuätörö'inä, ko̧ro̧jä̧ tti̧rȩjä̧nä̧ ka̧cuä̧tö̧rö̧'i̧nä̧ huea pä'ö huettinäcu.