Apocalipsis 13:17 - TÄ̧DO Ä̧CUÄ̧ I̧HUȨNȨ

¹⁷ Ja̧u̧ juäi sello tahuähua'a'inä, ja̧u̧ pä̧i̧cua̧ i̧sa̧ i̧mi̧'i̧nä̧, ja̧u̧ pä̧i̧cua̧ i̧sa̧rö̧ número pa̧ja̧cuä̧'i̧nä̧ jui'ätömä, yoröiso ȩmö̧'i̧nä̧, ȩmo̧co̧tö̧ ttäcuotö. Iyö'inä iyocotö ttäcuotö.

Nuevo Testamento Uwotjüja

¹⁷ Jua̧u̧ i̧sa̧ büó betia i̧mi̧'i̧nä̧, iäre número'i̧nä̧ jui̧'a̧ rütäwokürümä̧, mikuä pä'ü iya pä'ü'i̧nä̧, mitü'i̧nä̧ ȩmü̧ juiyünä̧tä̧ jȩpü̧ we'ü kku̧ni̧nü̧.

Apocalipsis 13:17 Iomraidhean Croise

Gálatas 6:17

Jitä kä̧mä̧dö̧ yoröiso pä̧huä̧ juiyäcusä suräjuä huȩnȩ cucuocuätucuattö pä'ömä. Chöttahuiyä huahuächinö topö huo̧juä̧tö̧jä̧, Chu̧ru̧hua̧ Jesús u̧mö̧huä̧ya̧ cha'amä.

Apocalipsis 13:16

Ja̧'hua̧ta̧nö̧ pi̧yȩttö̧'i̧nä̧ abonänö o'ca toi'önärö, ppo̧'ä̧tö̧rö̧'i̧nä̧, tä̧mö̧rö̧'i̧nä̧, järe ruhuotörö'inä, usurä isotörö'inä, korotöcu aditätörö'inä, korotöcu aditocotörö'inä hue'inö korotörö ttu̧mö̧ u̧huo̧jua̧'a̧nä̧, korotörö ttö'änä, koro juäi sello tattatö pä'ö.

Apocalipsis 13:18

Pi̧yȩmä̧ amöcuädö huo̧ju̧nä̧ ttu̧huo̧juä̧cua̧'a̧nö̧. Iso päi'önä huo̧jua̧mä̧, ja̧u̧ pä̧i̧cua̧ i̧sa̧ öäre número amöcuädö'a̧nö̧. Ja̧u̧ pä̧i̧cua̧ i̧sa̧ öäre número ka̧ra̧ ttö̧ja̧ i̧sa̧ öäre número yorätehua'a. Ja̧u̧ juäi número seiscientos sesenta y seis jo̧mȩnä̧ ja̧'a̧.

Apocalipsis 14:11

Jahuätö suronä 'cuättopa'attö, ocurä isoppa 'cuäopönä 'chahuächäcua'a. Ja̧u̧ pä̧i̧cua̧ i̧sa̧rö̧'i̧nä̧, chutä a̧'u̧cuä̧'i̧nä̧, chutä pä̧i̧cua̧ i̧sa̧ i̧mi̧ huȩyu̧cuä̧ ȩmö̧ esehuätö'inä, mo̧ro̧'i̧nä̧, yodo'inä yoröiso 'cuä'ächi'ocotö ttäcuotö.

Apocalipsis 14:9

Ja̧u̧nu̧ o'ca'a, ka̧ra̧ ángel, huämetucuä päi'önä ichi'ö, i̧huȩnȩnä̧ pä̧i̧cu̧nä̧ pä'inö: —Ya̧tȩ ja̧u̧ pä̧i̧cua̧ i̧sa̧rö̧'i̧nä̧, chutä a̧'u̧cuä̧'i̧nä̧ eseumä, ö'änä'inä, u̧mö̧nä̧'i̧nä̧ chutä pä̧i̧cua̧ i̧sa̧ öäre sello ttatta pä'ö hueöttömä, Dios rö̧ȩnä̧ ro̧ȩcuä̧ vinomä a̧huä̧cua̧. Ja̧u̧tä̧ Dios ö̧ra̧huä̧ra̧'a̧ttö̧ i̧so̧'ta̧nä̧ koro juäicu huihuaunä juiyönä ȩnä̧hua̧'a̧. Ja̧'hua̧ta̧nö̧ Dios umöhuäyotö ángeles ttä'ca jo̧mȩttö̧'i̧nä̧, chutä Cordero ä'ca jo̧mȩttö̧'i̧nä̧ ocuräcu, azufrecu suronä jȩttä̧cuo̧tö̧.

Apocalipsis 15:2

Ja̧'hua̧ta̧nö̧ koro'inä, dubora rö̧ora i̧sä̧yu̧ttö̧'i̧nä̧, ocurättö'inä adicuora jä̧'i̧nö̧'a̧nö̧ ja̧'a̧ topinösä. Ttö̧ja̧mä̧, ja̧u̧ pä̧i̧cua̧ i̧sa̧rö̧'i̧nä̧, chutä a̧'u̧cuä̧'i̧nä̧, chutä i̧mi̧ número huȩyu̧cuä̧'i̧nä̧ ttesetoca'a juruhuinätömä, juhuora dubora rö̧ora i̧sä̧yu̧ttö̧ adicuora jäyä ttöäre arpas, ttu̧mö̧nä̧ 'porähuä Dios iyinö 'chu̧'ä̧rö̧ ka̧cui̧nä̧tö̧.

Apocalipsis 17:5

Kö'änä'inä koro yä̧huä̧i̧nä̧ pättinö ki̧mi̧ huȩyu̧cui̧na̧'a̧: “Babilonia ötahuiyä rö̧ome, o'ca toi'önä nä̧tö̧ mä̧nä̧ ruhuä'inä, o'ca juiyönä pi̧jä̧nä̧ ka̧cu̧ surojö'inä tta̧ju̧.”

Apocalipsis 20:4

Ja̧u̧nu̧ o'ca'a, tti̧dȩä̧qui̧yä̧ topinösä. Ja̧u̧ juäi tti̧dȩä̧qui̧yä̧nä̧ pȩji̧nä̧tö̧, ttö̧ja̧rö̧ ro̧ttȩpa̧ pä'ö huettinä̧u̧. Ja̧'hua̧ta̧nö̧ korotö Jesús i̧huȩnȩ jittähua'attö, ttu 'cui'opö tticuinä̧u̧, Dios hueö'inä esetinätörö topinösä. Jahuätömä ja̧u̧ pä̧i̧cua̧ i̧sa̧rö̧'i̧nä̧, chutä a̧'u̧cuä̧'i̧nä̧ esehuocotö, ja̧u̧ pä̧i̧cua̧ i̧sa̧ öäre sello ttö'änä'inä, ttu̧mö̧nä̧'i̧nä̧ ta'ähuocotö tta̧'cua̧ru̧hua̧rö̧ topinösä. Jahuätö pä'äji ta'anö ttö̧ja̧cua̧'a̧. Cristocu ya'ute mil a̧'ȩ jo̧mȩnä̧ huetta'a topinösä.

Apocalipsis 22:4

Chutä ö'ä ä'cattö tottäcuotö. Ja̧'hua̧ta̧nö̧ ttö'änä chutä i̧mi̧mä̧ huȩyu̧cua̧'a̧ ttö̧ja̧cuä̧cuo̧tö̧.

Apocalipsis 3:12

O'ca toi'önä pi̧jä̧ttö̧'i̧nä̧ abonänö juruhuätömä, Chä̧do̧ ä̧cua̧ Diosrö ucuocuäcuähuode jueö isa'ca jä̧'i̧nö̧'a̧nö̧ ttö̧ja̧cua̧ pä'ö huȩdä̧cua̧sä̧. Juhua'attömä yoröiso rä'opocotö ttäcuotö. Jahuätörö ttö Chä̧do̧ ä̧cua̧ Dios i̧mi̧ chi̧huȩyu̧tä̧cua̧sä̧. Ja̧'hua̧ta̧nö̧ Chä̧do̧ ä̧cua̧ Dios ötahuiyä i̧mi̧, jareö Jerusalén, mo̧ro̧jä̧ra̧'a̧ttö̧, Chä̧do̧ ä̧cua̧ Dios ö̧jo̧mȩttö̧ i̧mȩyȩhuä̧cuȩ chi̧huȩyu̧tä̧cua̧sä̧ jahuätörö. Ja̧'hua̧ta̧nö̧ ttötä jareö chi̧mi̧'i̧nä̧ chi̧huȩyu̧tä̧cua̧sä̧ jahuätörö.

Apocalipsis 7:3

—Tä̧do̧ ä̧cua̧ Dios umöhuäyotörö ttö'änä sello tatome jubö päi'önä, suronä jȩcu̧'ä̧tu̧cuä̧' pi̧jä̧nä̧'i̧nä̧, dubora rö̧oranä'inä, dauhuiyänä'inä.