Apocalipsis 12:9 - TÄ̧DO Ä̧CUÄ̧ I̧HUȨNȨ

⁹ Ja̧u̧ ojuo da'ä jä̧'i̧nö̧'a̧nö̧ hua̧rö̧, i̧sa̧rö̧, chutä täbocö ä̧ca̧ pi̧nö̧rö̧, ähuettä'inä, Satanás'inä pättäcuru, o'ca toi'önärö yapareu ji'äuru, ya'opö tticuinäcu. Chutäcu umöhuäyotöcu pi̧jä̧ rȩjȩra̧'a̧ do'opö tticuinäcu.

Nuevo Testamento Uwotjüja

⁹ Ja̧'wa̧nü̧ ja̧'a̧ttü̧, jua̧u̧ dragó̧ pä'ü mi̧kua̧, mo̧ täbokü ä̧ka̧ pinü̧, äwettä, satanás, pättäku pi̧jä̧ o'kajuiyünä̧ yapareumä̧, umüwäyotü á̧gȩrȩ-ku̧ pi̧jä̧ rȩjȩra̧'a̧ kki'opü ikuinä̧u̧.

Apocalipsis 12:9 Iomraidhean Croise

San Mateo 13:39

Ja̧u̧ surä'cua ku̧ni̧nö̧mä̧, ähuettä pi̧nö̧do. Koro settinömä yodoji röji mo̧ro̧ päi'omenä, jä̧cuȩ päa'a. Ja̧'hua̧ta̧nö̧ se'inätömä ángeles pi̧nä̧tö̧do.

San Mateo 24:24

Recuätömä “Ttötäsä Cristo, ttö'inä Dios i̧huȩnȩ ji'äusä”, yapareu ji'äu ttichäcuotö. Jahuätömä rö̧ȩnä̧ ttö̧ja̧ ttieru juäi jȩttä̧cuo̧tö̧ ttö̧ja̧rö̧ yapareu jȩpö̧. Dios huoinä̧u̧ru̧'i̧nä̧ yapareu jȩttä̧cuo̧tö̧ ttesetatö pä'ö. Dios huoinä̧u̧mä̧ yoröiso esetocotö ttäcuotö.

San Mateo 25:41

“Ja̧u̧nu̧ o'ca'a ja̧u̧ Ru̧hua̧ ieruhua'anä pȩjä̧tö̧rö̧ pä̧cua̧: “Ttöttö'inä i̧mi̧cu̧nä̧ 'quȩ'i̧pä̧chä̧tu̧cui̧. Ucuturu suronä 'cuäopäcua'a. Ocurära̧'a̧, beipocarära̧'a̧ tätucui. Juhuarä beipocaränä ähuettäcu, umöhuäyotö ángelescu ttö̧ja̧cua̧ pä'ö aditinödo Dios.

San Mateo 4:1

Ja̧u̧nu̧ o'ca'a Espíritu Santomä o'ipinödo Jesúsru de'ara̧'a̧, ähuettä ka̧cuä̧mö̧ toarö pä'ö.

San Mateo 4:10

Ja̧'hua̧nö̧ ja̧'a̧ttö̧ Jesús ädätinäcudo: —Satanás, täi. Huȩyu̧cuä̧ Huȩnȩ päa'a: “Chu̧ru̧hua̧ Diosrötä cua̧'cua̧ huȩnä̧ri̧. Ja̧'hua̧ta̧nö̧ ja̧u̧tä̧ päömä jȩpi̧,” —ädätinäcudo.

San Mateo 4:5

Ja̧u̧nu̧ o'ca'a ähuettä adihuä ötahuiyä Jerusalén ötahuiyära̧'a̧ o'ipinödo Jesúsru. Juhua'attö Diosrö ucuocuäcuähuode huäme 'cha'ächinätödo.

San Mateo 4:8

Pä'äji ta'anö ähuettä o'ipinödo Jesúsru möä'cara̧'a̧, ju'toju isä'cara̧'a̧. Juhua'attö o'ca juiyönä rȩjȩ'i̧nä̧, rȩjȩ öadihuä'inä i̧jȩpi̧nä̧cu̧do.

San Lucas 10:18

Jesús päinä̧u̧do: —A̧, ttö to̧pä̧rä̧ji̧sä̧ Satanás mo̧ro̧jä̧ra̧'a̧ttö̧ cu'upä urohua'a jä̧'i̧nö̧'a̧nö̧ ma̧'a̧.

San Lucas 13:16

Ja̧'hua̧ta̧nö̧ paju, Abraham mi̧nä̧ isotö isajuru, dieciocho a̧'ȩnö̧ jo̧mȩnä̧ 'tu̧hua̧yu̧nu̧ kö̧jö̧nä̧ Satanás jȩi̧nä̧cua̧rö̧, ¿ttö̧ja̧ 'cuättächi'ö mo̧ro̧mä̧ aditö tticuococua pajaju tä̧ji̧?

San Lucas 22:3

Ja̧'hua̧ ja̧'a̧ttö̧ Satanás Judasrö do'ächi'ö hue'inödo. Judas koro i̧mi̧ Iscariote mi̧cui̧nö̧do. Ja̧u̧ ttö̧jä̧pö̧ttö̧nö̧ ta̧ju̧ hue'ähuotöttö i̧sa̧ pi̧nö̧do.

San Lucas 22:31

Ja̧'hua̧ta̧nö̧ Tu̧ru̧hua̧ pä'inödo: —Simón, Simón, ä̧ju̧cui̧. Satanás jä'epinö ucuturu 'quȩ'ȩpö̧ icua pä'ö, surä'cua que'ö tticua'a jä̧'i̧nö̧'a̧nö̧.

San Lucas 8:12

Korotömä, jacuä jähuä mä̧nä̧ jäyänä ma̧ä̧chö̧ jä̧'i̧nö̧'a̧nö̧ huotö. Dios i̧huȩnȩ ä̧ju̧cuä̧tö̧. Ja̧'hua̧nö̧ ja̧'a̧nä̧ ttä̧ju̧cu̧ o'ca'a ähuettä ichi'ö 'cho'ipö Dios i̧huȩnȩ ttami iso'quittö ttesetö juiya pä'ö. Ja̧'hua̧ta̧nö̧ suronä jȩttö̧ Dios jȩpö̧ icu juiya pä'ö.

San Juan 12:31

Jitä pä̧nä̧ pi̧jä̧ ttö̧ja̧rö̧ päcua'a̧nö̧. Ja̧'hua̧ta̧nö̧ jitä pi̧jä̧nä̧ hue'örö do'opö icuäcua'a̧nö̧.

San Juan 14:30

“Jitämä rö̧ȩnä̧ ucuocuocösä ucuturu, pi̧jä̧nä̧ hue'ömä icha'attö. Chutä ttörö ujuruhuoca'anä, ja̧'hua̧nö̧ 'cuäopäcua'a, pi̧jä̧ ttö̧ja̧ Chä'orö repeda'a ttu̧huo̧jua̧ pä'ö. Ja̧'hua̧ta̧nö̧ Chä'o ttörö hue'inö hueö'inä jȩpö̧sä̧ ttu̧huo̧jua̧ pä'ö. Ä̧rä̧mi̧'ä̧tu̧cui̧. Ti̧'chä̧tu̧cua̧, —pä'inödo Jesús.

San Juan 16:11

Ja̧'hua̧ta̧nö̧ Dios pi̧jä̧nä̧ hue'örömä suronä 'cuäopa pä'ö hueina'attö, Dios adihuä pä̧cuȩ huȩnȩ tottäcuotödo.

San Juan 8:44

Ucutu cuä'otucumä, ähuettä ja̧'a̧. Ja̧u̧ i̧tti̧mö̧jä̧ ucutumä. Ja̧u̧ru̧ pä̧huä̧ rö̧jö̧tä̧ jȩcu̧'ä̧tu̧cua̧ pä'ätöjä. Ähuettä ihueye ttö̧ja̧rö̧ cuä̧'ä̧hua̧ pi̧nö̧do. Iso päi'önä jähuä yoröiso jȩpo̧cö̧ pi̧nö̧do. Ja̧'hua̧ta̧nö̧ iso päi'önä huȩnȩ'i̧nä̧ ucuocuocö pi̧nö̧do. Yapareu jiähuomenä, chutä jö̧ ta'anö ji'äu. Ja̧u̧mä̧ ihueye ya̧pa̧rȩhua̧. Ja̧'hua̧ta̧nö̧ ja̧u̧mä̧ yapareu huȩnȩ kada'cado.

Hechos 26:18

Jahuätörö ttö'äre bacuhue'a pä'ö huedäcujä, yo̧ö̧cu̧ cuettächö juiya pä'ö, tȩa̧u̧cu̧ cuettächa pä'ö, ja̧'hua̧ta̧nö̧ ähuettä jahuätörö hueomenä, ja̧u̧ru̧ ttesetö juiyönä Diosrö pä̧huä̧ rö̧jö̧tä̧ jȩtta̧ pä'ö. Ja̧'hua̧ta̧nö̧ ttörö ttesetomenä, suronä jȩttö̧ jȩpö̧ icua pä'ö Dios, jahuätö'inä ttörö esetätöcu adiu ttö̧ja̧cua̧ pä'ö, jahuätörö huedäcujä”, pä'inö ttörö, ru̧hua̧ Agripa.

Hechos 5:3

Ja̧'hua̧ ja̧'a̧ Pedro pä'inödo ja̧u̧ru̧: —Ananías, ¿dä̧bö̧ cuä̧ju̧cuä̧jä̧ttö̧, ähuettä ucuru cua̧'cua̧nä̧ hueömä? Cui̧rȩjä̧ micuättö ju'to 'quȩ'ȩpö̧ ku̧nu̧ yapareu jȩpä̧ji̧jä̧ Espíritu Santorö.

Romanos 16:18

Jahuätömä Tu̧ru̧hua̧ Jesucristorö pä̧huä̧ rö̧jö̧ jȩpo̧co̧tö̧. Jitörötä pä̧huä̧ rö̧jö̧tä̧ jȩpä̧tö̧. Tti̧huȩnȩ esetönö, repe'önänö ucuocuätö jerupätörö.

Romanos 16:20

Esecuä Dios cu̧jä̧pö̧ dȩa̧'a̧ jurunänö ö̧tä̧cua̧ ähuettärö. Tu̧ru̧hua̧ Jesucristo ucuturu ppädäcua'a̧nö̧.

2 Corintios 11:14

Ja̧'hua̧nö̧ pädomenä, koro koronö cuamöcuädätucuä'. Chutä Satanás'inä, adihuä isotö ángeles, tȩa̧u̧nä̧ cue'ächätö cuettächa'a jä̧'i̧nö̧'a̧nö̧ cue'ächö.

2 Corintios 11:3

Ä̧ca̧mä̧ yapareu jiähuomenä, Eva kesetinö ta'anö, ucutu'inä yapareu cuesetätucuäcuotöjäcö̧ pä'ö yȩ'ȩcua̧sä̧, cuamöcuädätucunä ji̧yȩä̧cuȩtä̧ adihuä huȩnȩ eseunu ucuocuäcuähuä jaropi'ö.

2 Corintios 12:7

Tu̧ru̧hua̧ ja̧'hua̧nö̧ adiunä 'cuo̧ti̧nä̧ u̧huo̧juȩti̧na̧'a̧ amöcuädö, ttötä cha'cuoyähuäcuähua pä'ö ji̧nä̧cu̧sä̧. Ja̧'hua̧nö̧ jȩchö̧ juiya pä'ö, koro juäi i̧sa̧ri̧ doächi'a'a barahua'a jä̧'i̧nö̧'a̧nö̧ barahuinäcusä. Ja̧u̧ ubara ttudinömä, Satanás hueähuä ta'anö ji̧nö̧do, rö̧ȩnä̧ cha'cuoyähuäcuäu juiya pä'ö.

2 Corintios 4:4

Jahuätö ttesetoca'attö, ähuettä, pi̧jä̧nä̧ kö̧, ttä̧to̧cä̧chö̧nä̧ jȩi̧nä̧u̧do, adihuä Cristo i̧huȩnȩ tȩa̧u̧ tottö juiyönä. Ja̧u̧ Cristo, Dios ja̧'a̧nä̧ pi̧jä̧nä̧ uhuäpinödo.

Efesios 4:14

Jitämä pärohuächocotöjä ppo̧'ä̧tö̧ jä̧'i̧nö̧'a̧nö̧. Ja̧'hua̧ta̧nö̧ korotö adihuä juäi huȩnȩ ji'ähuocotömä, koro yapareu huȩnȩ, jareö huȩnȩ jittähuomenä, esetocotöjä ujutu.

2 Tesalonicenses 2:3

Yapareumä cuesetätucuä' yoröiso. Ja̧u̧nu̧ mo̧ro̧, Tu̧ru̧hua̧ ichä̧cuȩ mo̧ro̧ ä'canä, rö̧ȩnä̧ jarode'ö suronä jȩpö̧ ttucuocuäcuotö Diosrö. Ja̧u̧nu̧tä̧ i̧jȩcuä̧cua̧ ubo suronä jȩpö̧mä̧. Diostä to'ädäji i̧cuä̧cua̧ ja̧u̧ ubo suronä jȩpö̧rö̧mä̧.

1 Timoteo 2:14

Ja̧'hua̧ta̧nö̧ ähuettä Adánrö yapareu ji'ähuocö pi̧nö̧. Isajurutä yapareu ji'ähuinö. Jahuäju ähuettä hueö keseta'attö, suronä jȩpi̧nä̧ju̧.

2 Timoteo 3:13

Ja̧'hua̧nö̧ ja̧'a̧nä̧ suronä jȩpä̧tö̧'i̧nä̧, yapareu ucuocu jȩpä̧tö̧'i̧nä̧ ji̧nä̧ isocu suronä jȩttä̧cuo̧tö̧. Jahuätömä ji̧nä̧ isocu ttesetäcuotö yapareu huȩnȩ.

Hebreos 2:14

Tti̧tti̧mö̧mä̧ ttidepä'inä, ttucuoja'inä ji̧nä̧ ji̧yȩtȩtä̧ ja̧'a̧. Ja̧'hua̧ta̧nö̧ hui̧nö̧do Jesucristo. Pi̧jä̧ttö̧ idepä'inä, ucuoja'inä ku̧nä̧ri̧nö̧do 'corupäi'a pä'ö. Ja̧u̧ 'corupä'i'inödo, 'corupäi'äcuähuänä ju̧ru̧hua̧rö̧, ähuettärö be'epäjipö icua pä'ö.

1 Pedro 5:8

Cua̧'cua̧ pö̧nö̧ ka̧cuä̧tu̧cui̧. 'Cuäopönä mo̧ro̧jö̧ a̧'u̧cuä̧ Diosrö ucuocu ka̧cuä̧tu̧cui̧. Ucuturu ami suru topö cua̧bo̧i̧ya̧tu̧cu̧ ähuettä cue'ächö. Yähui ra̧huä̧rö̧ u̧cuȩ usu'a̧nö̧ cue'ächö.

1 Juan 5:19

Ujutu huo̧juä̧tö̧jä̧ Dios i̧tti̧mö̧jä̧. Korotö pi̧jä̧ jähuänä ka̧cuä̧tö̧rö̧ hue'ö ähuettämä.

Judas 1:9

Ja̧'hua̧nö̧ ja̧'a̧ Moisés 'corupäi'äji o'ca'a, ähuettä ja̧u̧ru̧ suronä jȩa̧ päa'attö, ángeles ttu̧ru̧hua̧ Miguel ähuettäcu amöcuädö pä'ähuinätödo. Ja̧'hua̧nö̧ ucuocuomenä, Miguel suräjuä huȩnȩ ucuocuocö pi̧nö̧ ähuettärö. “Dios ucuru ro̧ȩpä̧cua̧”, jö̧nä̧tä̧ pä'inödo.

Apocalipsis 12:12

Esehuätucui mo̧ro̧jä̧'i̧nä̧, mo̧ro̧jä̧nä̧ ka̧cuä̧tö̧'i̧nä̧. Ja̧'hua̧nö̧ ja̧'a̧nä̧ pi̧jä̧nä̧ ka̧cuä̧tö̧'i̧nä̧, dubora rö̧oranä ka̧cuä̧tö̧'i̧nä̧ suronä 'cuäopäcua'a, chutä ähuettämä ra̧huä̧rö̧ kä̧nö̧ i̧mȩyȩhui̧na̧'a̧ttö̧ ucuturu. Ja̧u̧mä̧ a̧'u̧cua̧'a̧tä̧ ö̧jä̧cuȩ'i̧nä̧ huo̧jua̧.

Apocalipsis 12:3

Ja̧u̧nu̧ o'ca'a, koro juäi'inä i̧jȩcui̧na̧'a̧ mo̧ro̧jä̧nä̧. Koro hua̧ i̧sa̧, ojuo da'ä jä̧'i̧nö̧'a̧nö̧ hua̧, tu̧'hua̧mä̧, uhuiyä'inä ko̧ro̧mö̧ttö̧nö̧ todäre, u i̧sä̧juä̧'i̧nä̧ tomöre jähuä ppöttähuä koro unä'inä, koro unä'inä huȩnä̧rö̧ i̧jȩcui̧nö̧.

Apocalipsis 12:7

Ja̧u̧nu̧ o'ca'a, rö̧ȩnä̧ rohuähuinätö mo̧ro̧jä̧ra̧'a̧ttö̧. Arcángel Miguelcu, umöhuäyotö ángelescu rohuähuinätö ja̧u̧ ojuo da'ä jä̧'i̧nö̧'a̧nö̧ hua̧cu̧. Ja̧u̧ ojuo da'ä jä̧'i̧nö̧'a̧nö̧ hua̧cu̧, umöhuäyotöcu pärocua'acu rohuähuinätö.

Apocalipsis 12:8

Ja̧'hua̧nö̧ ttörohuähuomenä, yoröiso juiyupinätö. Ja̧'hua̧nö̧ ja̧'a̧ttö̧ mo̧ro̧jä̧nä̧ ttö̧ja̧cua̧ pä'ö juiyina'a.

Apocalipsis 13:14

Pi̧yȩ juäi äcuomenä pä̧i̧cua̧ i̧sa̧ ä'ca jo̧mȩttö̧ jȩa̧'a̧nä̧, pi̧jä̧nä̧ ka̧cuä̧tö̧rö̧ yapareu ji'ähuinö. Ja̧u̧ hue'inö pi̧jä̧ ttö̧ja̧rö̧, koro juäi ja̧u̧ pä̧i̧cua̧ i̧sa̧rö̧, curodänä cuä'ö tticuinö o'ca'a ki̧'i̧nö̧rö̧, a̧'u̧cuä̧ ttadita pä'ö.

Apocalipsis 16:14

Pitö espíritus suropätömä, ähuettä umöhuäyotö koro ttö̧ja̧ ttieru juäi jȩpi̧nä̧tö̧ pi̧nä̧tö̧. Jahuätömä, o'ca toi'önä pi̧jä̧ ruhuotörö ca̧ca̧tö̧ rä'opinätö, Dios, o'ca juiyönä ju̧ru̧hua̧, ttö̧ja̧rö̧ ro̧ȩcuä̧ mo̧ro̧ päi'omenä ttörohuähua pä'ö.

Apocalipsis 18:2

I̧huȩnȩnä̧ pä̧i̧cu̧nä̧ huopö pä'inö: —Täcö ma̧ä̧chä̧ja̧'a̧. Babilonia ötahuiyä rö̧ome täcö ma̧ä̧chä̧ja̧'a̧. Jitämä mä̧ri̧mö̧tä̧ ju̧huȩnȩ ka̧cuä̧tö̧. O'ca toi'önä espíritus suropätö da̧ja̧huä̧rö̧ ka̧cuä̧tö̧ ju̧huȩnȩmä̧. Ja̧'hua̧ta̧nö̧ o'ca toi'önä ppi̧yu̧ suropätö'inä ttojusode ju̧huȩnȩ aditö ka̧cuä̧tö̧.

Apocalipsis 18:23

Lámpara'inä tȩa̧huo̧co̧mȩ jä̧cuo̧mȩ. Ttirecuarö ȩmö̧ fiesta jȩtta̧'a̧ yoröiso ä̧ju̧cuä̧cuä̧huo̧co̧mȩ jä̧cuo̧mȩ. Pä'äjitä ucuttu rä'opö, järe ȩmä̧huä̧ ruhuotö pi̧jä̧nä̧ korotöttö'inä abonänö juruhuinätö. Ja̧'hua̧ta̧nö̧ cumäri'änä jȩpö̧, yapareu jȩpi̧nä̧ju̧jä̧ korotö ttö̧ja̧rö̧ o'ca toi'önärö.

Apocalipsis 19:20

Ja̧u̧ pä̧i̧cua̧ i̧sa̧cu̧, ja̧u̧ ä'canä rö̧ȩnä̧ ttö̧ja̧ ttieru juäi yapareu jȩpi̧nö̧cu̧ cärenä rötinätö. Ja̧u̧ juäi ttö̧ja̧ ttieru juäi yapareu jȩo̧mȩnä̧, jitöja ttö̧ja̧, ja̧u̧ pä̧i̧cua̧ i̧sa̧ sello ttö'änä ta'ähuinätörö'inä, ja̧u̧ pä̧i̧cua̧ i̧sa̧ a̧'u̧cuä̧ esehuinätörö'inä yapareu jȩpö̧ ucuocuinö. Ja̧'hua̧ ja̧'a̧ttö̧ ja̧u̧ pä̧i̧cua̧ i̧sa̧rö̧'i̧nä̧, yapareu jȩpö̧ ji'ähuinörö'inä ji̧nä̧ tta̧'cua̧ra̧'a̧nä̧, do'opö tticuinä̧u̧ ocurä rö̧arära̧'a̧, azufrenä cuoarära̧'a̧.

Apocalipsis 2:13

O'ca juiyönä jȩcu̧'u̧ huo̧jua̧sä̧. Satanás ö̧jo̧mȩ cu̧ja̧'a̧ huo̧jua̧sä̧. Ja̧'hua̧ta̧nö̧ ja̧'a̧nä̧ adiunätä cue'ächöjä ttörö esetö huo̧jua̧sä̧. Ttörö yoröiso jaropi'ocöjä. Ttö chi̧huȩnȩ jiäcuähuä i̧sa̧ Antipasrö, Satanás ö̧jo̧mȩttö̧, ucutu cu̧'quȩtȩtu̧cu̧nä̧ ö̧jo̧mȩnä̧, cuä'ö tticuinö pä̧nä̧'i̧nä̧ jaropi'ocö pi̧nö̧jä̧.

Apocalipsis 2:24

Ja̧'hua̧ta̧nö̧ korotömä, Tiatira ötahuiyänä ka̧cuä̧tö̧mä̧, ja̧u̧ huȩnȩ esetocotömä, ja̧'hua̧ta̧nö̧ adihuä ttieru juäi Satanás i̧huȩnȩ pättäji juäi jerupätömä, ucuturu pä'ösä, koro juäi jȩcu̧'ä̧tu̧cua̧ pä'ö hue'ocösä ucuturu.

Apocalipsis 2:9

O'ca juiyönä jȩcu̧'u̧ huo̧jua̧sä̧. Ubara ttucuhuinömä huo̧jua̧sä̧. Järe ru̧hua̧ cu'a'anä, usurä isotö ttö̧ja̧'a̧ jä̧'i̧nö̧'a̧nö̧, cu̧ji̧nö̧'i̧nä̧ huo̧jua̧sä̧. Korotömä, “Ujutumä judíos huotöjä” pä'ätömä, ucuru suronä ttucuocua'a huo̧jua̧sä̧. Jahuätömä iso päi'önä judíos huocotö. Jahuätömä Satanás umöhuäyotö.

Apocalipsis 20:10

Ja̧u̧tä̧ ähuettämä, jahuätörö yapareu ji'ähuinörö, ocurä rö̧arä azufrenä cuoarära̧'a̧, ja̧u̧ pä̧i̧cua̧ i̧sa̧rö̧'i̧nä̧, ka̧ra̧ yapareu ji'ähuinörö'inä do'opö tticuinarära̧'a̧, do'opö tticuinäcu. Juhua'a 'cuäopönätä, mo̧ro̧'i̧nä̧, yodo'inä ubara ttuttäcuotö.

Apocalipsis 20:8

O'ca toi'önä pi̧jä̧ pa̧ja̧cu̧nä̧ ttö̧ja̧rö̧ yapareu jȩa̧ pä'ö rä̧o̧pä̧cua̧. Gog ötahuiyänä'inä, Magog ötahuiyänä'inä yapareu jȩä̧cua̧. Juhua'attö su̧ro̧da̧u̧ isotö recuätörö dubora rö̧ora jäyora pä̧ba̧ jä̧'i̧nö̧'a̧nö̧, ttirecuomettö ö̧ca̧ca̧tä̧cua̧ ttörohuähua pä'ö.

Apocalipsis 3:9

Ja̧'hua̧nö̧ ja̧'a̧ttö̧, Satanás umöhuäyotömä, “judíos huotöjä” yapareu ji'ähuätömä, ucutä cuä'ca jo̧mȩttö̧ ttihue'quiyunä ttö̧jä̧mä̧da̧ pä'ö jȩchä̧cuo̧tö̧, ttuhuo̧jua̧ pä'ö ucuru repeda'a.

Apocalipsis 9:1

Ka̧ra̧ ángel, ji̧mö̧tȩ ru̧hua̧ päi'önä, öäre trompeta ppö'inö. Ppöomenä, ya̧tȩ siri'comä mo̧ro̧jä̧ra̧'a̧ttö̧ pi̧jä̧cu̧ ma̧'ö̧rö̧ topinösä. Ja̧u̧ siri'comä ttiyinäcu reju, yoröiso beipocoju llave.

Apocalipsis 9:20

Ja̧'hua̧nö̧ ja̧'a̧nä̧ korotö ttö̧ja̧ ja̧u̧ juäittö 'corupä'i'ocotömä, yoröiso pärocuäcutä amöcuädocotö pi̧nä̧tö̧. Pä'äji jȩtti̧nö̧mä̧ jarotti'a pä'ö amöcuädocotö pi̧nä̧tö̧. Espíritus suropätörö'inä, ttu̧mö̧nä̧ adicuä juäi, orottö'inä, pärätättö'inä, broncettö'inä, ido'quittö'inä, dauttu'inä adicua'a, yoröiso tocö juäi'inä, ä̧ju̧cuo̧cö̧ juäi'inä, cueächocö juäi'inä jarotti'a pä'ö amöcuädocotö pi̧nä̧tö̧.