Apocalipsis 12:3 - TÄ̧DO Ä̧CUÄ̧ I̧HUȨNȨ

³ Ja̧u̧nu̧ o'ca'a, koro juäi'inä i̧jȩcui̧na̧'a̧ mo̧ro̧jä̧nä̧. Koro hua̧ i̧sa̧, ojuo da'ä jä̧'i̧nö̧'a̧nö̧ hua̧, tu̧'hua̧mä̧, uhuiyä'inä ko̧ro̧mö̧ttö̧nö̧ todäre, u i̧sä̧juä̧'i̧nä̧ tomöre jähuä ppöttähuä koro unä'inä, koro unä'inä huȩnä̧rö̧ i̧jȩcui̧nö̧.

Nuevo Testamento Uwotjüja

³ Juȩnȩ o'komȩnä̧ mo̧ro̧jä̧ra̧'a̧ttü̧ kkoro i̧jȩkuä̧chi̧na̧'a̧: Ya̧tȩ dragó̧ pättäku büó, tu̧'a̧, kko̧ro̧mü̧ttü̧nü̧ todäre jo̧mȩnä̧ kku̧nä̧rü̧ upiyämä̧, ä̧ja̧wi̧yä̧ okämä̧ to̧mü̧rȩ jäwä okä kku̧nä̧rü̧ ja̧'wa̧ta̧nü̧ jiyute u piyänä̧mä̧ ji̧yȩtȩ corona pättü u'uttäwä wȩnä̧ri̧nü̧.

Apocalipsis 12:3 Iomraidhean Croise

Apocalipsis 12:1

Ja̧'hua̧ ja̧'a̧ mo̧ro̧jä̧nä̧ koro juäi rö̧ȩnä̧ i̧jȩcuä̧ i̧jȩcui̧na̧'a̧. Yajute isaju, kö̧'ca̧tä̧huä̧ta̧ mo̧ro̧ kä̧hua̧ttö̧ 'ca̧tä̧huä̧ju̧ru̧ topinösä. Ja̧'hua̧ta̧nö̧ yodo kä̧hua̧rö̧ kö̧jä̧pö̧ dȩa̧'a̧ ku̧nä̧ri̧nä̧ju̧. Kunä'inä ppöttähuä ttö̧jä̧pö̧ttö̧nö̧ ta̧ju̧ si̧ri̧'cö̧ttö̧ adicua'a huȩnä̧ri̧nä̧ju̧.

Apocalipsis 12:13

Ja̧'hua̧ ja̧'a̧ chutä ojuo da'ä jä̧'i̧nö̧'a̧nö̧ hua̧ pi̧jä̧ra̧'a̧ do'opö tticuinäcu tomenä, yajutä isajuru, ki̧tti̧rö̧ jareönä uhuäbecuäjäjuru, usinö.

Apocalipsis 12:17

Ja̧'hua̧nö̧ 'cuäopomenä, ja̧u̧ ojuo da'ä jä̧'i̧nö̧'a̧nö̧ hua̧ ji̧nä̧ isocu ra̧huä̧ri̧nö̧ jahuäju isajuru. Korotörö, kahuaruhuä o'cotörö, Dios hueö adiu jȩpä̧tö̧rö̧, Jesucristo i̧huȩnȩ päö ta'anö adiu cue'ächätörö, örohuähua pä'ö 'chi̧nö̧.

Apocalipsis 12:4

I̧hui̧ri̧pa̧nä̧ mo̧ro̧jä̧ttö̧ si̧ri̧'cö̧rö̧ ju'tomecutä do'opö ȩmi̧pö̧ pi̧jä̧ra̧'a̧cu̧ icuinö. Ja̧u̧ i̧sa̧mä̧ yajujua isaju ku̧bo̧du̧ma̧ ni̧yä̧cua̧ kä'ca jo̧mȩ kä̧mä̧di̧nö̧, ji̧'qui̧cha̧hua̧ uhuäpächomenä ucui'a pä'ö.

Apocalipsis 12:7

Ja̧u̧nu̧ o'ca'a, rö̧ȩnä̧ rohuähuinätö mo̧ro̧jä̧ra̧'a̧ttö̧. Arcángel Miguelcu, umöhuäyotö ángelescu rohuähuinätö ja̧u̧ ojuo da'ä jä̧'i̧nö̧'a̧nö̧ hua̧cu̧. Ja̧u̧ ojuo da'ä jä̧'i̧nö̧'a̧nö̧ hua̧cu̧, umöhuäyotöcu pärocua'acu rohuähuinätö.

Apocalipsis 12:9

Ja̧u̧ ojuo da'ä jä̧'i̧nö̧'a̧nö̧ hua̧rö̧, i̧sa̧rö̧, chutä täbocö ä̧ca̧ pi̧nö̧rö̧, ähuettä'inä, Satanás'inä pättäcuru, o'ca toi'önärö yapareu ji'äuru, ya'opö tticuinäcu. Chutäcu umöhuäyotöcu pi̧jä̧ rȩjȩra̧'a̧ do'opö tticuinäcu.

Apocalipsis 13:1

Ttö dubora rö̧ora jäyoto rȩba̧nä̧ chö̧jo̧mȩnä̧, pä̧i̧cua̧ i̧sa̧, uhuiyä'inä ko̧ro̧mö̧ttö̧nö̧ todäre ku̧nä̧rö̧mä̧, u i̧sä̧juä̧'i̧nä̧ to̧mö̧rȩ jähuä ku̧nä̧rö̧mä̧, juhuorattö räopa'a topinösä. Koro u i̧sä̧juä̧nä̧'i̧nä̧, koro u i̧sä̧juä̧nä̧'i̧nä̧ ppöttähuä huȩnä̧ri̧nö̧. Koro unä'inä, koro unä'inä Diosrö suronä pä'ö huȩnȩ huȩyu̧cui̧na̧'a̧.

Apocalipsis 13:2

Ja̧u̧ pä̧i̧cua̧ i̧sa̧mä̧, tochäjäcumä yähui ta'anö hui̧nö̧. Ö̧jä̧pi̧yä̧mä̧ oso ta'anö hui̧nö̧. Ä'inä león ta'anö hui̧nö̧. Ja̧u̧ ojuo da'ä jä̧'i̧nö̧'a̧nö̧ hua̧mä̧ ja̧u̧ pä̧i̧cua̧ i̧sa̧rö̧ ujuru'inä, i̧dȩä̧cä̧'i̧nä̧, rö̧ȩnä̧ hueähuä'inä iyinäcu.

Apocalipsis 13:4

Chutä ojuo da'ä jä̧'i̧nö̧'a̧nö̧ hua̧rö̧, ja̧u̧ pä̧i̧cua̧ i̧sa̧rö̧ huea pä'ö hueäja'attö, eseunu ucuocuinätö. Ja̧u̧ pä̧i̧cua̧ i̧sa̧rö̧'i̧nä̧ eseunu ucuocu pä'inätö: —Pide jö̧ ta'anö hua̧mä̧, ¿tidejä̧ttö̧? Pidecu örohuäu'a̧nö̧ hua̧mä̧, ¿tidejä̧ttö̧?

Apocalipsis 15:1

Mo̧ro̧jä̧ra̧'a̧ttö̧ koro juäi, adihuä juäi, tottocö juäi i̧jȩcua̧'a̧ topinösä. Ko̧ro̧mö̧ttö̧nö̧ ta̧ju̧nu̧ ángeles ko̧ro̧mö̧ttö̧nö̧ todäre surojö 'cuäopä̧cuȩ 'chu̧ttä̧ra̧'a̧ topinösä. Ja̧u̧tä̧ Dios ö̧ra̧huä̧rä̧cua̧'a̧ röjinä.

Apocalipsis 16:13

Ja̧u̧nu̧ o'ca'a, huämetucuä espíritus suropätö, hua̧jo̧tö̧ jä̧'i̧nö̧'a̧nö̧ huotö, ojuo da'ä jä̧'i̧nö̧'a̧nö̧ hua̧ ättö'inä, pä̧i̧cua̧ i̧sa̧ ättö'inä, yapareu huȩnȩ ji'äu ättö'inä rättopa'a topinösä.

Apocalipsis 17:12

“Ja̧'hua̧ta̧nö̧ to̧mö̧rȩ jähuä u i̧sä̧juä̧ tocu'äjimä, to̧mö̧rȩ ruhuä ruhuotö, ji̧nä̧ hue'ö ichocotö jä̧'i̧nö̧'a̧nö̧ ja̧'a̧. Ja̧'hua̧nö̧ ja̧'a̧nä̧ chutä pä̧i̧cua̧ i̧sa̧cu̧ ya'ute horatä huetta pä'ö ttujuru ttȩmä̧cuo̧tö̧.

Apocalipsis 17:16

Ja̧u̧ to̧mö̧rȩ jähuä u i̧sä̧juä̧ pä̧i̧cua̧ i̧sa̧ u̧ju̧nä̧ra̧'a̧ tocu'äjimä, jahuäju mä̧nä̧ ruhuajuru kö'cocotö ttäcuotö. Jahuäjuru kö̧'ca̧tä̧huä̧ta̧ juiyönä kö̧jö̧nä̧ jarotti'äcuotö. Jahuäju kidepättö ttucuäcuotö. Ja̧'hua̧ta̧nö̧ jahuäjuru ocuränä ku tticuäcuotö.

Apocalipsis 17:7

Ja̧'hua̧ ja̧'a̧ttö̧ chutä ángel pä'inö ttörö: —¿Dä̧bö̧ ye'ö to̧cu̧'ä̧rä̧ttö̧? Jahuäju isajuru'inä, ja̧u̧ pä̧i̧cua̧ i̧sa̧, uhuiyä ko̧ro̧mö̧ttö̧nö̧ toyure ku̧nä̧rö̧, u i̧sä̧juä̧'i̧nä̧ to̧mö̧rȩ jähuä ku̧nä̧rö̧, jahuäju isajuru jö̧'co̧huä̧rö̧'i̧nä̧, yä̧huä̧i̧nä̧ pättö huȩnȩ ji̧dä̧huä̧cua̧jä̧ cu̧huo̧jua̧ pä'ö.

Apocalipsis 19:12

Chutä ö'äremä ocurä cuoa'a jä̧'i̧nö̧'a̧nö̧ tȩa̧hui̧na̧'a̧. Unä rö̧ȩnä̧ ppöttähuiyä'inä ru̧nä̧ri̧nö̧. Ja̧'hua̧ta̧nö̧ i̧mi̧mä̧ huȩyu̧cui̧nö̧mä̧, chutä katätä huo̧jui̧nö̧.

Apocalipsis 20:2

Ja̧u̧ ángel ojuo da'ä jä̧'i̧nö̧'a̧nö̧ hua̧rö̧, ja̧u̧ täbocö ä̧ca̧ pi̧nö̧rö̧, 'chu'ädinö. Ja̧u̧ ojuo da'ä̧ jä̧'i̧nö̧'a̧nö̧ hua̧mä̧ ähuettä'inä, Satanás'inä päi'önä kö̧. Ja̧u̧ru̧ 'chuhuädäji o'ca'a, ya'ute mil a̧'ȩ jo̧mȩnä̧ päi'önä, cuoräusa nö'cähua'a ki̧nö̧.