Apocalipsis 11:1 - TÄ̧DO Ä̧CUÄ̧ I̧HUȨNȨ

¹ Ja̧'hua̧ ja̧'a̧ttö̧ nä̧yö̧na̧, koro juäi pa̧ja̧cuabä jä̧'i̧nö̧'a̧nö̧, iyinätö ttörö. Pä'inätö: —Ä̧rä̧mi̧'i̧. Diosrö ucuocuäcuähuode'inä, Diosrö ucuocuäcuähuodä'inä pa̧ja̧ti̧. Ja̧'hua̧ta̧nö̧ ju̧huȩnȩ ucuocuätö'inä, tta̧'a̧nö̧ recuätö ja̧ pä'ö pa̧ja̧ti̧.

Nuevo Testamento Uwotjüja

¹ Ja̧'wa̧nü̧ ja̧'a̧, chü̧'a̧tä̧kuä̧nä̧ ttürü iyäwi'a'attü̧, päwi'inä̧ku̧sä̧: Ä̧rä̧mi̧'ü̧ Dio ojusode, Dio-rü ukuokuäkuäwode pa̧ja̧ti̧ ja̧'wa̧ta̧nü̧ Altar pättomȩ'i̧nä̧ pa̧ja̧ti̧ ja̧'wa̧ta̧nü̧ juȩnȩ Dio-rü eseu ukuokuätürü'i̧nä̧ pa̧ja̧ti̧.

Apocalipsis 11:1 Iomraidhean Croise

2 Corintios 6:16

Ja̧'hua̧ta̧nö̧ Diosrö ucuocuäcuähuodenä, koro juäi ttu̧mö̧nä̧ adicuä juäi juhuodenä ¿ttucuocu'a̧nö̧ tä̧ji̧? Dios kö̧rö̧ ucutucu kö̧. Chutä Dios ja̧'hua̧ta̧nö̧ pä'ö: Ttö jahuätöcu kä̧nö̧ cuȩdä̧chä̧cua̧sä̧. Ttömä jahuätö Ttä̧do̧ ä̧cua̧ Dios päi'önä chö̧jä̧cua̧sä̧. Ja̧'hua̧ta̧nö̧ jahuätömä ttö chumöhuäyotö pätti'äcuotö.

1 Pedro 2:5

Koro juäi isode ttaditö'a̧nö̧, Dios adihuode adita'anä, ucutu'inä ido'qui isode adicuo'qui jä̧'i̧nö̧'a̧nö̧ jö̧nä̧ ka̧cuä̧tu̧cui̧. Ja̧'hua̧ta̧nö̧ juhuode tta̧'ä̧rä̧tö̧mä̧, Dios aditö icuinä̧u̧mä̧, Jesucristorö esetö Dios öjö'cö juäi iyö ttö̧jö̧'a̧nö̧ ka̧cuä̧tu̧cui̧ ucutu'inä.

1 Pedro 2:9

Ucutu Dios ȩmi̧nä̧u̧jä̧. Tu̧ru̧hua̧ hue'ähuotöjä, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ ucutumä Dios umöhuäyotöjä, chutä ä'ca jo̧mȩttö̧ adiunätä cu̧ja̧cuä̧tu̧cua̧ pä'ö. Ucutumä ja̧'hua̧nö̧ ka̧cuä̧tö̧jä̧, Dios adihuä juäi jȩö̧ huȩnȩ jicuhuähuätucua pä'ö. Ja̧u̧ yo̧ö̧ttö̧ rä'opö, adihuä juäi tȩa̧u̧nä̧ cuecuhuächätucua pä'ö huoinä̧u̧jä̧.

Apocalipsis 10:11

Ja̧u̧nu̧ o'ca'a, ttörö pä'inätö: —Ucumä pä'äji ta'anö Dios i̧huȩnȩ ji̧cu̧huä̧huä̧cua̧jä̧ recuätö ttö̧ja̧rö̧'i̧nä̧, tti̧rȩjä̧nä̧'i̧nä̧, tti̧huȩnȩnä̧'i̧nä̧, ruhuotörö'inä.

Apocalipsis 21:15

Ja̧u̧ ángel ttörö ucuocuäjimä, i̧so̧'quȩ orottö adicuo̧'quȩ, ötahuiyä'inä, äpatiyä'inä, i̧so̧ca̧'i̧nä̧ ö̧'a̧ta̧ pä'ö 'chu̧'ä̧ri̧nö̧.