Apocalipsis 10:11 - TÄ̧DO Ä̧CUÄ̧ I̧HUȨNȨ

¹¹ Ja̧u̧nu̧ o'ca'a, ttörö pä'inätö: —Ucumä pä'äji ta'anö Dios i̧huȩnȩ ji̧cu̧huä̧huä̧cua̧jä̧ recuätö ttö̧ja̧rö̧'i̧nä̧, tti̧rȩjä̧nä̧'i̧nä̧, tti̧huȩnȩnä̧'i̧nä̧, ruhuotörö'inä.

Nuevo Testamento Uwotjüja

¹¹ Ja̧'wa̧nü̧ ja̧'a̧ jua̧u̧mä̧ päinä̧ku̧sä̧: Pä'äji jä̧ji̧ ta̧'a̧nü̧ rekuä rü̧ja̧'a̧ Dio amükuädü jikuäwa pä'ü, tti̧wȩnȩ pünä̧, tti̧rȩji̧yä̧ pünä̧, ruwotürü'i̧nä̧, jü̧nä̧.

Apocalipsis 10:11 Iomraidhean Croise

Apocalipsis 10:10

Ja̧'hua̧ ja̧'a̧ttö̧ ja̧u̧ ángel u̧mö̧ttö̧ ȩmi̧nö̧sä̧ ja̧u̧ cuyäru'tä ji̧'qui̧cha̧jä'tä. Ȩmä̧ji̧'ca̧ cuinösä. Chänä iso päi'önä sa̧di̧na̧'a̧. Ja̧'hua̧nö̧ ja̧'a̧nä̧ chucuäji o'ca'a, chu̧cuä̧ba̧nä̧ reina'a.

Apocalipsis 11:1

Ja̧'hua̧ ja̧'a̧ttö̧ nä̧yö̧na̧, koro juäi pa̧ja̧cuabä jä̧'i̧nö̧'a̧nö̧, iyinätö ttörö. Pä'inätö: —Ä̧rä̧mi̧'i̧. Diosrö ucuocuäcuähuode'inä, Diosrö ucuocuäcuähuodä'inä pa̧ja̧ti̧. Ja̧'hua̧ta̧nö̧ ju̧huȩnȩ ucuocuätö'inä, tta̧'a̧nö̧ recuätö ja̧ pä'ö pa̧ja̧ti̧.

Apocalipsis 11:9

Ja̧'hua̧ ja̧'a̧ huäbodäcuä mo̧ro̧ o'ca'a, koro mo̧ro̧ kä̧hua̧ jueö kö̧rö̧ päi'omenä, o'ca juiyönä ötahuiyä ttö̧ja̧'i̧nä̧, pi̧jä̧ pa̧ja̧cu̧nä̧ ttö̧ja̧'i̧nä̧, tti̧huȩnȩ pö̧nä̧ ucuocuätö'inä, ko̧ro̧jä̧ tti̧rȩjä̧ttö̧ ichähuotö'inä tto'co jähuä tottäcuotö. Ttu'tura pä'ö hueähuoca'a jä̧cua̧'a̧.

Apocalipsis 14:6

Ja̧'hua̧ ja̧'a̧ttö̧ ka̧ra̧ ángel, mo̧ro̧jä̧ kä'conä co̧ä̧ra̧'a̧ topinösä. Ja̧u̧mä̧ yoröiso beipocö huȩnȩ, ttö̧ja̧rö̧ jȩpö̧ icu huȩnȩ, ko̧ro̧jä̧ tti̧rȩjä̧nä̧ ka̧cuä̧tö̧rö̧'i̧nä̧, pi̧jä̧ pa̧ja̧cu̧nä̧ ttö̧ja̧rö̧'i̧nä̧, tti̧huȩnȩ pö̧nä̧ ucuocuätörö'inä, o'ca juiyönä ötahuiyä ttö̧ja̧rö̧'i̧nä̧ jiähua pä'ö ku̧nä̧ri̧nö̧.

Apocalipsis 17:10

Ja̧'hua̧ta̧nö̧ uhuiyä ko̧ro̧mö̧ttö̧nö̧ ta̧ju̧nu̧ ruhuotö jä̧'i̧nö̧'a̧nö̧ ja̧'a̧. Jahuätö ruhuotöttö, ji̧mö̧tȩ ruhuärö täcö ya'opö tticuinä̧u̧. Ya̧tȩ jitämä hue'ö. Ka̧ra̧ ji̧nä̧ ichoca'a. Chutä röji ru̧hua̧ ichomenä, recuomä hue'ocö.

Apocalipsis 17:12

“Ja̧'hua̧ta̧nö̧ to̧mö̧rȩ jähuä u i̧sä̧juä̧ tocu'äjimä, to̧mö̧rȩ ruhuä ruhuotö, ji̧nä̧ hue'ö ichocotö jä̧'i̧nö̧'a̧nö̧ ja̧'a̧. Ja̧'hua̧nö̧ ja̧'a̧nä̧ chutä pä̧i̧cua̧ i̧sa̧cu̧ ya'ute horatä huetta pä'ö ttujuru ttȩmä̧cuo̧tö̧.

Apocalipsis 17:15

Ja̧'hua̧ta̧nö̧ ja̧u̧ ángel pä'inö ttörö: —Ja̧u̧ ajehuiyä tocu'äjimä, yajujua mä̧nä̧ ruhuaju kö̧'ä̧mä̧dä̧jä̧jo̧mȩ koro ötahuiyä'inä, ttö̧ja̧'i̧nä̧, tti̧huȩnȩ pö̧nä̧ ucuocuätö'inä, ka̧ra̧'a̧ tti̧rȩjä̧ ruhuä'inä jä̧'i̧nö̧'a̧nö̧ ja̧'a̧.

Apocalipsis 5:9

Ja̧'hua̧ta̧nö̧ pi̧yȩ jareö ra̧huä̧huä̧ ra̧'i̧nä̧tö̧: Iso päi'önä ucutä adihuä i̧sa̧jä̧. Ucutä ja̧u̧ cuyäru'tä ȩmö̧, sellos jȩpö̧ cuicu'a̧nö̧ hua̧. Ucurutä sacrificio päi'önä cuä'ö tticuinäcujä. Ucutä cucuojanä Dios i̧tti̧mö̧ päti'a pä'ö ȩmi̧nö̧jä̧ o'ca toi'önä pa̧ja̧cu̧nä̧ ttö̧ja̧ttö̧'i̧nä̧, tti̧huȩnȩ pö̧nä̧ ucuocuätöttö'inä, o'ca juiyönä ötahuiyä ttö̧ja̧ttö̧'i̧nä̧, korotö tti̧rȩjä̧ttö̧'i̧nä̧.