Apocalipsis 10:1 - TÄ̧DO Ä̧CUÄ̧ I̧HUȨNȨ

¹ Ja̧'hua̧ ja̧'a̧ttö̧ ka̧ra̧ ángel ju̧ru̧hua̧mä̧, mo̧ro̧jä̧ra̧'a̧ttö̧ i̧mȩyȩhua̧'a̧ topinösä. Ja̧u̧mä̧ ajiya isoppanä juä'opäcuähuinö. U huämenä huäyärobö ku̧nä̧ri̧nö̧. Ö'ämä mo̧ro̧ kä̧hua̧ ta'anö tȩa̧hui̧na̧'a̧. Öjahuiyä'inä koro juäi 'quiyö juäi isä'ca ocurä cuoa'a jä̧'i̧nö̧'a̧nö̧ hui̧nö̧.

Nuevo Testamento Uwotjüja

¹ Kka̧ra̧ á̧gȩ-rü̧ ujuruku mo̧ro̧jä̧ra̧'a̧ttü̧ i̧mȩyȩwa̧'a̧ topinü̧sä̧, kkä̧rü̧'koppa jakuänä̧; unä̧mä̧ wäyurobü kki̧na̧'a̧. I'ämä̧ kkä̧wa̧ 'kua̧ri̧nü̧ ja̧'wa̧ta̧nü̧ i̧jä̧pi̧yä̧mä̧ okurä 'kua̧ri̧na̧'a̧.

Apocalipsis 10:1 Iomraidhean Croise

San Mateo 17:2

Juhua'attö Jesús pärohuächinödo jahuätö ttä'ca jo̧mȩttö̧. Ö'ämä mo̧ro̧ kä̧hua̧ ta'anö tȩa̧hui̧na̧'a̧do. Ö̧'ca̧tä̧huä̧ta̧ korottö'inä abonänö teina'ado.

San Lucas 21:27

Ja̧'hua̧nö̧ päi'omenä, Ubo I̧tti̧ adihuä ujurunä dä'änö kä̧dȩpö̧nä̧ ajiya isoppanä icha'a tottäcuotö.

Hechos 26:13

Ja̧'hua̧nö̧ ja̧'a̧ ru̧hua̧ Agripa, kä̧hua̧ jueö kö̧rö̧ chi̧'cho̧mȩnä̧, mo̧ro̧jä̧ra̧'a̧ttö̧ kä̧dȩpa̧'a̧ topinösä, kä̧hua̧ttö̧'i̧nä̧ abonänö tȩa̧hua̧'a̧. Ttö'inä, ttöcu 'chä̧tö̧'i̧nä̧ tö̧ja̧cuo̧mȩ kä̧dȩpi̧na̧'a̧.

Apocalipsis 1:7

¡Topätucui! Cristomä ajiya isoppanä i̧chä̧cua̧. O'ca toi'önä, churu suronä jȩpi̧nä̧tö̧'i̧nä̧, ja̧u̧ru̧ tottäcuotö. O'ca toi'önä pi̧jä̧ pa̧ja̧cu̧nä̧ ttö̧ja̧ ja̧u̧ru̧ topö ttajuähuäcuotö. Iso päi'önä pa̧'a̧nö̧ 'cuäopäcua'a. Amén.

Apocalipsis 18:1

Ja̧u̧ 'cuäopinö o'ca'a, ka̧ra̧ ángel rö̧ȩnä̧ ju̧ru̧hua̧mä̧, mo̧ro̧jä̧ra̧'a̧ttö̧ i̧mȩyȩhua̧'a̧ topinösä. Chutä ángel i̧tȩa̧u̧ttu̧ pi̧jä̧mä̧ tȩa̧hui̧na̧'a̧.

Apocalipsis 18:21

Ja̧'hua̧ ja̧'a̧ttö̧ ya̧tȩ ángel ju̧ru̧hua̧mä̧, ido'qui rö̧o'qui, ya̧mö̧ i̧sa̧ppȩ adicuo'qui jä̧'i̧nö̧'a̧nö̧ cä'epö, dubora rö̧orara̧'a̧ do'opö icu, pä'inö: —Ja̧'hua̧nö̧ ötahuiyä rö̧ome, Babilonia ötahuiyä toei'äcua'a. Pä'äji ta'anö yoröiso toäcuähuoca'a jä̧cua̧'a̧.

Apocalipsis 20:1

Ja̧u̧ juäi 'cuäopäji o'ca'a, ya̧tȩ ángelrö mo̧ro̧jä̧ra̧'a̧ttö̧ i̧mȩyȩhua̧'a̧ topinösä. Ja̧u̧ reju yoröiso beipocoju öäre llave'inä, cuoräusa rö̧äsa'inä u̧mö̧nä̧ 'chu̧'ä̧ri̧nö̧.

Apocalipsis 4:3

Ju̧huä̧cä̧nä̧ pi̧nö̧mä̧ koro juäi ido'qui, jaspettö'inä, cornalinattö'inä, rö̧ȩnä̧ tȩa̧huo'qui jä̧'i̧nö̧'a̧nö̧, tȩa̧pi̧nö̧ ö'ämä. I̧dȩä̧cä̧ jäyänä ya̧tȩ huäyärobö, koro juäi esmeralda ido'qui, rö̧ȩnä̧ tȩa̧huo'qui tȩa̧u̧'a̧nö̧ tȩa̧hui̧na̧'a̧.

Apocalipsis 5:2

Ja̧'hua̧ta̧nö̧ ya̧tȩ ángel ju̧ru̧hua̧rö̧, i̧huȩnȩ pä̧i̧cu̧nä̧ huopörö, topinösä. Ja̧u̧ huopinö: —Pi̧yȩ cuyäru bahuepa pä'ömä, ¿dijä̧ttö̧ adihuä i̧sa̧mä̧? Ja̧'hua̧ta̧nö̧ sellos jȩpö̧ icumä, ¿dijä̧ttö̧ adihuä i̧sa̧mä̧?

Apocalipsis 8:13

Ja̧u̧nu̧ o'ca'a tochomenä, ya̧tȩ ángel mo̧ro̧jä̧nä̧ co̧ä̧ra̧'a̧, i̧huȩnȩ ä̧ju̧cui̧nö̧sä̧. Ja̧u̧ i̧huȩnȩnä̧ pä̧i̧cu̧nä̧ pä'inö: —Iso päi'önä korotö huämetucuä ángeles ttöäre trompetas ppöttomenä, pi̧jä̧nä̧ ka̧cuä̧tö̧mä̧ yoröiso tta̧'cua̧ tta̧'ȩcu̧ ubara ttuttäcuotö, —pä'inö.