Apocalipsis 1:2 - TÄ̧DO Ä̧CUÄ̧ I̧HUȨNȨ

² Chutä Juan, o'ca juiyönä toinömä, iso päi'önä huȩnȩ ji'äu huȩyu̧ti̧nö̧do. Pi̧yȩ huȩnȩ Dioscu, Jesucristocu jittähua'a ä̧ju̧cu̧ huȩyu̧ti̧nö̧do.

Nuevo Testamento Uwotjüja

² Ja̧'wa̧nü̧ ji̧na̧'a̧ttü̧ jua̧u̧ Ju̧a̧-mä̧ toinü̧mä̧ jueünä̧tä̧ ji'äwinü̧, Dio Jesucrito-nä̧ jiäwinü̧ wȩnȩmä̧.

Apocalipsis 1:2 Iomraidhean Croise

San Juan 1:32

Ja̧'hua̧ta̧nö̧ pä'inödo Juan: —Espíritu Santorö, unucu ta'anö hua̧, mo̧ro̧jä̧ttö̧ i̧mȩyȩhua̧'a̧ ja̧u̧ru̧ kä̧mä̧dö̧ topinösä.

San Juan 12:17

Jesús Lázarorö idorättö huoinö'inä, 'corupäi'omettö ttoädinö'inä topinätömä, o'ca juiyönä tottinö ji'ähuinätödo.

San Juan 19:35

Pa̧'a̧nö̧ ji'äumä topinö'ca̧ ji'äu. Yapareu'inä ji'ähuocö. Chutä iso päi'önä jiähua'a huo̧jua̧ ucutu'inä cuesetätucua pä'ö.

San Juan 21:24

Ja̧u̧tä̧ Jesús u̧huo̧juȩtä̧u̧ i̧sa̧ pi̧yȩ o'ca juiyönä ji'ähuinödo. Ja̧'hua̧ta̧nö̧ pi̧yȩ o'ca juiyönä huȩyu̧ti̧nö̧do. Ja̧'hua̧ta̧nö̧ ujutu huo̧juä̧tö̧jä̧ ja̧u̧mä̧ iso päi'önä huȩnȩ ji'ähuinödo.

San Juan 3:11

Iso päi'önä pä'ösä ucuru, ujutu tu̧huo̧jua̧'a̧ttö̧ ucuocuätöjä. Ujutu totinötä ji'ähuätöjä. Ja̧'hua̧nö̧ ja̧'a̧nä̧ ujutu jitähuomenä, esetocotöjä ucutumä.

Hechos 22:15

Dios jȩi̧nö̧mä̧ cuä̧ju̧cuä̧ji̧'i̧nä̧, tocu'äji'inä ji̧cu̧huä̧huä̧cua̧jä̧ o'ca toi'önä ttä'ca jo̧mȩttö̧.

Hechos 26:16

Ä̧rä̧mi̧'ö̧ kä̧mä̧di̧. Ucuru i̧jȩcu̧sä̧ ttö chu̧mö̧huä̧ya̧ päi'önä ttö huedö jȩcu̧'a̧ pä'ö. Ttörö jitä tocu'u'inä, yodoji ttörö tocu'ä̧cuȩ'i̧nä̧ ji̧cu̧huä̧huä̧cua̧jä̧.

Hechos 4:20

Tä̧ju̧cui̧nö̧'i̧nä̧, totinö'inä jitäumä cä'ädi'ocotöjä, —pä'inätödo.

1 Corintios 1:6

Ja̧'hua̧ ja̧'a̧ Cristo i̧huȩnȩ jidähuinö ta'anö 'cuäopa'a ucuturu.

1 Corintios 2:1

Iso päi'önä chö̧jä̧hua̧tö̧, Dios i̧huȩnȩ ji'äu chi̧'cho̧mȩnä̧, ucuturu rö̧ȩnä̧ huo̧ju̧nä̧ ttucuocu'a̧nö̧mä̧ ucuocuocö pi̧nö̧sä̧.

1 Juan 1:1

Ucuturu huȩyu̧tu̧ hue'ätöjä kä̧cuä̧huä̧ i'co huȩnȩ. Ja̧u̧mä̧ pi̧jä̧ aditäcua'a ä'canä ki̧nö̧do. Ja̧u̧ru̧ ä̧ju̧cui̧nä̧tö̧jä̧ ujutumä. Tö'ärenä'inä topinätöjä. Mȩ'ö̧'i̧nä̧ mȩ'i̧nä̧tö̧jä̧ tu̧mö̧nä̧. Ja̧u̧ huȩnȩ ji̧nö̧ttö̧tä̧ ji̧nä̧ kä̧cuä̧huä̧ iyö.

1 Juan 4:14

Ujutu totinömä ji'ähuätöjä, Dios I̧tti̧rö̧ hue'inö pä'ö, pi̧jä̧nä̧ ka̧cuä̧tö̧ suronä jȩttö̧ jȩpö̧ icua pä'ö.

3 Juan 1:12

O'ca toi'önä adiu ji'ähuätö Demetriorö. Iso päi'önä huȩnȩ päö'a̧nö̧ jȩpö̧ kö̧. Ujutu'inä Demetrio adiu jȩpö̧ pä'ö ji'ähuätöjä. Jitäumä iso päi'önä huȩnȩ ja̧'a̧, ucutu huo̧juä̧tö̧jä̧.

Apocalipsis 1:11

Ttörö päina'a: —Ttömä ä'canä'inä, röjinä'inä ru̧hua̧sä̧. O'ca juiyönä juiyäi'inä. beipächomenä'inä ru̧hua̧sä̧. O'ca juiyönä tocu'umä huȩyu̧ti̧ cuyäru'tänä. Cui̧huȩyu̧tä̧ji̧ o'ca'a Asia rȩjȩnä̧ ka̧cuä̧tö̧rö̧ ko̧ro̧mö̧ttö̧nö̧ todäre iglesias ruhuärö huȩyu̧tu̧ hue'i. Efeso ötahuiyära̧'a̧'i̧nä̧, Esmirna ötahuiyära̧'a̧'i̧nä̧, Pérgamo ötahuiyära̧'a̧'i̧nä̧, Tiatira ötahuiyära̧'a̧'i̧nä̧, Sardis ötahuiyära̧'a̧'i̧nä̧, Filadelfia ötahuiyära̧'a̧'i̧nä̧, Laodicea ötahuiyära̧'a̧'i̧nä̧, huȩyu̧tu̧ hue'i.

Apocalipsis 1:19

Ja̧'hua̧nö̧ ja̧'a̧ttö̧ tocu'äji'inä, jitä ka̧cu̧'i̧nä̧, pi̧yȩ 'cuäopö o'ca'a 'cuäopä̧cuȩ'i̧nä̧, o'ca juiyönä huȩyu̧ti̧.

Apocalipsis 1:9

Ttö Juan, ucutu cu̧jä̧hua̧sä̧. Ucutucu ubara ttu'usä. Ucutucu pä̧di̧'ä̧cua̧sä̧ Dios hueomettö'inä. Ja̧'hua̧ta̧nö̧ tami 'qui'ächi'ö Jesucristo iyomenä, ucutucu iyäcusä. Dios i̧huȩnȩ, Jesucristo päinö huȩnȩ jidähuomenä, cärenä pi̧nö̧sä̧ Patmos kä'co i̧sä̧sa̧ttö̧.

Apocalipsis 12:11

Ujutu tö̧jä̧hua̧tö̧ chutä Corderomä ucuojanä imitähuina'attö'inä, chutä i̧huȩnȩ jittähuina'attö'inä, ja̧u̧ suronä jȩpi̧nö̧ttö̧'i̧nä̧ abonänö juruhuinätö. Jahuätö 'corupäi'äcuähuä ye'ecuocotö pi̧nä̧tö̧. Jahuätömä “Ujutu Dios i̧huȩnȩ jitähuomenä, 'corupäti'öttömä huäinä ja̧'a̧” pä'inätö.

Apocalipsis 12:17

Ja̧'hua̧nö̧ 'cuäopomenä, ja̧u̧ ojuo da'ä jä̧'i̧nö̧'a̧nö̧ hua̧ ji̧nä̧ isocu ra̧huä̧ri̧nö̧ jahuäju isajuru. Korotörö, kahuaruhuä o'cotörö, Dios hueö adiu jȩpä̧tö̧rö̧, Jesucristo i̧huȩnȩ päö ta'anö adiu cue'ächätörö, örohuähua pä'ö 'chi̧nö̧.

Apocalipsis 20:4

Ja̧u̧nu̧ o'ca'a, tti̧dȩä̧qui̧yä̧ topinösä. Ja̧u̧ juäi tti̧dȩä̧qui̧yä̧nä̧ pȩji̧nä̧tö̧, ttö̧ja̧rö̧ ro̧ttȩpa̧ pä'ö huettinä̧u̧. Ja̧'hua̧ta̧nö̧ korotö Jesús i̧huȩnȩ jittähua'attö, ttu 'cui'opö tticuinä̧u̧, Dios hueö'inä esetinätörö topinösä. Jahuätömä ja̧u̧ pä̧i̧cua̧ i̧sa̧rö̧'i̧nä̧, chutä a̧'u̧cuä̧'i̧nä̧ esehuocotö, ja̧u̧ pä̧i̧cua̧ i̧sa̧ öäre sello ttö'änä'inä, ttu̧mö̧nä̧'i̧nä̧ ta'ähuocotö tta̧'cua̧ru̧hua̧rö̧ topinösä. Jahuätö pä'äji ta'anö ttö̧ja̧cua̧'a̧. Cristocu ya'ute mil a̧'ȩ jo̧mȩnä̧ huetta'a topinösä.

Apocalipsis 22:21

Tu̧ru̧hua̧ Jesucristo ucuturu o'ca toi'önärö adiu ppädäcua'a̧nö̧. Amén.

Apocalipsis 6:9

Chutä Cordero koro ji̧mö̧tȩ jähuä jo̧mȩnä̧ sello jȩpö̧ icuomenä, Diosrö ucuocuäcuähuodä dȩa̧'a̧, Dios i̧huȩnȩ ji'ähuinätö tta̧'cua̧ru̧hua̧rö̧ topinösä. Jahuätörö, Dios i̧huȩnȩ jittähua'attö cuä'ö tticuinä̧u̧.