3 Juan 1:2 - TÄ̧DO Ä̧CUÄ̧ I̧HUȨNȨ

² Chö̧jä̧hua̧, Diosrö jä'epö ucuocusä, ucu cua̧'cua̧ adiunä cu̧ja̧ pä'ö. Ye, ttömä huo̧jua̧sä̧ ucuru adiu eseunu kö̧jä̧ pä'ö Dioscu.

Nuevo Testamento Uwotjüja

² Cha̧wa̧ru̧wa̧ chi̧jä̧wa̧, Dio-rü jä'epüsä, Epíritu jäwänä̧ kuä̧rä̧mü̧ta̧'a̧nü̧, kkoro o'kajuiyünä̧'i̧nä̧ adiu kuä̧rä̧ma̧ pä'ü ja̧'wa̧ta̧nü̧ kumä̧richei juiyomȩnä̧ ku̧ja̧ pä'ü.

3 Juan 1:2 Iomraidhean Croise

San Mateo 9:12

Ja̧'hua̧nö̧ pätta'a ä̧ju̧cu̧, Jesús pä'inödo: —Na̧'ä̧cho̧co̧tö̧mä̧ jahuapömä jä'epocotö jahuapö ru̧hua̧rö. Na̧'ä̧chä̧tö̧tä̧ jahuapö jä'epätö jahuapö ru̧hua̧rö̧.

Filipenses 2:27

Iso päi'önä 'corupäi'ö'a̧nö̧ na̧'ä̧chi̧nö̧. Ja̧'hua̧nö̧ ja̧'a̧nä̧ Diostä a̧'cua̧ tta̧nö̧ topö ppädinäcu. Ja̧u̧ru̧tä̧ katätä ppä'ädocö pi̧nö̧. Ttörö'inä ppä'ädinö, juhua'a yabo rö̧ȩnä̧ cha̧'cua̧ tta̧'ȩcu̧ 'cuädopa'acu.

Filipenses 2:4

Ka̧ra̧'i̧nä̧ churutä adiumä amöcuädö juiyäcua'a̧nö̧. Korotörö'inä adiumä amöcuädätucui.

2 Tesalonicenses 1:3

Tö̧jä̧hua̧tö̧, 'cuäopönä Diosrö eseunu ucuocuätöjä ucuturu amöcuädö. Ucutu juhua'a yabonö Diosrö cuesetätucu'inä, cuahuaruhuärö juhua'a yabonö repecuhuätucu'inä amöcuädö, teseu'a̧nö̧ ja̧'a̧.

2 Tesalonicenses 2:13

Ja̧'hua̧nö̧ ja̧'a̧nä̧ tö̧jä̧hua̧tö̧, Tu̧ru̧hua̧ repeä̧u̧mä̧, ujutu Diosrö 'cuäopönä eseunu ucuocuätöjä ucuturu. Dios äcuomenä ucutu suronä jȩcu̧'ä̧tu̧cu̧ jȩpö̧ icua pä'inö ucuturu. Espíritu Santo ujurunä iso päi'önä huȩnȩ cuesetätucuomenä, ȩmi̧nö̧ ucuturu.

Santiago 5:12

Chö̧jä̧hua̧tö̧, mo̧ro̧jä̧ i̧mi̧nä̧ pä'ömä päcuhuätucuä'. Pi̧jä̧ i̧mi̧nä̧, koro juäi i̧mi̧nä̧ pä'ömä päcuhuätucuä', Diosttö tä̧bo̧cuä̧ 'cuäcuhuopätucu juiya pä'ö. “A̧” pä'ätömä, jueönätä “A̧” pä'ätucui. “Ja̧'hua̧nö̧cö̧” pä'ätömä, jueönätä “Ja̧'hua̧nö̧cö̧” pä'ätucui.

1 Pedro 4:8

Korottö'inä abonänö eseunu repe'ätucui cu̧jä̧hua̧tö̧rö̧. Iso päi'önä adiu eseunu cu̧ja̧cuä̧tu̧cuo̧mȩnä̧, cu̧jä̧hua̧tö̧ suronä jȩttö̧ unichi'ätöjä.

2 Pedro 3:18

Tu̧ru̧hua̧ Jesucristorö juhua'a yabonö adiunä huo̧jui̧pä̧tu̧cui̧. Ja̧'hua̧ta̧nö̧ juhua'a yabonö esehuätucui Tu̧ru̧hua̧rö̧. Jitä'inä, yodoji'inä tesehuäcuähuätucuaja ja̧u̧ru̧tä̧ 'cuäopönä. Amén.

3 Juan 1:1

Ttö anciano hua̧ chi̧huȩnȩ hue'ösä ucuru, chö̧jä̧hua̧ Gayo. Iso päi'önä ttötä repedäcujä.

Apocalipsis 2:9

O'ca juiyönä jȩcu̧'u̧ huo̧jua̧sä̧. Ubara ttucuhuinömä huo̧jua̧sä̧. Järe ru̧hua̧ cu'a'anä, usurä isotö ttö̧ja̧'a̧ jä̧'i̧nö̧'a̧nö̧, cu̧ji̧nö̧'i̧nä̧ huo̧jua̧sä̧. Korotömä, “Ujutumä judíos huotöjä” pä'ätömä, ucuru suronä ttucuocua'a huo̧jua̧sä̧. Jahuätömä iso päi'önä judíos huocotö. Jahuätömä Satanás umöhuäyotö.