3 Juan 1:11 - TÄ̧DO Ä̧CUÄ̧ I̧HUȨNȨ

¹¹ Suronä jȩpä̧tö̧ jȩttö̧'a̧nö̧ jȩcu̧'ä̧' chö̧jä̧hua̧. Adiu jȩpä̧tö̧ jȩttö̧'a̧nö̧ jȩpi̧. Adiu jȩpö̧mä̧, Dios i̧tti̧ päi'önä kö̧. Suronä jȩpö̧mä̧, Diosrö topocö pi̧nö̧.

Nuevo Testamento Uwotjüja

¹¹ Cha̧wa̧ru̧wa̧ chi̧jä̧wa̧, surojü jȩttü̧ ji̧yȩta̧'a̧kuä̧mä̧ jȩ'kuä̧. Adiwä juei jȩpü̧mä̧ Dio-rü wo̧jua̧ ja̧'a̧ ja̧'wa̧nü̧ ja̧'a̧nä̧ surojü jȩpü̧mä̧ Dio-rü jȩru̧pa̧ ja̧'a̧.

3 Juan 1:11 Iomraidhean Croise

San Juan 10:27

Chä̧ji̧mö̧ o̧vȩja̧stö̧ chi̧huȩnȩ huo̧juä̧tö̧. Ttö'inä jahuätörö huo̧jua̧sä̧. Ttö cho'ca'anä cue'ächätö.

San Juan 12:26

Ya̧tȩ ttörö ppäda päöttömä, ttöcu cueächäcua'a̧nö̧. Ttö chö̧jo̧mȩ'i̧nä̧, ttörö ppä'ädömä ö̧jä̧cua̧. Ya̧tȩ ttörö ppä'ädörö, Chä'o ja̧u̧ru̧ u̧cuo̧tä̧cua.

San Juan 3:20

O'ca toi'önä suronä jȩpä̧tö̧mä̧, adihuä tȩa̧u̧mä̧ kö'cocotö. Ja̧u̧ tȩa̧u̧ tö'cöpächocotö, suronä jȩtta̧'a̧ ttu̧huo̧ju̧ juiyäcua'a̧nö̧ korotömä.

1 Corintios 11:1

Ttömä Cristo cueächinö ta'anö cuedächomenä, ucutu'inä cue'ächätucui ttö cuedächö ta'anö.

1 Corintios 4:16

Ja̧'hua̧nö̧ ja̧'a̧ttö̧ ttö pä'ösä ucuturu, ttö cuedächö'a̧nö̧ cue'ächätucui.

Efesios 5:1

Ucutumä Dios i̧tti̧mö̧jä̧. Ja̧'hua̧nö̧ ja̧'a̧ttö̧ chutä ta'anö cu̧ja̧cuä̧tu̧cua̧ pä'ö amöcuädätucui.

Filipenses 3:17

Chö̧jä̧hua̧tö̧, ttö cuedächinö ta'anö cue'ächätucui. Ja̧'hua̧ta̧nö̧ korotö ujutu cuetächinö ta'anö cue'ächätörö topätucui.

1 Tesalonicenses 1:6

Ujutu jȩti̧nö̧'i̧nä̧, Tu̧ru̧hua̧ jȩi̧nö̧'i̧nä̧, adihuä huȩnȩ'i̧nä̧ esetö jȩpi̧nä̧tö̧jä̧ ucutumä. Ja̧'hua̧nö̧ jȩcu̧'ä̧tu̧cuo̧mȩnä̧, rö̧ȩnä̧ ubara ttu'u, Espíritu Santorö eseu, jȩpi̧nä̧tö̧jä̧.

1 Tesalonicenses 2:14

Tö̧jä̧hua̧tö̧, ucutu cuahuaruhuä ucuturu suronä jȩpö̧ ubara ttucuhuätucuomenä, Judea rȩjȩnä̧ Cristo Jesúsru esetätö iglesia ruhuärö 'cuäopinö ta'anö, 'cuäopina'a ucuturu. Jahuätö'inä ttamönä ttahuaruhuä judíos ttö̧ja̧ suronä jȩtta̧'a̧ttö̧, ubara ttu'inätö.

2 Timoteo 3:10

Ja̧'hua̧nö̧ ja̧'a̧nä̧ ucu ttö chu̧huo̧juȩtö̧ ta'anö jȩpö̧jä̧. Chö̧jö̧'i̧nä̧, jidäu'inä huo̧jua̧jä̧. Ja̧'hua̧ta̧nö̧ chesetö'inä, chami 'quidächi'ö'inä, repedö'inä huo̧jua̧jä̧. Ja̧'hua̧ta̧nö̧ ttörö suronä jȩtto̧mȩnä̧, ubara ttu'u jarochi'oca'a'inä huo̧jua̧jä̧. Antioquía ötahuiyättö'inä, Iconio ötahuiyättö'inä, Listra ötahuiyättö'inä ttörö 'cuäopinö huo̧jua̧jä̧. Juhua'attö suronä jȩtto̧mȩnä̧, ubara ttudinömä huo̧jua̧jä̧. Ja̧'hua̧nö̧ ja̧'a̧nä̧ Tu̧ru̧hua̧ ttörö ppä'ädinö, ja̧u̧ ubara ttudomenä.

Hebreos 6:12

Kö'cocotöjä cutähuätucuttumä. Dios adihuä juäi iya päinö Diosrö esetö ttami 'qui'ächi'önö ȩmö̧ jȩttö̧'a̧nö̧, ucutu'inä jȩcu̧'ä̧tu̧cua̧ pä'ätöjä.

1 Pedro 3:11

Surojöttö'inä rä'opächö, adiutä jȩpö̧. Ja̧'hua̧ta̧nö̧ adihuä juäi eseäcuähuä usäji'ca̧, eseunu kö̧.

1 Pedro 3:13

Ucutu adiu jȩcu̧'ä̧tu̧cu̧ttu̧mä̧, ¿ditäjä̧ttö̧ suronä jȩpa̧ji̧mä̧ ucuturu?

1 Juan 2:29

Ucutu huo̧juä̧tö̧jä̧ Jesucristo adiu jȩpö̧ pä'ö. Ja̧'hua̧ta̧nö̧ cu̧huo̧juä̧tu̧cu̧'a̧nö̧ ja̧'a̧ o'ca toi'önä adiu jȩpö̧ ka̧cuä̧tö̧mä̧, Dios i̧tti̧mö̧ pä'ö.

1 Juan 3:10

Ja̧'hua̧nö̧ ja̧'a̧ topö huo̧juä̧tö̧jä̧ Dios i̧tti̧mö̧rö̧'i̧nä̧, ähuettä i̧tti̧mö̧rö̧'i̧nä̧. Adiu jȩpo̧co̧tö̧mä̧, ttö̧jä̧hua̧tö̧rö̧ repe'ocotömä, Dios i̧tti̧mö̧cö̧.

1 Juan 4:1

Chö̧jä̧hua̧tö̧, cuesetätucuä' o'ca toi'önä “Espíritu Santo ttöcu kö̧” pä'ätörö. Jahuätörö ka̧cuä̧mö̧ topätucui, Espíritu Santo jahuätöcu ö̧ja̧ pä'ö. Jitä recuätö yapareu ucuocu “Dios i̧huȩnȩ ji'ähuätöjä” pä'ätömä pi̧jä̧ o'ca juiyönä cue'ächätö.