2 Corintios 8:2 - TÄ̧DO Ä̧CUÄ̧ I̧HUȨNȨ

² Jahuätörö rö̧ȩnä̧ surojö 'cuäopomenä, iso päi'önä adiu esehuätö. Ja̧'hua̧ta̧nö̧ usurä isotö ja̧'a̧nä̧, järe ruhuotö ttiyö'a̧nö̧ iyinätödo.

Nuevo Testamento Uwotjüja

² Pi̧yȩ igresia wotümä̧ rü̧ȩnä̧ usurä ȩmä̧u̧ 'kuättopa'anä̧, eseäkuäwinä̧tü̧; rü̧ȩnä̧ usurä isotü tta'anä̧, ruwotü 'kua̧rü̧nä̧ ttiäre ofrenda iyinä̧tü̧.

2 Corintios 8:2 Iomraidhean Croise

San Mateo 20:15

¿Ttötä chöäre pärätänä, ttörötä pä̧huä̧ rö̧jo̧mȩnä̧ jȩpo̧cö̧sä̧ tä̧ji̧? ¿Ucumä korotörö rö̧ȩnä̧nö̧ chiyomenä ra̧huä̧rö̧jä̧ tä̧ji̧?”

Romanos 12:8

Korotörö ttesehuächi'önä jittähua pä'ö iyinöttömä, adiu jittäu'a̧nö̧ ja̧'a̧. Ya̧tȩ korotörö iyömä, repeäcuähuä juiyönä iyö'a̧nö̧ ja̧'a̧. Ya̧tȩ hue'ömä, o'ca juiyönä ttu̧ȩcuä̧nä̧ hueö'a̧nö̧ ja̧'a̧. Jui'ätörö ppä'ädömä, eseunu ppädö'a̧nö̧ ja̧'a̧.

Romanos 2:4

Dios ucuru ppädömä, ¿ji̧'qui̧cha̧nö̧'i̧nä̧ kö'cocöjä tä̧ji̧? Ja̧'hua̧ta̧nö̧ Dios ucuru ami 'qui'ächi'ö tta̧huä̧rö̧mä̧, ¿amöcuädocöjä tä̧ji̧? Dios ucuru repe'ö ja̧'hua̧nö̧ jȩpö̧ ucuru pärocuäcu cuamöcuäda pä'ö.

2 Corintios 1:12

Pi̧yȩ amöcuädö esehuätöjä. Ujutu tami iso'quinä tamöcuädomenä, huo̧juä̧tö̧jä̧ iso päi'önä adiunä ta̧'cua̧ pö̧nö̧ cue'ächätöjä pi̧jä̧nä̧ ucutu cuä'catucu jo̧mȩttö̧. Diostä ujuturu repe'ö ppä'ädinö ja̧'hua̧nö̧ cuetächa pä'ö. Ujutu tamönä tamöcuädönä ja̧'hua̧nö̧mä̧ cue'ächocotöjä.

2 Corintios 2:9

Pä'äjimä pi̧yȩ huȩnȩ amöcuädö huȩyu̧ti̧nö̧sä̧. Iso päi'önä ttö huedömä jȩpä̧tö̧cö̧ pä'ö chu̧huo̧jua̧ pä'inösä ucuturu.

2 Corintios 6:10

Koronö'inä ta̧'cua̧ tta̧'ȩcu̧ tö̧ja̧cuo̧mȩnä̧, tami iso'quinä 'cuäopönä esehuätöjä. Ja̧'hua̧ta̧nö̧ usurä isotö tö̧ja̧cua̧'a̧nä̧, recuätörö rö̧ȩnä̧ adihuä juäi iyätöjä. Ja̧'hua̧ta̧nö̧ yoröiso jui'ö tö̧ja̧cuo̧mȩnä̧, o'ca juiyönä ku̧nä̧rä̧tö̧jä̧ teseta'attö.

2 Corintios 9:11

Ja̧'hua̧nö̧ cuȩmä̧tu̧cuo̧mȩnä̧, ucutumä o'ca juiyönä adihuä juäi cu̧ju̧nä̧rä̧cuo̧tö̧jä̧, korotörö'inä repeähuä juiyönä cuiyätucua pä'ö. Ja̧'hua̧ta̧nö̧ ujuturu iyö huecuhuätucuomenä, korotö tö̧jä̧hua̧tö̧'i̧nä̧ topö ttesehuäcuotö Diosrö, ucuturu amöcuädö.

2 Corintios 9:13

Jahuätö ttesehuäcuähuäcuotö Diosrö. Ja̧u̧ ppä'ädö huecuhuätucuomenä, topö ttu̧huo̧juä̧cuo̧tö̧ iso päi'önä ucutumä Cristo i̧huȩnȩ päö ta'anö jȩpä̧tö̧jä̧. Ja̧'hua̧ta̧nö̧ jahuätörö'inä, o'ca toi'önärö'inä eseunu ppä'ädö cuiyätucuomenä topö, Diosrö adiu ttucuotäcuotö.

1 Tesalonicenses 1:6

Ujutu jȩti̧nö̧'i̧nä̧, Tu̧ru̧hua̧ jȩi̧nö̧'i̧nä̧, adihuä huȩnȩ'i̧nä̧ esetö jȩpi̧nä̧tö̧jä̧ ucutumä. Ja̧'hua̧nö̧ jȩcu̧'ä̧tu̧cuo̧mȩnä̧, rö̧ȩnä̧ ubara ttu'u, Espíritu Santorö eseu, jȩpi̧nä̧tö̧jä̧.

1 Tesalonicenses 2:14

Tö̧jä̧hua̧tö̧, ucutu cuahuaruhuä ucuturu suronä jȩpö̧ ubara ttucuhuätucuomenä, Judea rȩjȩnä̧ Cristo Jesúsru esetätö iglesia ruhuärö 'cuäopinö ta'anö, 'cuäopina'a ucuturu. Jahuätö'inä ttamönä ttahuaruhuä judíos ttö̧ja̧ suronä jȩtta̧'a̧ttö̧, ubara ttu'inätö.

Santiago 2:5

Chö̧jä̧hua̧tö̧, ä̧ju̧cuä̧tu̧cui̧. Dios ȩmi̧nö̧ pi̧jä̧ttö̧ usurä isotörö'inä, adiu amöcuädö ttesetarö pä'ö, Dios ppädäcuähuä ttȩma̧ pä'ö. Ja̧u̧ ppädäcuähuä iya pä'inö churutä, Diosrötä repe'ätörö.

Apocalipsis 2:9

O'ca juiyönä jȩcu̧'u̧ huo̧jua̧sä̧. Ubara ttucuhuinömä huo̧jua̧sä̧. Järe ru̧hua̧ cu'a'anä, usurä isotö ttö̧ja̧'a̧ jä̧'i̧nö̧'a̧nö̧, cu̧ji̧nö̧'i̧nä̧ huo̧jua̧sä̧. Korotömä, “Ujutumä judíos huotöjä” pä'ätömä, ucuru suronä ttucuocua'a huo̧jua̧sä̧. Jahuätömä iso päi'önä judíos huocotö. Jahuätömä Satanás umöhuäyotö.