2 Corintios 1:1 - TÄ̧DO Ä̧CUÄ̧ I̧HUȨNȨ

¹ Ttö Pablo, Diosrö pä̧huä̧ rö̧jo̧mȩnä̧, Jesucristo huȩ'ä̧hua̧sä̧. Ji̧nä̧ yo̧mȩtȩnä̧ chö̧jä̧hua̧ Timoteocu, huȩyu̧tu̧sä̧ pojä cuyäru isojänä chö̧jä̧hua̧tö̧rö̧, Dios i̧huȩnȩ esetätörö, Corinto ötahuiyänä ka̧cuä̧tö̧rö̧. Ja̧'hua̧ta̧nö̧ huȩyu̧tu̧sä̧ o'ca toi'önä Dios i̧tti̧mö̧rö̧ Acaya rȩjȩnä̧ ka̧cuä̧tö̧rö̧.

Nuevo Testamento Uwotjüja

¹ Ttü pauru, apóto jü̧nä̧ Jesucrito ȩmi̧nä̧ku̧, Dio-rü pä̧wä̧rü̧jo̧mȩnä̧ ja̧'wa̧ta̧nü̧ cha̧wa̧ru̧wa̧ chi̧jä̧wa̧ Timoteo-ku te'äwätüjä̧, Dio-rü esetätü Corinto ütawiyänä̧ kkä̧tü̧rü̧'i̧nä̧ ja̧'wa̧ta̧nü̧ Acaya rȩjȩnä̧ kka̧kuä̧tü̧rü̧'i̧nä̧ o'katoi'ünä̧rü̧.

2 Corintios 1:1 Iomraidhean Croise

Hechos 16:1

Pablocu, Silascu Derbe ötahuiyära̧'a̧ 'chä̧hui̧'i̧nä̧tö̧do. Juhuorö kä̧nö̧ Listra ötahuiyära̧'a̧ 'chä̧hui̧'i̧nä̧tö̧do. Ju̧huȩnȩ ki̧nö̧do ya̧tȩ Jesucristorö esetinö, Timoteo pä'ö mi̧cua̧. Judíos ttö̧ja̧ isaju, Jesucristorö esetäju, ki̧tti̧ pi̧nö̧do. Jä'omä griegos ttö̧ja̧ i̧sa̧ pi̧nö̧do.

Romanos 15:26

Macedonia rȩjȩ ttö̧ja̧'i̧nä̧, Acaya rȩjȩ ttö̧ja̧'i̧nä̧ amöcuädätö ttö̧ca̧ca̧ta̧ pä'ö pärätä ttu̧ju̧nä̧rö̧mä̧ huetta pä'ö tö̧jä̧hua̧tö̧ usurä isotörö, Jerusalén ötahuiyänä ka̧cuä̧tö̧rö̧.

Romanos 16:21

Ttöcu ppä'ädömä Timoteo, ucuturu te'äu. Ja̧'hua̧ta̧nö̧ ttötä chahuaruhuä isotö Lucio'inä, Jasón'inä, Sosípater'inä ucuturu te'ähuätö.

Romanos 16:5

Te'ähuätucui ji̧nä̧ yo̧mȩtȩ Diosrö ttucuocua pä'ö ca̧ca̧cui̧pä̧tö̧rö̧ Priscilacu, Aquilacu ttojusodenä. Ja̧'hua̧ta̧nö̧ te'ähuätucui adihuä cha̧hua̧ru̧hua̧ Epenetorö, äcuomenä Cristorö esetinörö Acaya rȩjȩttö̧.

1 Corintios 10:32

Korotömä judíos ttö̧ja̧'i̧nä̧, judíos huocotö'inä, Diosrö esetätö'inä ttä'ca jo̧mȩttö̧ suronä jȩcu̧'ä̧tu̧cuä̧', jahuätö'inä suronä jȩcu̧'ä̧tu̧cua̧'a̧ topi'ö'cotö suronä jȩtta̧'a̧cu̧.

1 Corintios 16:10

Timoteo cu̧ja̧cuä̧tu̧cuo̧mȩ i̧rȩbȩu̧ttu̧mä̧, adiunänö ö̧ja̧ pä'ö ppä'ädätucuirö. Ja̧u̧'i̧nä̧ ttö ta'anö aditö Tu̧ru̧hua̧ i̧huȩnȩ.

1 Corintios 16:15

Jitä chö̧jä̧hua̧tö̧, ucutu huo̧juä̧tö̧jä̧, Estéfanas ahuaruhuäcu äcuomenä esetinätödo Tu̧ru̧hua̧rö̧ Acaya rȩjȩttö̧. Jahuätö korotö esetinätörö, tö̧jä̧hua̧tö̧rö̧, rö̧ȩnä̧ ppä'ädätö.

1 Corintios 16:24

Ucuturu o'ca toi'önärö pi̧yȩmä̧ hue'ösä. Cristo Jesúsnä repe'ösä ucuturu. Amén.

1 Corintios 6:11

Pä'äji ucututtu yotöte ja̧'hua̧nö̧ jȩpi̧nä̧tö̧jä̧. Jitämä Tu̧ru̧hua̧ Jesús i̧mi̧nä̧'i̧nä̧, Espíritu Santonä'inä Dios aditö icu ȩmi̧nä̧u̧jä̧ ucuturu. Ja̧'hua̧ta̧nö̧ Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö cu'ätucua pä'ö.

2 Corintios 1:19

Iso päi'önä Silvanocu, Timoteocu, ttöcu ucuturu i̧huȩnȩ jitähuäcu, Cristo Jesús, Dios I̧tti̧mä̧ yoröiso todärenä ji'ähuocö pi̧nö̧. Cristomä 'cuäopönä iso päi'önä huȩnȩtä̧ ji'äu.

2 Corintios 1:23

Ttömä Dios ä'ca jo̧mȩttö̧ ji'äusä jitämä. Ttö chamöcuädinömä ji̧nä̧ ichocö päjisä Corinto ötahuiyära̧'a̧ ucuturu ji'äu, cua̧'cua̧ tta̧'ȩcu̧ cu̧ja̧cuä̧tu̧cu̧ juiya pä'ö. Ja̧'hua̧nö̧ yapareu jidäuttumä, 'corupädi'ö'a̧nö̧ ja̧'a̧.

2 Corintios 11:10

Iso päi'önä Cristorö adiu chesetomenä, Acaya rȩjȩttö̧ ucuturu eseunu chö̧jö̧mä̧ cädädi'oca'a chu̧cuo̧cuä̧cua̧sä̧.

2 Corintios 9:2

Täcö huo̧jua̧sä̧ ucutu adiu cuiyätucua'a. Macedonia rȩjȩnä̧ ka̧cuä̧tö̧rö̧ 'cuäopönä eseunu ji'äusä: “Acaya rȩjȩnä̧ ka̧cuä̧tö̧mä̧, ni̧po̧ a̧'ȩ päi'önä iyö ppättäda pä'ätö.” Ja̧'hua̧nö̧ pä'ö, Macedonia rȩjȩttö̧ recuätö, ucutu eseunu cuiyätucua'a topö, jahuätö'inä eseunu ttiya pä'ätö ttu̧ju̧nä̧rö̧mä̧.

Gálatas 1:1

Ttö Pablo Jesucristo huȩ'ä̧hua̧sä̧. Ja̧'hua̧ta̧nö̧ Tä'o Dios, Cristorö 'corupä'i'inätö ttö̧'quȩtȩttö̧ tto'ädinö'inä, huȩ'ä̧hua̧sä̧. Pi̧jä̧ ttö̧ja̧mä̧ hue'ähuocösä.

Gálatas 3:26

Ja̧'hua̧nö̧ ja̧u̧ru̧ cuesetätucuomenä, ucutumä o'ca toi'önä Dios i̧tti̧mö̧jä̧ Cristo Jesúscu ji̧nä̧ ji̧yȩtȩ huotö cu'ätucua'attö.

Efesios 1:1

Ttö Pablo, Diosrö pä̧huä̧ rö̧jo̧mȩnä̧, Jesucristo huȩ'ä̧hua̧sä̧. Pi̧yȩ cuyäru huȩyu̧tu̧sä̧, Dios i̧tti̧mö̧rö̧, Cristo Jesúsru esetätörö, Efeso ötahuiyänä ka̧cuä̧tö̧rö̧.

Filipenses 1:1

Pablocu, Timoteocu, Jesucristocu aditätömä, pi̧yȩ cuyäru huȩyu̧tu̧ hue'ätöjä Dios i̧tti̧mö̧rö̧, Jesucristorö esetätörö'inä, iglesia tta̧huä̧rä̧cuä̧huä̧ ruhuärö'inä, diáconosrö'inä, Filipos ötahuiyänä ka̧cuä̧tö̧rö̧.

1 Tesalonicenses 1:1

Ttö Pablo, Silvanocu, Timoteocu pi̧yȩ cuyäru huȩyu̧tu̧ hue'ätöjä tö̧jä̧hua̧tö̧ iglesia ruhuärö, Tä'o Diosrö'inä, Tu̧ru̧hua̧ Jesucristorö'inä esetätörö, Tesalónica ötahuiyänä ka̧cuä̧tö̧rö̧. Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

1 Tesalonicenses 3:2

Ujutu ju̧huȩnȩtä̧ ki̧'i̧pö̧, ucuturu toa pä'ö hue'inätöjä tö̧jä̧hua̧ Timoteorö, Dios huȩ'ä̧hua̧rö̧, ujutucu adihuä huȩnȩ, Cristo i̧huȩnȩ, ji'äu aditörö. Ja̧u̧tä̧ ucuturu ucuocu ppä̧dä̧cua̧, juhua'a yabonö Diosrö cuesetätucua pä'ö.

2 Tesalonicenses 1:1

Ttö Pablo, Silvanocu, Timoteocu pi̧yȩ cuyäru huȩyu̧tu̧ hue'ätöjä tö̧jä̧hua̧tö̧ iglesia ruhuärö, Tä'o Diosrö'inä, Tu̧ru̧hua̧ Jesucristorö'inä esetätörö, Tesalónica ötahuiyänä ka̧cuä̧tö̧rö̧.

1 Timoteo 1:1

Ttö Pablo, Jesucristo huȩ'ä̧hua̧sä̧. Tu̧ru̧hua̧ Dios'inä, Tu̧ru̧hua̧ Jesucristo'inä huettömä jȩpö̧sä̧. Ja̧'hua̧ta̧nö̧ Jesucristorö esetö tta̧'ä̧rä̧tö̧jä̧.

2 Timoteo 1:1

Ttö Pablo, Diosrö pä̧huä̧ rö̧jo̧mȩnä̧ Jesucristo huȩ'ä̧hua̧sä̧ Cristo Jesúsru ttesetomenä, kä̧cuä̧huä̧ i'co iya päinö huȩnȩ jidähua pä'ö.

Tito 1:1

Ttö Pablo, Dioscu, Tu̧ru̧hua̧ Jesucristocu huȩ'ä̧hua̧sä̧, Dios i̧huȩnȩ jidähua pä'ö Dios huoinä̧u̧ru̧. Ja̧'hua̧ta̧nö̧ jahuätörö adihuä huȩnȩ chu̧huo̧juȩta̧ pä'ö huȩ'ä̧hua̧sä̧.

Filemón 1:1

Ttö Pablo, Cristo Jesúsru cheseta'attö cärenä pä̧nö̧, tö̧jä̧hua̧ Timoteocu pi̧yȩ cuyäru huȩyu̧tu̧ hue'ätöjä ucu Filemónrö, ucuru repetäcuru, ujutucu adiu aditörö.

Hebreos 13:23

Ucuturu pä'ösä, tö̧jä̧hua̧ Timoteo täcö rättepinäcudo. Jurunänö ichöttömä, ucuturu pä'äji ta'anö topö chichomenä, ja̧u̧ru̧ o̧di̧pä̧cua̧sä̧.