1 Timoteo 3:3 - TÄ̧DO Ä̧CUÄ̧ I̧HUȨNȨ

³ Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä yapareu ucuocu ȩmo̧cö̧. Pärocua'acu ahuaruhuärö adiu ppä'ädö. Adiu kö̧ korotö ttä'ca jo̧mȩ. Ja̧u̧mä̧ pärätä u̧ju̧nä̧ra̧ pä'ömä amöcuädocö.

Nuevo Testamento Uwotjüja

³ Tä̧'ä̧mä̧'chü̧'i̧nä̧, rowäwä'chü'i̧nä̧ jȩü̧ juiyü'anü̧ ja̧'a̧, ja̧'wa̧nü̧ ja̧jü̧ jueimä̧ re kkä̧kuä̧wä̧ i̧sa̧tä̧, unichä̧rü̧ kkä̧nü̧tä̧ ja̧'wa̧ta̧nü̧ pärätä'i̧nä̧ a̧'kua̧ roeku juiyü'anü̧ ja̧'a̧.

1 Timoteo 3:3 Iomraidhean Croise

San Mateo 21:13

Jahuätörö pä'inödo: —Huȩyu̧cuä̧ Huȩnȩ päa'a: “Ttö chojusode i̧mi̧mä̧ Diosrö ucuocuäcuähuode ja̧'a̧.” Ja̧'hua̧nö̧ ja̧'a̧nä̧ ucutu nä̧u̧cuä̧rä̧tö̧ ttö̧ca̧ca̧cuode a̧'cua̧rö̧nä̧ jȩpä̧'i̧jä̧tö̧jä̧.

Hechos 20:33

Korotö ttöäre pärätä'inä, ttö̧'ca̧tä̧huä̧ti̧yu̧'i̧nä̧ pä̧huä̧ rö̧jö̧nä̧ topocö pi̧nö̧sä̧.

Romanos 16:18

Jahuätömä Tu̧ru̧hua̧ Jesucristorö pä̧huä̧ rö̧jö̧ jȩpo̧co̧tö̧. Jitörötä pä̧huä̧ rö̧jö̧tä̧ jȩpä̧tö̧. Tti̧huȩnȩ esetönö, repe'önänö ucuocuätö jerupätörö.

Efesios 5:18

Tä̧cu̧huä̧mä̧tu̧cuä̧'. Ja̧'hua̧nö̧ jȩpö̧ be'ipächätöjä. Pärocua'acu rö̧ȩnä̧ ku̧nä̧rä̧tu̧cui̧ Espíritu Santorö cuami iso'quinä su'penö.

1 Tesalonicenses 5:14

Tö̧jä̧hua̧tö̧, ja̧'hua̧ta̧nö̧ pä'ätöjä ucuturu. Ötähuätörö adiu ucuocu ji'ähuätucui. Ye'ecuätörö ppä'ädätucui. Juiyupätörö'inä ppä'ädätucui. O'ca toi'önärö cuami 'qui'ächi'ö ka̧cuä̧tu̧cui̧.

1 Timoteo 3:8

Ja̧'hua̧ta̧nö̧ diáconos huotörö'inä ttucuotäcua'a̧nö̧. Yapareu ucuocuocotö. Jahuätömä tä̧'ä̧mo̧co̧tö̧. Jahuätömä pärätä rö̧ȩnä̧ amöcuädö ko̧co̧tö̧.

2 Timoteo 3:2

U̧mä̧tö̧ jitöätä ttamöcuädäutä ttamöcuädäcuotö. Pärätä rö̧ȩnä̧ ttamöcuädäcuotö. Ttösä adihuä i̧sa̧ pättähuäcuotö. Diosrö suronä ttucuocuäcuotö. Ttä'o hueö jȩpo̧co̧tö̧ ttäcuotö. Ttahuaruhuärö esehuocotö ttäcuotö. Dios i̧huȩnȩ esetocotö ttäcuotö.

Tito 1:11

Ja̧'hua̧nö̧ ttucuocuomenä, ttö'coruchi'a pä'ö huettä̧u̧. Jahuätörö ä̧ju̧cu̧, recuätömä ttamönä ttahuaruhuäcu rohuähuätö. Jahuätömä yapareu huo̧juȩtä̧tö̧ pärätä ttȩma̧ pä'ö.

Tito 1:7

Ya̧tȩ tta̧huä̧rä̧cuä̧huä̧ i̧sa̧ Dios i̧huȩnȩ tta̧'ä̧rö̧. Ja̧'hua̧nö̧ ja̧'a̧ttö̧ adiunätä jȩpö̧ kö̧. “Ttömä adihuä i̧sa̧sä̧” pä'ocö. O'ca päi'önä ra̧huä̧ri̧po̧cö̧. Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä rö̧ȩnä̧ amöcuädö ko̧cö̧.

Tito 2:3

Ja̧'hua̧ta̧nö̧ nä̧tö̧ böäcuächätörö'inä huo̧juȩti̧. Dios ä'ca jo̧mȩ adiu ttö̧jä̧cua̧'a̧nö̧. Ttahuaruhuärö yapareu huȩnȩ jittähuä'chö juiyäcua'a̧nö̧. Ja̧'hua̧ta̧nö̧ tä̧ttä̧mö̧ juiyäcua'a̧nö̧. Korotö ttä'ca jo̧mȩ adiu huo̧juȩtö̧ jȩttä̧cua̧'a̧nö̧.

Tito 3:2

Korotörö suronä ttucuocu juiya. Ja̧'hua̧ta̧nö̧ ttami diyaunä ttö̧ja̧cua̧. Korotörö'inä eseunu ppättäda pä'ö ji'ähui.

Hebreos 13:5

Pärätä'inä repecuhuätucuä'. Cu̧ju̧nä̧rä̧tu̧cu̧ amöcuädö, esehuätucui. Dios pa̧'a̧nö̧ pä'inödo: “Yoröiso jarochi'ococujä. Yoröiso chicuipococujä.”

Santiago 4:1

¿Tottö icha'attö suräjuä huȩnȩ'i̧nä̧, rohuäcuähuä huȩnȩmä̧? Ja̧'hua̧nö̧ ja̧'a̧ pi̧jä̧ jähuä pä̧huä̧ rö̧jö̧ cuamöcuädätucua'attö, ucututtu rohuähua'a surojö.

1 Pedro 5:2

O̧vȩja̧stö̧rö̧ tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧, Dios i̧tti̧mö̧rö̧, ucuturu hueinä̧u̧ru̧, tta̧'ä̧rö̧ ka̧cuä̧tu̧cui̧. Suronä päcuhuätucuoca'a, Diosrö pä̧huä̧ rö̧jo̧mȩnä̧ adiunä eseunu tta̧'ä̧rä̧tu̧cui̧. Ja̧'hua̧ta̧nö̧ pärätä cuamöcuädätucuoca'a, adiu tta̧'ä̧rä̧tu̧cui̧. Adiunä aditätucui cuaditähuätucu.

2 Pedro 2:3

Pärätä rö̧ȩnä̧ ttȩma̧ pä'ö, ucuturu yapareu huȩnȩ ttu̧huo̧juȩtä̧cuo̧tö̧ cuiyätucuatö pä'ö. Yoröiso ttö̧ji̧pö̧ juiyönä, bettipächäcuotö ja̧'hua̧nö̧ huo̧juȩtä̧tö̧mä̧. Ja̧'hua̧nö̧ 'cuäopäcua'a, täbocö päi'önä amöcuädinödo Dios.

Judas 1:11

Caín ö̧ji̧nö̧ ta'anö ttö̧ja̧'a̧ttö̧, suronä 'cuäopäcua'a jahuätörö. Pärätä ȩma̧ pä'ö Balaam suronä jȩi̧nö̧ ta'anö, suronä jȩpä̧tö̧ jahuätö'inä. Coré öarode'inö ta'anö, jarode'ätö jahuätömä. Ja̧'hua̧nö̧ ja̧'a̧ Coré toei'inö ta'anö, tottei'äcuotö jahuätömä.

Apocalipsis 1:9

Ttö Juan, ucutu cu̧jä̧hua̧sä̧. Ucutucu ubara ttu'usä. Ucutucu pä̧di̧'ä̧cua̧sä̧ Dios hueomettö'inä. Ja̧'hua̧ta̧nö̧ tami 'qui'ächi'ö Jesucristo iyomenä, ucutucu iyäcusä. Dios i̧huȩnȩ, Jesucristo päinö huȩnȩ jidähuomenä, cärenä pi̧nö̧sä̧ Patmos kä'co i̧sä̧sa̧ttö̧.