1 Timoteo 1:1 - TÄ̧DO Ä̧CUÄ̧ I̧HUȨNȨ

¹ Ttö Pablo, Jesucristo huȩ'ä̧hua̧sä̧. Tu̧ru̧hua̧ Dios'inä, Tu̧ru̧hua̧ Jesucristo'inä huettömä jȩpö̧sä̧. Ja̧'hua̧ta̧nö̧ Jesucristorö esetö tta̧'ä̧rä̧tö̧jä̧.

Nuevo Testamento Uwotjüja

¹ Jesucrito u̧mü̧wä̧ya̧ Apóto Pauru-mä̧, Tü̧ä̧nä̧wa̧ Dio surojüttü tü̧ji̧pü̧nä̧ jȩpü̧ weäwänä̧ weinä̧ku̧ ja̧'wa̧ta̧nü̧ Jesucrito tta̧tä̧rä̧ku̧nä̧,

1 Timoteo 1:1 Iomraidhean Croise

San Lucas 1:47

Chami iso'quinä esehuäjusä Diosrö, ttö suronä jȩchö̧ jȩpö̧ i̧cuä̧cua̧rö̧.

San Lucas 2:11

Mo̧ro̧ji̧ mo̧ro̧ uhuäpächäji David idepiyuttu ya̧tȩ suronä jȩcu̧'ä̧tu̧cu̧ jȩpö̧ i̧cuä̧cua̧ ucuturu. Ja̧u̧tä̧ Tu̧ru̧hua̧ Cristomä.

Hechos 9:15

Ja̧'hua̧nö̧ ja̧'a̧ Tu̧ru̧hua̧ pä'inödo Ananíasrö: —Täi. Ja̧u̧ru̧ ȩmä̧ji̧sä̧ adicuä i̧sa̧ päi'önä judíos huocotörö'inä, tturuhuotörö'inä, Israel ttö̧ja̧rö̧'i̧nä̧ chi̧huȩnȩ jiähua pä'ö.

Romanos 1:1

Ttö Pablo, Dios huoina'attö, Jesucristo huȩ'ä̧hua̧sä̧. Ttörö pätetö hue'inö Dios, adihuä i̧huȩnȩ jidähua pä'ö.

1 Corintios 1:1

Ttö Pablo, Diosrö pä̧huä̧ rö̧jo̧mȩnä̧ huoinäcusä, Jesucristo huȩ'ä̧hua̧ päi'önä chö̧ja̧ pä'ö. Ji̧nä̧ yo̧mȩtȩnä̧ chö̧jä̧hua̧ Sóstenescu huȩyu̧tu̧sä̧ pojä cuyäru isojänä chö̧jä̧hua̧tö̧rö̧, Dios i̧huȩnȩ esetätörö, Cristo Jesúsru tteseta'attö Dios i̧tti̧mö̧rö̧, Corinto ötahuiyänä ka̧cuä̧tö̧rö̧. Dios huoinä̧u̧jä̧ ucutu adihuä juäitä amöcuädö cu̧ja̧cuä̧tu̧cua̧ pä'ö, o'ca toi'önä pa̧ja̧cu̧nä̧ Ttu̧ru̧hua̧ Jesucristo i̧mi̧nä̧ ucuocu esetätöcu. Ja̧u̧mä̧ jitö'inä Ttu̧ru̧hua̧, ujutu'inä Tu̧ru̧hua̧ päi'önä kö̧.

1 Corintios 9:17

Iso päi'önä ttörötä pä̧huä̧ rö̧jo̧mȩnä̧ jidäuttumä, adiu chȩmä̧cua̧'a̧nö̧ jidähuinö micuä. Juhuorö'inä pä̧huä̧ juiyönä jidäuttömä, Dios hueinäcusä pä'ö ji'äusä.

2 Corintios 1:1

Ttö Pablo, Diosrö pä̧huä̧ rö̧jo̧mȩnä̧, Jesucristo huȩ'ä̧hua̧sä̧. Ji̧nä̧ yo̧mȩtȩnä̧ chö̧jä̧hua̧ Timoteocu, huȩyu̧tu̧sä̧ pojä cuyäru isojänä chö̧jä̧hua̧tö̧rö̧, Dios i̧huȩnȩ esetätörö, Corinto ötahuiyänä ka̧cuä̧tö̧rö̧. Ja̧'hua̧ta̧nö̧ huȩyu̧tu̧sä̧ o'ca toi'önä Dios i̧tti̧mö̧rö̧ Acaya rȩjȩnä̧ ka̧cuä̧tö̧rö̧.

Gálatas 1:1

Ttö Pablo Jesucristo huȩ'ä̧hua̧sä̧. Ja̧'hua̧ta̧nö̧ Tä'o Dios, Cristorö 'corupä'i'inätö ttö̧'quȩtȩttö̧ tto'ädinö'inä, huȩ'ä̧hua̧sä̧. Pi̧jä̧ ttö̧ja̧mä̧ hue'ähuocösä.

Gálatas 1:11

Ja̧'hua̧nö̧ ja̧'a̧nä̧ pi̧yȩ cu̧huo̧juä̧tu̧cua̧ pä'ösä chö̧jä̧hua̧tö̧, suronä jȩttö̧ jȩpö̧ icu huȩnȩ, ttö jidäu huȩnȩ, pi̧jä̧ ttö̧ja̧ i̧sa̧ amöcuädömäcö̧.

Colosenses 1:27

Dios judíos huocotörö ja̧u̧ ttieru huȩnȩ, adiu eseäcuähuä huȩnȩ, jiähua pä'inö. Pa̧'a̧nö̧ päa'a ja̧u̧ huȩnȩ: “Cristomä cuami iso'quinä kö̧. Ja̧u̧ru̧ tta̧'ä̧rö̧ ja̧u̧tä̧cu̧ cuesehuäcuähuäcuotöjä pä'ö.”

2 Tesalonicenses 2:16

Tu̧ru̧hua̧ Jesucristo'inä, Tä'o Dios'inä ujuturu repe'ö adiu eseäcuähuä'inä, adiu tta̧huä̧rä̧cuä̧huä̧'i̧nä̧ iyinö.

1 Timoteo 1:12

Chu̧ru̧hua̧ Jesucristorö, chujuru iyinörö, eseusä. Ja̧u̧tä̧ ttörö adiu amöcuädö hueinäcusä, ttömä i̧huȩnȩ jidähua pä'ö.

1 Timoteo 2:3

Ja̧'hua̧nö̧ adiu jȩä̧cuä̧huä̧. Ja̧'hua̧nö̧ jȩto̧mȩnä̧, Tu̧ru̧hua̧ Dios eseu ujuturu.

1 Timoteo 2:7

Ja̧u̧ huȩnȩ jiäcuähuä i̧sa̧ päi'önä huȩ'ä̧hua̧sä̧. Diosrö esetäcuähuä huȩnȩ'i̧nä̧, iso päi'önä huȩnȩ'i̧nä̧ chu̧huo̧juȩta̧ pä'ö judíos huocotörö huȩ'ä̧hua̧sä̧. Cristorö cheseta'attö, iso päi'önä ji'äusä. Yapareumä ji'ähuocösä.

1 Timoteo 4:10

Ja̧'hua̧nö̧ ja̧'a̧ttö̧ pi̧yȩ amöcuädö, aditätöjä Dios i̧huȩnȩ. Ja̧'hua̧ta̧nö̧ ubara ttu'ätöjä. Ujutumä Dios kö̧rö̧, o'ca toi'önä ja̧u̧ru̧ esetätö Tu̧ru̧hua̧rö̧, esetö tta̧'ä̧rä̧tö̧jä̧.

Tito 1:3

Jitämä churutä pä̧huä̧ rö̧jo̧mȩnä̧, i̧huȩnȩ jidähua pä'ö hueinäcusä o'ca toi'önä ttu̧huo̧jua̧ pä'ö.

Tito 2:10

Ja̧'hua̧ta̧nö̧ ttö̧nä̧u̧cuä̧rö̧ juiyäcua'a̧nö̧. Ja̧'hua̧nö̧ adiu jȩtta̧'a̧ topö, korotömä “Dios i̧huȩnȩ, Tu̧ru̧hua̧ i̧huȩnȩ, iso päi'önä huȩnȩ ja̧'a̧” pättäcuotö.

Tito 2:13

Ja̧'hua̧ta̧nö̧ Dios adihuä juäi iya päinömä, chutä Dioscu, Tu̧ru̧hua̧ Jesucristocu ttujurunä ttichä̧cuȩ mo̧ro̧ tta̧tä̧ra̧ pä'ö huo̧juȩta̧'a̧.

Tito 3:4

Ja̧'hua̧nö̧ cuetächomenä, Dios ujuturu ppä'ädinö.

Tito 3:6

Tu̧ru̧hua̧ Jesucristorö tesetomenä, Dios repeähuä juiyönä iyinä̧u̧jä̧ Espíritu Santorö.

1 Pedro 1:21

Ucutumä Cristorö esetö kä̧nö̧, esetätöjä Diosrö. Ja̧u̧tä̧ Dios Cristorö, 'corupä'i'äjirö, tto'ädinö. Ja̧'hua̧ta̧nö̧ o'ca toi'önä ttucuotarö pä'ö hue'inö. Ja̧'hua̧nö̧ ja̧'a̧ttö̧ ucutu Diosrö amöcuädö tta̧'ä̧rä̧tö̧jä̧.

1 Pedro 1:3

Tu̧ru̧hua̧ Jesucristo Jä'o Diosrö teseäcuähuätucuaja. Dios ujuturu hue'inö jareönä tuhuäpächa pä'ö, Jesucristo 'corupäi'äja'attö ttoächinö huȩnȩ esetö. Ja̧'hua̧nö̧ esetö, adihuä juäi huȩnȩ tta̧'ä̧rä̧tö̧jä̧.

2 Pedro 1:1

Ttö, Simón Pedro, Jesucristo i̧huȩnȩ chadita pä'ö huȩ'ä̧hua̧sä̧. Pi̧yȩ cuyäru huȩyu̧tu̧sä̧ ucuturu, ujutu ta'anö adiu esetätörö. Tä'o Dioscu, Tu̧ru̧hua̧ Jesucristocu eseunu iyätö yoräteunä teseta pä'ö.

1 Juan 4:14

Ujutu totinömä ji'ähuätöjä, Dios I̧tti̧rö̧ hue'inö pä'ö, pi̧jä̧nä̧ ka̧cuä̧tö̧ suronä jȩttö̧ jȩpö̧ icua pä'ö.