1 Juan 5:7 - TÄ̧DO Ä̧CUÄ̧ I̧HUȨNȨ

⁷ Mo̧ro̧jä̧nä̧ kä̧nö̧ ji'ähuätömä, huämetucuä ja̧'a̧. Tä'o Dios'inä, I̧huȩnȩ'i̧nä̧, Espíritu Santo'inä. Jahuätö huämetucuä ya̧tȩtä̧ ja̧'a̧.

Nuevo Testamento Uwotjüja

⁷ [Mo̧ro̧jä̧nä̧ttü̧ ji'äwätümä, wä̧mȩtukuä ja̧'a̧: Jä'o Dio'i̧nä̧, I̧wȩnȩ'i̧nä̧, Epíritu Sa̧tu̧'i̧nä̧, jü̧nä̧.] Juätü wämetukuämä̧ ji̧nä̧ ya̧tȩ wotü ja̧'a̧.

1 Juan 5:7 Iomraidhean Croise

San Mateo 17:5

Pedro ja̧'hua̧nö̧ ucuocuomenä, ajiya isoppa tȩa̧u̧ mȩyȩhui̧'i̧na̧'a̧do jahuätö ttö̧ja̧cuo̧mȩcu̧. Ajiya isoppattö ya̧tȩ i̧huȩnȩ ucuocua'a ä̧ju̧cui̧nä̧tö̧do: —Pidemä ttö Chi̧tti̧ rȩni̧'a̧. Ttömä juiyo eseusä ja̧u̧ru̧. Ä̧ju̧cuä̧tu̧cui̧ ja̧u̧ru̧tä̧, —ucuocua'a ä̧ju̧cui̧nä̧tö̧do.

San Mateo 18:16

Ja̧'hua̧nö̧ ja̧'a̧nä̧ ucuru ä̧ju̧cu̧ juiyöttömä, ka̧ra̧rö̧'i̧nä̧, ta̧ju̧ru̧'i̧nä̧ o'ipö, pä'äji ta'anö ucuocuirö ocuhuipä̧u̧ ttä'ca jo̧mȩttö̧. Ja̧'hua̧nö̧ jȩcu̧'o̧mȩnä̧, o'ca juiyönä cucuocumä ttä̧ju̧cuä̧cuo̧tö̧ korotö'inä.

San Mateo 28:19

Ja̧'hua̧nö̧ ja̧'a̧ttö̧ o'ca toi'önä ttö̧ja̧rö̧ pi̧jä̧ pa̧ja̧cu̧nä̧ 'chä̧nö̧, ji'ähuäjätucui ttörö ttesetäcua'a̧nö̧. Chä'o i̧mi̧nä̧'i̧nä̧, I̧tti̧ i̧mi̧nä̧'i̧nä̧, Espíritu Santo i̧mi̧nä̧'i̧nä̧ jahuätörö bautizando jȩpä̧tu̧cui̧.

San Juan 1:1

Pi̧jä̧'i̧nä̧ juiyäi, Dios i̧huȩnȩ ji̧na̧'a̧do. Ja̧u̧ Dios i̧huȩnȩ ji̧nö̧mä̧, Dioscu ki̧na̧'a̧do. Ja̧'hua̧ta̧nö̧ ja̧u̧ Dios i̧huȩnȩ ji̧nö̧mä̧, Dioscu yoräteunä ji̧nö̧do.

San Juan 10:30

Ttöcu, Chä'ocu, ji̧nä̧ ya̧tȩnä̧tä̧ ja̧'a̧.

San Juan 12:28

Chä'o, ucu cui̧mi̧nä̧ ttesehuäcua'a̧nö̧, —pä'inödo Jesús. Ja̧u̧nu̧ o'ca'a mo̧ro̧jä̧ra̧'a̧ttö̧ ya̧tȩ i̧huȩnȩ ucuocua'a ä̧ju̧cui̧nä̧tö̧do. Ja̧u̧ huȩnȩ päina'ado: —Täcö ttö chi̧mi̧nä̧ ttesehuäcuähua pä'ö jȩpi̧nö̧sä̧. Ja̧'hua̧ta̧nö̧ pä'äji ta'anö ttö chi̧mi̧nä̧ ttesehuäcuähua pä'ö jȩchä̧cua̧sä̧.

San Juan 14:17

Ja̧u̧tä̧ Espíritu Santo iso päi'önä ji'äudo. Pi̧jä̧ ttö̧ja̧ ja̧u̧ru̧ ȩmo̧co̧tö̧. Jahuätö ja̧u̧ru̧ tottoca'attö, ttieruhuäcu. Ja̧'hua̧nö̧ ja̧'a̧nä̧ ucutucu ö̧ja̧'a̧ttö̧, täcö huo̧juä̧tö̧jä̧ ja̧u̧ru̧. Ucutucu 'cuäopönä ö̧jä̧cua̧.

San Juan 15:26

“Ucuturu Ppädäcuähuä I̧sa̧, iso päi'önä Espíritu, Chä'ottö huȩdä̧cua̧mä̧ ichomenä, ttörö adiu u̧cuo̧cuä̧cua̧.

San Juan 5:26

Chutä Jä'o tta̧'cua̧rö̧ iyähuänä ju̧ru̧hua̧. Ja̧'hua̧ta̧nö̧ ja̧u̧ ujuru iyinö I̧tti̧rö̧, ja̧u̧'i̧nä̧ tta̧'cua̧rö̧ iya pä'ö.

San Juan 8:18

Ja̧'hua̧nö̧ ja̧'a̧ttö̧ ttötä chamönä ucuocusä. Chä'o'inä ttörö hue'inömä adiu ucuocuomenä, ta̧ju̧ pä'i'ätöjä ttörö ucuocuätömä, —pä'inödo Jesús.

San Juan 8:54

Jesús jahuätörö ädätinödo: —Ttörötä chamönä chucuotäcuäuttumä, yoröiso micuähuoca'a. Ja̧'hua̧nö̧ ja̧'a̧nä̧ ttö Chä'o ttörö ucuotö. Ucutu'inä pä'ätöjä: “Ja̧u̧mä̧ Tä̧do̧ ä̧cua̧ Dios.”

Hechos 2:33

Ja̧'hua̧nö̧ ja̧'a̧ Dios u̧mö̧ u̧huo̧jua̧'a̧nä̧ 'chu'ädö, tto'ädinö I̧tti̧ Jesúsru. Ja̧'hua̧ta̧nö̧ Jä'o iya päinö ta'anö, iyinö Espíritu Santorö Jesúsru. Ja̧'hua̧nö̧ ja̧'a̧ttö̧ ucutu cuä̧ju̧cuä̧jä̧tu̧cu̧mä̧, tocu'äjätucu'inä Jesústtu icha'a.

Hechos 5:32

Ujutu Dios jȩi̧nö̧ huȩnȩ ji'ähuätöjä. Espíritu Santo'inä ja̧u̧ huȩnȩ ji'äu huo̧juȩtö̧. Dios iyinödo ja̧u̧ Espíritu Santorö chutä hueö jȩpä̧tö̧rö̧, —pä'inödo Pedro.

2 Corintios 13:14

Tu̧ru̧hua̧ Jesucristo ucuturu ppädäcua'a̧nö̧. Dios ucuturu repeäcua'a̧nö̧. Espíritu Santo'inä o'ca toi'önä ucutucu ö̧jä̧cua̧'a̧nö̧. Amén.

1 Juan 1:1

Ucuturu huȩyu̧tu̧ hue'ätöjä kä̧cuä̧huä̧ i'co huȩnȩ. Ja̧u̧mä̧ pi̧jä̧ aditäcua'a ä'canä ki̧nö̧do. Ja̧u̧ru̧ ä̧ju̧cui̧nä̧tö̧jä̧ ujutumä. Tö'ärenä'inä topinätöjä. Mȩ'ö̧'i̧nä̧ mȩ'i̧nä̧tö̧jä̧ tu̧mö̧nä̧. Ja̧u̧ huȩnȩ ji̧nö̧ttö̧tä̧ ji̧nä̧ kä̧cuä̧huä̧ iyö.

1 Juan 5:6

Jesucristomä ichinö ajiyanä'inä, ucuojanä. Ja̧'hua̧nö̧ ja̧'a̧ ajiyanätä ichocö pi̧nö̧. Ajiyanä'inä, ucuojanä ichinö. Ja̧'hua̧nö̧ ichinö pä'ö Espíritu Santo ji'äu. Espíritu Santomä iso päi'önä yapareu huȩnȩ ji'ähuocö.

1 Juan 5:8

Ja̧'hua̧ta̧nö̧ pi̧jä̧nä̧ ji'ähuätömä, huämetucuä ja̧'a̧: Espíritu Santo'inä, ajiya'inä, ucuoja'inä. Jahuätö huämetucuä ji̧nä̧ ji̧yȩtȩ ji'ähuätö.

Apocalipsis 19:13

Ö̧'ca̧tä̧huä̧ta̧ ttucuojanä da'epäji'ca̧, 'ca̧tä̧hui̧nö̧. Ja̧'hua̧ta̧nö̧ chutä i̧mi̧mä̧ Dios I̧huȩnȩ mi̧cui̧nö̧.