1 Juan 4:9 - TÄ̧DO Ä̧CUÄ̧ I̧HUȨNȨ

⁹ Dios I̧tti̧ chu ä̧cua̧rö̧ hue'inö pi̧jä̧ra̧'a̧, kä̧cuä̧huä̧ i'co i'cächö iyatö pä'ö. Ja̧'hua̧nö̧ jȩa̧'a̧ttö̧ huo̧juä̧tö̧jä̧ Dios ujuturu repe'ö pä'ö.

Nuevo Testamento Uwotjüja

⁹ Dio, ujuturu eseu repeümä̧, I̧tti̧ chu̧'ä̧kua̧ Jesucrito-rü pi̧jä̧ra̧'a̧ we'inü̧. Jua'amä̧ o'katoi'ünä̧, jua̧u̧nä̧tä̧ kkä̧kuä̧wä̧ i'ko tu̧ju̧nä̧ri̧ya̧rü̧ pä'ü.

1 Juan 4:9 Iomraidhean Croise

San Marcos 12:6

“Röjinämä täcö pätta ru̧hua̧ i̧tti̧tä̧ ki̧'i̧nö̧do. Ja̧u̧ru̧ rö̧ȩnä̧ pä̧huä̧ rö̧ji̧nä̧cu̧do. Ja̧'hua̧ ja̧'a̧ churutä hue'ö amöcuädinödo: Ttötä chi̧tti̧rö̧ ttucuotäcuotö a̧'cua̧ra̧'a̧ pä'ö.

San Lucas 4:18

Espíritu Santo ttöcu kö̧. Täcö 'quȩ'ȩcua̧sä̧ adihuä juäi huȩnȩ jidähua pä'ö usurä isotörö. Hueinäcusä aditö chicua pä'ö pi̧jä̧ jähuä usurä isotö juo'ächätörö, jidähua pä'ö rä'epö icuähuä huȩnȩ cärenä pȩjä̧tö̧rö̧'i̧nä̧, ä̧to̧cä̧tö̧rö̧ tottönä jȩcha̧ pä'ö'inä, suronä jȩttä̧u̧ru̧ ppädäda pä'ö'inä hueinäcusä.

San Juan 10:10

“Nä̧u̧cuä̧rö̧ i̧sa̧, nä̧u̧cuä̧rö̧ cuä'ö icua pä'ö ichö bettipächönä. Ttömä ichinösä o'ca juiyönä eseunu adiunätä ttö̧ja̧cua̧ pä'ö.

San Juan 14:6

Jesús ädätinödo: —Ttötäsä mä̧nä̧mä̧, iso päi'önämä, kä̧cuä̧huä̧ i'comä. Ttörötä esetömä Chä'o ö̧ja̧'a̧mä̧ rȩbȩä̧cuä̧hua̧'a̧.

San Juan 3:16

Juhua'a yabonö pä'inödo Jesús: —Dios juiyo pä̧huä̧ rö̧jä̧cu̧ ttö̧ja̧ pi̧jä̧ ruhuärö. Ja̧u̧ I̧tti̧ ya̧tȩrö̧ä̧tä̧, chu ä̧cua̧rö̧ä̧tä̧, hue'inödo pi̧jä̧ra̧'a̧, ja̧u̧ru̧ esetätö o'ca toi'önä ttire'tehuächö juiyönä kä̧cuä̧huä̧ i'co ttu̧ju̧nä̧ra̧ pä'ö.

San Juan 3:18

“Ya̧tȩ Dios I̧tti̧rö̧ esetömä, tä̧bo̧cuä̧mä̧ 'cuäopoca'a ja̧u̧ru̧. Ja̧'hua̧nö̧ ja̧'a̧nä̧ esetocörö tä̧bo̧cuä̧ 'cuäopäcua'a ja̧u̧ru̧, Dios I̧tti̧rö̧ chu ä̧cua̧rö̧ä̧tä̧ esetoca'attö.

San Juan 6:29

Jesús jahuätörö ädätinödo: —Dios pä̧huä̧ rö̧jä̧cu̧ chutä hueinäcuru cuesetätucua pä'ö.

San Juan 6:51

Ttötäsä ja̧u̧ kä̧cuä̧huä̧ i'co i̧ri̧si̧ mo̧ro̧jä̧ra̧'a̧ttö̧ mȩyȩhui̧nö̧mä̧. Pi̧yȩ i̧ri̧si̧ttö̧ cumä, 'cuäopönä ö̧jä̧cua̧. Ja̧u̧ i̧ri̧si̧ chiyömä, ttötä chidepä chi̧yä̧huä̧cua̧sä̧. Pi̧jä̧ ttö̧ja̧ ttö̧ja̧cua̧ pä'ö chi̧yä̧huä̧cua̧sä̧, —pä'inödo Jesús.

San Juan 6:57

Chä'o, ttörö hue'inömä, kä̧cuä̧huä̧ i'co iyö. Ja̧'hua̧ta̧nö̧ chutä ö̧ja̧'a̧ttö̧, ttö'inä kö̧sä̧. Ja̧'hua̧ta̧nö̧ ya̧tȩ ttö chidepättö cumä, ö̧jä̧cua̧ ttö chö̧ja̧'a̧ttö̧.

San Juan 8:29

Chutä, ttörö hue'inömä, ttöcu kö̧. Katä chö̧ja̧ pä'ö jaropi'ocö ttörö, 'cuäopönä churutä pä̧huä̧ rö̧jö̧tä̧ jȩcha̧'a̧ttö̧, —pä'inödo.

San Juan 8:42

Ja̧'hua̧nö̧ pättomenä, Jesús päinä̧u̧do: —Iso päi'önä Dios i̧tti̧mö̧ cu'ätucuttumä, ttörö repe'ajatöjä. Ttömä Diosttö ichösä. Cuä'catucu jo̧mȩ kö̧sä̧. Ttötä chamönä amöcuädäu ichocö pi̧nö̧sä̧. Diostä hueinäcusä.

San Juan 9:3

Jesús jahuätörö pä'inödo: —Chutä'inä, jä'o'inä, ja̧ju̧'i̧nä̧ suronä jȩpo̧co̧tö̧ pi̧nä̧tö̧do. Pi̧jä̧ ttö̧ja̧ Dios ujuru tottäcua'a̧nö̧ ja̧'hua̧nö̧ uhuäpächinödo.

Romanos 8:32

Dios chutä amönä I̧tti̧ pi̧jä̧ra̧'a̧ icha pä'ö pä̧huä̧ rö̧ji̧nä̧cu̧. Ja̧'hua̧nö̧mä̧ jarodocö pi̧nö̧ Dios. Hue'inö 'corupäi'a pä'ö, ujutu suronä jȩtö̧ imitähua pä'ö. I̧tti̧rö̧ ja̧'hua̧nö̧ huea'anä'inä, ¿ja̧u̧cu̧ yo̧mȩtȩnä̧ o'ca juiyönä mippoönä iyocö tä̧ji̧ ujuturu?

Hebreos 1:5

Pa̧'a̧nö̧mä̧ pä'ocö pi̧nö̧do Dios ángelesrö: Ucutä ttö Chi̧tti̧jä̧. Jitä mo̧ro̧ ttömä ucu Cuä'osä. Ja̧'hua̧ta̧nö̧ ángelesrö yoröiso pa̧'a̧nö̧ pä'ocö pi̧nö̧do: Ttötä ja̧u̧ jä'omä jä̧cua̧sä̧. Ja̧u̧mä̧ ttö chi̧tti̧ jä̧cua̧.

1 Juan 3:16

Jesucristo ujuturu 'corupäi'ina'attö, huo̧juä̧tö̧jä̧ iso päi'önä repe'ö pä'ö. Ja̧'hua̧nö̧ ja̧'a̧ttö̧ ujutu ubara ttuta'anä'inä, 'corujuotächome jubö cä'ädö ppätädö'a̧nö̧ ja̧'a̧ tö̧jä̧hua̧tö̧rö̧.

1 Juan 4:10

Pi̧yȩmä̧ iso päi'önä repeähuämä: Ujutu ä'canä Diosrö repe'ocotö pi̧nä̧tö̧jä̧. Chutä ä'canä ujuturu repeömä rö̧ȩnä̧ repea'attö, I̧tti̧rö̧ hue'inö suronä jȩti̧nö̧ töcö icua pä'ö.

1 Juan 4:16

Ujutu esetö huo̧juä̧tö̧jä̧, Dios ujuturu repe'ö kö̧. Dios, ujuturu repe'ömä kö̧. Repe'ö ka̧cuä̧tö̧mä̧ Dioscu ka̧cuä̧tö̧. Ja̧'hua̧ta̧nö̧ Dios jahuätöcu kö̧.

1 Juan 5:11

Ja̧'hua̧nö̧ ja̧'a̧ Dios ji'ähuinö kä̧cuä̧huä̧ i'co ujuturu iyinömä. Pi̧yȩ kä̧cuä̧huä̧ i'comä I̧tti̧rö̧tä̧ esetö ȩmä̧tö̧jä̧.

1 Juan 5:13

O'ca juiyönä pi̧yȩ huȩnȩ huȩyu̧tu̧sä̧ ucuturu, Dios I̧tti̧rö̧ esetätörö, cu̧huo̧juä̧tu̧cua̧ pä'ö kä̧cuä̧huä̧ i'co ku̧nä̧rä̧tö̧jä̧ pä'ö.