1 Juan 4:14 - TÄ̧DO Ä̧CUÄ̧ I̧HUȨNȨ

¹⁴ Ujutu totinömä ji'ähuätöjä, Dios I̧tti̧rö̧ hue'inö pä'ö, pi̧jä̧nä̧ ka̧cuä̧tö̧ suronä jȩttö̧ jȩpö̧ icua pä'ö.

Nuevo Testamento Uwotjüja

¹⁴ Ja̧'wa̧ta̧nü̧ ujutujä̧ topinä̧tü̧ ta'attü̧, Jä'o Dio-mä̧, I̧tti̧rü̧ pi̧jä̧ra̧'a̧, surojüttü rä'epü ikua pä'ü we'inü̧, pä'ü ji'äwätümä̧.

1 Juan 4:14 Iomraidhean Croise

San Juan 1:14

Ja̧'hua̧ta̧nö̧ ja̧u̧ Dios i̧huȩnȩmä̧, ttö̧ja̧ i̧sa̧ päi'önä pärohuächö, ujutu tö̧'quȩtȩnä̧ ki̧nö̧do. Ujutu, chutä Jä'o I̧tti̧ chu ä̧cua̧tä̧ öadihuä topinätöjä. Ja̧u̧ iso päi'önä ucuocu, ahuaruhuärö repe'inödo.

San Juan 1:29

Ja̧u̧nu̧ o'come mo̧ro̧, Juan Jesúsru topinödo. Jesús Juanrö tö'cönänö ichinödo. Juan pä'inödo: —Topätucui, pidemä Dios I̧tti̧, oveja ji̧'qui̧cha̧hua̧, Cordero pättäcu, jä̧'i̧nö̧'a̧nö̧ hua̧. Pide pi̧jä̧ ttö̧ja̧ suronä jȩttö̧ jȩpö̧ i̧cuä̧cua̧.

San Juan 10:36

Ja̧'hua̧nö̧ ja̧'a̧ttö̧ iso päi'önä Dios ttörö 'quȩ'ȩpö̧, pi̧jä̧ra̧'a̧ hueinöttömä, “Dios I̧tti̧sä̧” pädomenä, ¿tta̧'a̧nö̧ päcuhuätucua'ajä̧ttö̧ Diosrö suronä pä'öjä pä'ö?

San Juan 12:47

Ja̧'hua̧nö̧ ja̧'a̧nä̧ ya̧tȩ chi̧huȩnȩ ä̧ju̧cu̧, pädö ta'anö jȩpo̧cö̧mä̧, ttötä ja̧u̧ru̧: “Suronä jȩpö̧jä̧”, pä'ocösä. Ttö suronä jȩpö̧jä̧ päda pä'ö ichocö pi̧nö̧sä̧ pi̧jä̧ra̧'a̧. Pi̧jä̧ ttö̧ja̧ suronä jȩttö̧ jȩpö̧ chicua pä'ö ichinösä.

San Juan 3:11

Iso päi'önä pä'ösä ucuru, ujutu tu̧huo̧jua̧'a̧ttö̧ ucuocuätöjä. Ujutu totinötä ji'ähuätöjä. Ja̧'hua̧nö̧ ja̧'a̧nä̧ ujutu jitähuomenä, esetocotöjä ucutumä.

San Juan 3:32

Ja̧u̧ toinö'inä, ä̧ju̧cui̧nö̧'i̧nä̧ ucuocu. Ja̧'hua̧nö̧ ucuocuomenä, yoröiso ttesetococudo.

San Juan 3:34

Iso päi'önä Dios hueinäcumä, Dios i̧huȩnȩ ji'äu, Dios Espíritu Santorö repeähuä juiyönä iya'attö.

San Juan 4:42

Ja̧u̧nu̧ o'ca'a jahuäju isajuru pä'inätödo: —Jitämä adiu esetätöjä. Ucutä jicuhuähuomenätä ä̧ju̧cu̧ esetocotöjä. Ujutu'inä ja̧u̧ru̧ ä̧ju̧cuä̧jä̧tö̧jä̧. Täcö huo̧juä̧tö̧jä̧, ja̧u̧mä̧ iso päi'önä Cristodo, pi̧jä̧ ttö̧ja̧ suronä jȩttö̧ jȩpö̧ i̧cuä̧cua̧.

San Juan 5:39

Ucutumä ttu̧ȩcuä̧nä̧ ucuocuätöjä Huȩyu̧cuä̧ Huȩnȩ. Ja̧'hua̧nö̧ ucuocu, kä̧cuä̧huä̧ i'co cu̧'o̧cui̧'ä̧tu̧cua̧ pä'ätöjä. Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ ttörötä päa'a.

Hechos 18:5

Silascu, Timoteocu Macedonia rȩjȩra̧'a̧ttö̧ tti̧rȩbȩhuo̧mȩnä̧, Pablomä Dios i̧huȩnȩ ji'ähuinödo koro aditähuä aditö juiyönä. Judíos ttö̧ja̧rö̧ adiu ji'ähuinödo Dios huea päinäcu Jesúsmä ja̧u̧tä̧ ja̧'a̧.

1 Pedro 5:12

Silvano, Cristonä chö̧jä̧hua̧ ppädomenä, pi̧yȩ cuyäru ji̧'qui̧cha̧nö̧tä̧ huȩyu̧tu̧ hue'ösä ucuturu, ji'äu ppädädätucuacu pä'ö. Ja̧'hua̧ta̧nö̧ ucuturu repea'attö, o'ca juiyönä adihuä juäi iyinödo Dios ucuturu cu̧huo̧juä̧tu̧cua̧ pä'ö huȩyu̧tu̧sä̧. Pi̧yȩ esetönö ka̧cuä̧tu̧cui̧.

1 Juan 4:10

Pi̧yȩmä̧ iso päi'önä repeähuämä: Ujutu ä'canä Diosrö repe'ocotö pi̧nä̧tö̧jä̧. Chutä ä'canä ujuturu repeömä rö̧ȩnä̧ repea'attö, I̧tti̧rö̧ hue'inö suronä jȩti̧nö̧ töcö icua pä'ö.

1 Juan 5:9

Ttö̧ja̧ jittäumä ujutu ä̧ju̧cu̧ esetätöjä. Ja̧'hua̧nö̧ ja̧'a̧ Dios jiäumä ttö̧ja̧ jittäuttu'inä abonänö micuähua'a. Pi̧yȩ jiäumä Dios ji'ähuinö I̧tti̧rö̧ tteseta pä'ö.