1 Juan 4:12 - TÄ̧DO Ä̧CUÄ̧ I̧HUȨNȨ

¹² Yoröiso ya̧tȩ'i̧nä̧ topocö pi̧nö̧ Diosrömä. Ja̧'hua̧nö̧ ja̧'a̧nä̧ tö̧jä̧hua̧tö̧rö̧ repetomenä, Dios ujutucu kö̧. Ja̧'hua̧ta̧nö̧ Diosttö repeähuä jo̧mȩ päi'önä rö̧ä̧cha̧'a̧ ujuturu.

Nuevo Testamento Uwotjüja

¹² Dio-mä̧ ya̧tȩ'i̧nä̧, yorisotä tookoku ja̧'a̧nä̧; ujutu yotükupünä̧ eseu repetäkuäuttümä̧, Dio-mä̧ ujutunä̧ kkü̧ ja̧'wa̧ta̧nü̧ Jua̧u̧ eseu repeü'i̧nä̧ ujutunä̧ kkä̧kua̧'a̧.

1 Juan 4:12 Iomraidhean Croise

San Juan 1:18

Diosrö topinömä, yoröisotä toa'a. Ja̧'hua̧nö̧ ja̧'a̧nä̧ chutä I̧tti̧, chu ä̧cua̧tä̧, Jä'ocu tö'cö kö̧tä̧, ujuturu huo̧juȩtö̧ Dios ö̧jö̧ huȩnȩ.

1 Corintios 13:13

Ja̧'hua̧nö̧ ja̧'a̧ttö̧ adiu esetäcuähuä'inä, Diosrö tta̧huä̧rä̧cuä̧huä̧'i̧nä̧, ttahuaruhuärö repeähuä'inä yoröiso beipocö. 'Cuäopönä kä̧cua̧'a̧. Juhuorö'inä ttahuaruhuärö repeähuämä korottö'inä abonänö adihua'a.

1 Timoteo 1:17

Ja̧'hua̧nö̧ ja̧'a̧ttö̧ ya̧tȩä̧tä̧ Diosrö, o'ca juiyönä huo̧jua̧rö̧, yoröiso hua'ö icuocörö, uhuäpocörö, 'cuäopönä Tu̧ru̧hua̧ päi'önä kö̧rö̧ eseunu tucuotäcua'a̧nö̧. Amén.

1 Timoteo 6:16

Chutämä yoröiso hua'ocödo. Adiu tȩa̧u̧nä̧ kö̧ pi̧jä̧ ttö̧ja̧ tti̧rȩbȩhuo̧co̧mȩ. Pi̧jä̧ ttö̧ja̧ yoröiso topäcuähuocö pä'äji'inä, jitä'inä ja̧u̧ru̧. 'Cuäopönä ttucuotäcua'a̧nö̧. Ja̧'hua̧ta̧nö̧ 'cuäopönä ujuruhuäcua'a̧nö̧. Amén.

Hebreos 11:27

Diosrö esetö, Egipto ru̧hua̧rö̧ ö̧ra̧huä̧ra̧'a̧ yecuoca'a, Moisés Egipto rȩjȩttö̧ rä'opinödo. Chutä, Diosrö uhuäpocörö, topö cuettächö jä̧'i̧nö̧'a̧nö̧, adiunätä jȩpö̧ 'chi̧nö̧do.

1 Juan 2:5

Ja̧'hua̧nö̧ ja̧'a̧nä̧ ya̧tȩ Dios i̧huȩnȩ päö ta'anö jȩpö̧mä̧, ja̧u̧mä̧ iso päi'önä Diosrö repe'ö. Dios i̧huȩnȩ päö ta'anö jȩto̧mȩnä̧, huo̧juä̧tö̧jä̧ ujutu Dioscu ka̧cuä̧tö̧jä̧ pä'ö.

1 Juan 3:24

O'ca toi'önä Dios hueinö ta'anö jȩpä̧tö̧mä̧, ja̧u̧cu̧ ka̧cuä̧tö̧. Ja̧'hua̧ta̧nö̧ Dios jahuätöcu kö̧. Espíritu Santorö ujutucu ö̧ja̧ pä'ö iyina'attö, huo̧juä̧tö̧jä̧ Dios ujutucu kö̧.

1 Juan 4:16

Ujutu esetö huo̧juä̧tö̧jä̧, Dios ujuturu repe'ö kö̧. Dios, ujuturu repe'ömä kö̧. Repe'ö ka̧cuä̧tö̧mä̧ Dioscu ka̧cuä̧tö̧. Ja̧'hua̧ta̧nö̧ Dios jahuätöcu kö̧.

1 Juan 4:20

Ya̧tȩ pä'ö “Diosrö repe'ösä” päöttömä, ö̧jä̧hua̧rö̧ repeoca'anä, ja̧u̧mä̧ yaparehua̧. Ja̧'hua̧nö̧ ja̧'a̧ ö̧jä̧hua̧ toäcuru repe'ocömä, Dios tococuru repe'ocö.

1 Juan 4:6

Ujutumä Dios i̧tti̧mö̧jä̧. Diosrö huo̧juä̧tö̧mä̧ ujutu tucuocu adiu ä̧ju̧cuä̧tö̧. Dios i̧tti̧mö̧cö̧ ujutu tucuocu ä̧ju̧cuo̧co̧tö̧. Ja̧'hua̧nö̧ ja̧'a̧ttö̧ ujutu huo̧juä̧tö̧jä̧ Espíritu Santo hueö jȩpä̧tö̧rö̧'i̧nä̧, ähuettä hueö jȩpä̧tö̧rö̧'i̧nä̧.