1 Juan 3:22 - TÄ̧DO Ä̧CUÄ̧ I̧HUȨNȨ

²² Diosrö pä̧huä̧ rö̧jö̧ jȩto̧mȩnä̧, hueinö ta'anö jȩta̧'a̧ttö̧ ja̧u̧ ujuturu iyö o'ca juiyönä jätepömä.

Nuevo Testamento Uwotjüja

²² Ja̧'wa̧nü̧ jo̧mȩnä̧, o'kajuiyünä̧ jätepümä̧ Dio-mä̧ i̧yä̧kuä̧u̧jä̧. Chutä i̧wȩnȩ weütä ukuotü ja̧'wa̧ta̧nü̧ üjü'kütä jȩpü̧ tü̧ja̧kua̧'a̧ttü̧.

1 Juan 3:22 Iomraidhean Croise

San Mateo 17:5

Pedro ja̧'hua̧nö̧ ucuocuomenä, ajiya isoppa tȩa̧u̧ mȩyȩhui̧'i̧na̧'a̧do jahuätö ttö̧ja̧cuo̧mȩcu̧. Ajiya isoppattö ya̧tȩ i̧huȩnȩ ucuocua'a ä̧ju̧cui̧nä̧tö̧do: —Pidemä ttö Chi̧tti̧ rȩni̧'a̧. Ttömä juiyo eseusä ja̧u̧ru̧. Ä̧ju̧cuä̧tu̧cui̧ ja̧u̧ru̧tä̧, —ucuocua'a ä̧ju̧cui̧nä̧tö̧do.

San Mateo 21:22

Ja̧'hua̧ta̧nö̧ o'ca juiyönä Diosrö jäcuhue'ätucumä, adiunä cuesetätucuttumä, cuȩmä̧cuo̧tö̧jä̧, —pä'inödo Jesús.

San Marcos 11:24

Ja̧'hua̧nö̧ ja̧'a̧ttö̧ pä'ösä ucuturu, o'ca juiyönä Diosrö jäcuhue'ätucumä, täcö ȩmä̧jä̧tö̧jä̧ pä'ö adiunä cuesetätucuttumä, cuȩmä̧cuo̧tö̧jä̧.

San Juan 14:13

O'ca juiyönä chi̧mi̧nä̧ jäcuhue'ätucumä iyösä, I̧tti̧ Jä'o öadihuä i̧jȩpä̧cua̧'a̧nö̧.

San Juan 15:10

Chä'o hueömä jȩcha̧'a̧ttö̧ ttörö repeö'a̧nö̧, ttö huedömä jȩcu̧'ä̧tu̧cu̧ttu̧mä̧, ucuturu rȩpȩdä̧cua̧sä̧.

San Juan 15:7

“Ttörö todeunä cu̧ja̧cuä̧tu̧cuo̧mȩnä̧, chu̧huo̧juȩti̧nö̧ cunichi'ätucu juiyöttömä, ucuturu pä̧huä̧ rö̧jö̧ jäcuhue'ätucuomenä, Chä'o i̧yä̧cua̧ ucuturu.

San Juan 6:29

Jesús jahuätörö ädätinödo: —Dios pä̧huä̧ rö̧jä̧cu̧ chutä hueinäcuru cuesetätucua pä'ö.

San Juan 8:29

Chutä, ttörö hue'inömä, ttöcu kö̧. Katä chö̧ja̧ pä'ö jaropi'ocö ttörö, 'cuäopönä churutä pä̧huä̧ rö̧jö̧tä̧ jȩcha̧'a̧ttö̧, —pä'inödo.

San Juan 9:31

Iso päi'önä Diosmä suronä jȩpä̧tö̧rö̧ ä̧ju̧cuo̧cö̧ huo̧juä̧tö̧jä̧. Ja̧u̧ i̧huȩnȩ ä̧ju̧cu̧, ja̧u̧ru̧tä̧ tta̧'cua̧ huȩnä̧rä̧tö̧rö̧tä̧ ä̧ju̧cu̧ Diosmä.

Hechos 17:30

Pä'äjimä ttö̧ja̧ jerupö jȩtti̧nö̧mä̧, Dios ja̧'a̧tä̧ ami 'qui'ächi'ö topinö. Jitämä o'ca toi'önärö pi̧jä̧ o'ca juiyönä ka̧cuä̧tö̧rö̧ Dios hue'ö suronä jȩttö̧mä̧ jaropi'ö pärocuäcutä ttamöcuäda pä'ö.

Hechos 20:21

Judíos ttö̧ja̧rö̧'i̧nä̧, judíos huocotörö'inä ji'ähuinösä pärocuäcutä amöcuädö Diosrö, Tu̧ru̧hua̧ Jesucristorö cuesetätucua pä'ö.

Filipenses 4:18

Jitämä o'ca juiyönä ȩmi̧nö̧sä̧. Ja̧'hua̧nö̧ ja̧'a̧ttö̧ rö̧ȩnä̧ ku̧nä̧rö̧sä̧. Epafroditocu röjinä huecuhuinätucu iso päi'önä pärocuä rö̧ȩnä̧ ku̧nä̧rö̧sä̧. Ja̧u̧ huecuhuinätucua'a, ofrenda amehuoyattö ameu'a̧nö̧ ji̧na̧'a̧ ttörö. Ja̧'hua̧ta̧nö̧ sacrificio jȩpö̧ Dios eseunu amöcuädö'a̧nö̧ ji̧na̧'a̧.

Colosenses 1:10

Ja̧'hua̧ta̧nö̧ 'cuäopönä Tu̧ru̧hua̧rö̧ pä̧huä̧ rö̧jö̧nä̧ eseunu cu̧ja̧cuä̧tu̧cua̧ pä'ö jä'epätöjä. Ja̧'hua̧ta̧nö̧ korotörö ppä'ädö, adihuä juäi jȩcu̧'ä̧tu̧cuä̧cua̧'a̧nö̧. Diosrö rö̧ä̧chi̧'ö̧nä̧ cu̧huo̧juä̧tu̧cua̧ pä'ätöjä.

Santiago 1:5

Ucututtu ya̧tȩ u̧huo̧jui̧'a̧ pä'ö recuä rö̧jö̧ttö̧mä̧, Diosrö jäepö'a̧nö̧ ja̧'a̧. Dios ja̧u̧ru̧ i̧yä̧cua̧. Dios o'ca toi'önärö iyö. Tä̧bo̧cuä̧ juiyönä rö̧ȩnä̧ iyö.

Santiago 4:3

Ja̧'hua̧ta̧nö̧ jäcuhue'ätucumä ȩmo̧co̧tö̧jä̧, suronä amöcuädö jäcuhue'ätucua'attö, suronä jȩä̧cuä̧huä̧nä̧ be'epäjipö cuicuätucu'a̧nö̧ ji̧yä̧cu̧.

Santiago 5:16

Ja̧'hua̧nö̧ ja̧'a̧ttö̧ korotörö ji'ähuätucui suronä jȩcu̧'i̧nä̧tu̧cu̧. Ja̧'hua̧ta̧nö̧ Diosrö korotörö ppä'ädö ucuocuätucui, surojö aditö icuatö pä'ö Dios. Adiu esetömä Diosrö ucuocuomenä, i̧huȩnȩ iso päi'önä micuähua'a.

1 Juan 2:3

Dios hueinö ta'anö jȩtö̧ttö̧mä̧, ujutu huo̧juä̧tö̧jä̧ Diosrö huo̧juä̧tö̧jä̧ pä'ömä.

1 Juan 5:14

Ujutu huo̧juä̧tö̧jä̧ Diosrö pä̧huä̧ rö̧jö̧ jä'epö tucuocuomenä, ujuturu ä̧ju̧cua̧'a̧ttö̧, ja̧u̧ru̧ ta̧'cua̧ huȩnä̧rä̧tö̧jä̧.