1 Juan 2:4 - TÄ̧DO Ä̧CUÄ̧ I̧HUȨNȨ

⁴ Ya̧tȩ “Diosrö huo̧jua̧sä̧” päöttömä, Dios hueinö ta'anö jȩpo̧cö̧mä̧, ja̧u̧mä̧ yaparehua̧. Iso päi'önä huȩnȩ ucuocuocö.

Nuevo Testamento Uwotjüja

⁴ Ttümä̧, «Jua̧u̧ru̧ wo̧jua̧sä̧» pä'anä̧, weinü̧ ukuotokomȩnä̧mä̧, ja̧'wa̧nü̧ pä'ümä̧ ya̧pa̧rȩwa̧, jueü wȩnȩmä̧ kko̧ka̧'a̧ jua̧u̧nä̧mä̧.

1 Juan 2:4 Iomraidhean Croise

San Juan 8:44

Ucutu cuä'otucumä, ähuettä ja̧'a̧. Ja̧u̧ i̧tti̧mö̧jä̧ ucutumä. Ja̧u̧ru̧ pä̧huä̧ rö̧jö̧tä̧ jȩcu̧'ä̧tu̧cua̧ pä'ätöjä. Ähuettä ihueye ttö̧ja̧rö̧ cuä̧'ä̧hua̧ pi̧nö̧do. Iso päi'önä jähuä yoröiso jȩpo̧cö̧ pi̧nö̧do. Ja̧'hua̧ta̧nö̧ iso päi'önä huȩnȩ'i̧nä̧ ucuocuocö pi̧nö̧do. Yapareu jiähuomenä, chutä jö̧ ta'anö ji'äu. Ja̧u̧mä̧ ihueye ya̧pa̧rȩhua̧. Ja̧'hua̧ta̧nö̧ ja̧u̧mä̧ yapareu huȩnȩ kada'cado.

Tito 1:10

Iso päi'önä recuätö jarode'ätömä ka̧cuä̧tö̧. Judíos ttö̧ja̧ ttö̧'quȩtȩnä̧'i̧nä̧ recuätö ja̧'hua̧nö̧ jȩpä̧tö̧ ka̧cuä̧tö̧. Jahuätömä amönä huȩnȩ ucuocu yapareu ji'ähuätö ttö̧ja̧rö̧.

Tito 1:16

Jahuätömä “Diosrö esetätöjä” pätta'anä, Dios i̧huȩnȩ päö ta'anö jȩpo̧co̧tö̧. Jahuätömä yoröiso suropätö. Jahuätömä jarode'ätö. Jahuätömä yoröiso adiunä jȩpo̧co̧tö̧.

1 Juan 1:10

“Ujutu yoröiso suronä jȩpo̧co̧tö̧ pi̧nä̧töjä̧” pätöttömä, “Dios yaparehua̧” pä'ätöjä. Ja̧'hua̧nö̧ pätomenä, Dios i̧huȩnȩ jui'ätöjä.

1 Juan 1:6

Ja̧u̧cu̧ ji̧nä̧ ji̧yȩtȩ huotöjä pätöttömä, yo̧ö̧nä̧ cue'ächö kä̧nö̧, yapareu ucuocuätöjä. Iso päi'önä huȩnȩ päö'a̧nö̧ jȩpo̧co̧tö̧jä̧.

1 Juan 1:8

“Ujutu yoröiso suronä jȩpo̧co̧tö̧jä̧” pätöttömä, ujutu tamönä yaparehuätöjä. Ja̧'hua̧nö̧ pätomenä, iso päi'önä huȩnȩ ucuocuocotöjä.

1 Juan 2:3

Dios hueinö ta'anö jȩtö̧ttö̧mä̧, ujutu huo̧juä̧tö̧jä̧ Diosrö huo̧juä̧tö̧jä̧ pä'ömä.

1 Juan 2:9

Ya̧tȩ pä'ö “Ttömä tȩa̧u̧nä̧ kö̧sä̧” päa'anä, ö̧jä̧hua̧rö̧ öjö'cö juiyönä kö̧mä̧, ji̧nä̧ yo̧ö̧cu̧ kö̧.

1 Juan 3:6

Ja̧'hua̧nö̧ ja̧'a̧ ja̧u̧cu̧ ka̧cuä̧tö̧mä̧ suronä jȩpö̧ ko̧co̧tö̧. Suronä jȩpö̧ ka̧cuä̧tö̧mä̧, ja̧u̧ru̧ topocotö pi̧nä̧tö̧. Ja̧u̧ru̧ jerupätö.

1 Juan 4:20

Ya̧tȩ pä'ö “Diosrö repe'ösä” päöttömä, ö̧jä̧hua̧rö̧ repeoca'anä, ja̧u̧mä̧ yaparehua̧. Ja̧'hua̧nö̧ ja̧'a̧ ö̧jä̧hua̧ toäcuru repe'ocömä, Dios tococuru repe'ocö.

1 Juan 4:7

Chö̧jä̧hua̧tö̧, repeähuä Diosttö icha'attö, repetö'a̧nö̧ ja̧'a̧ tö̧jä̧hua̧tö̧ o'ca toi'önärö. Repe'ätömä Dios i̧tti̧mö̧. Diosrö huo̧juä̧tö̧.