1 Juan 2:24 - TÄ̧DO Ä̧CUÄ̧ I̧HUȨNȨ

²⁴ Ja̧'hua̧nö̧ ja̧'a̧ ucutu äcuomenä cuesetinomettö kä̧mä̧dö̧ cuä̧ju̧cui̧nä̧tu̧cu̧mä̧, esetö ka̧cuä̧tu̧cui̧. Äcuomenä cuesetinomettö kä̧mä̧dö̧ cuä̧ju̧cui̧nä̧tu̧cu̧mä̧ esetö cu̧ja̧cuä̧tu̧cu̧ttu̧mä̧, ucutu Tä'o Dioscu, Tä'o Dios I̧tti̧ Jesucristocu cu̧ja̧cuä̧cuo̧tö̧jä̧.

Nuevo Testamento Uwotjüja

²⁴ Ja̧'wa̧nü̧ ja̧'a̧ttü̧, ä̧kuo̧mȩnä̧tä̧ päi'ünä̧ kuä̧ju̧kui̧nä̧tu̧mä̧, ukutunä̧ kkü̧nä̧ kka̧kuä̧tu̧kui̧; jua̧u̧ ä̧kuo̧mȩnä̧tä̧ päi'ünä̧ kuä̧ju̧kui̧nä̧tu̧ku̧, ukutunä̧ kkü̧ttü̧mä̧, ukutumä̧ Jä'onä̧'i̧nä̧, I̧tti̧nä̧'i̧nä̧, ku̧jä̧kuo̧tü̧jä̧.

1 Juan 2:24 Iomraidhean Croise

San Lucas 9:44

—Adiu ä̧ju̧cuä̧tu̧cui̧. Pi̧yȩ huȩnȩ cunichi'ätucuä'. Ubo I̧tti̧rö̧mä̧ pi̧jä̧ ttö̧ja̧rö̧ iyö tti̧cuä̧cua̧.

San Juan 14:23

Jesús ja̧u̧ru̧ ädätinödo: —Ttörö repe'ömä, ttö pädömä esetö ä̧ju̧cu̧. Chä'o ja̧u̧ru̧ rȩpȩä̧cua̧. Ja̧'hua̧ta̧nö̧ ttöcu, Chä'ocu ja̧u̧ru̧ ichö, tö̧ja̧cuä̧cuo̧tö̧jä̧.

San Juan 15:7

“Ttörö todeunä cu̧ja̧cuä̧tu̧cuo̧mȩnä̧, chu̧huo̧juȩti̧nö̧ cunichi'ätucu juiyöttömä, ucuturu pä̧huä̧ rö̧jö̧ jäcuhue'ätucuomenä, Chä'o i̧yä̧cua̧ ucuturu.

San Juan 6:56

Ttötä chidepättö'inä cumä, chucuojattö'inä aumä, ttöcu eseunu kö. Ttö'inä ja̧u̧cu̧ eseunu kö̧sä̧.

San Juan 8:25

Ja̧'hua̧ ja̧'a̧ttö̧ ja̧u̧ru̧ pä'inätödo: —Ucumä, ¿di cu'ättö? Jesús jahuätörö ädätinödo: —Ucuturu äcuomenä ucuocu ji'ähuinösä.

Filipenses 4:15

Ucutu Filipos ötahuiyättö huo̧juä̧tö̧jä̧, äcuomenä Macedonia rȩjȩttö̧ rä'opö, ttö̧ja̧ suronä jȩttö̧ jȩpö̧ icu huȩnȩ ji'äu chi̧'cho̧mȩnä̧, ucututä iglesiattö ttörö ppä'ädö iyinätöjä, ucuturu adihuä huȩnȩ ji'äu ppädädinö o'ca'a. Korotömä yoröiso ppä'ädocotö pi̧nä̧tö̧.

Colosenses 3:16

Ja̧'hua̧ta̧nö̧ Cristo i̧huȩnȩ cuami iso'quitucunä suhuädi'önä ka̧cuä̧tu̧cui̧. Ja̧u̧ huo̧jui̧cuä̧nä̧ huo̧juȩtö̧ ppä'ädätucui korotörö. Diosrö chutä adihuä i̧huȩnȩ ra̧huä̧huä̧, cuami iso'quitucunä eseunu ra̧'ä̧tu̧cui̧.

Hebreos 2:1

Ja̧'hua̧nö̧ ja̧'a̧ttö̧ tä̧ju̧cui̧nö̧mä̧ yabonö tesetö'a̧nö̧ ja̧'a̧, adihuä juäi mä̧nä̧ jaroti'ö juiya pä'ö.

Hebreos 3:14

Iso päi'önä äcuomenä tesetinö röji mo̧ro̧ päi'omenä jubö päi'önä tami 'quitächi'öttömä, Cristocu ji̧nä̧ yo̧mȩtȩ tö̧ja̧cuä̧cuo̧tö̧jä̧.

1 Juan 1:3

Ja̧'hua̧nö̧ ja̧'a̧ttö̧ totinö'inä, tä̧ju̧cui̧nö̧'i̧nä̧ ucuturu ji'ähuätöjä, ujutu Tä'o Dioscu, I̧tti̧ Jesucristocu ji̧nä̧ ji̧yȩtȩ huotö tö'a̧nö̧, ucutu'inä ujutucu ji̧nä̧ ji̧yȩtȩ huotö cu'ätucua pä'ö.

1 Juan 1:7

Dios tȩa̧u̧nä̧ ö̧jö̧'a̧nö̧ tȩa̧u̧nä̧ tö̧jö̧ttö̧mä̧, ji̧nä̧ ji̧yȩtȩ huotö ka̧cuä̧tö̧jä̧. Ja̧'hua̧nö̧ tö̧jo̧mȩnä̧, Dios I̧tti̧ Jesucristo ucuojanä o'ca juiyö suronä jȩtö̧ töcö icu.

1 Juan 2:7

Chö̧jä̧hua̧tö̧, ucuturu chi̧huȩyu̧tu̧mä̧ jareö hueähuä huȩnȩmä̧cö̧. Täbocö hueähuä huȩnȩ ucutu äcuomenä cuesetinomettö kä̧mä̧dö̧ cu̧ju̧nä̧rä̧tu̧cu̧mä̧ huȩyu̧tu̧sä̧. Ja̧u̧ täbocö hueähuä huȩnȩ, cuä̧ju̧cui̧nä̧tu̧cu̧ huȩnȩ ja̧'a̧.

1 Juan 3:24

O'ca toi'önä Dios hueinö ta'anö jȩpä̧tö̧mä̧, ja̧u̧cu̧ ka̧cuä̧tö̧. Ja̧'hua̧ta̧nö̧ Dios jahuätöcu kö̧. Espíritu Santorö ujutucu ö̧ja̧ pä'ö iyina'attö, huo̧juä̧tö̧jä̧ Dios ujutucu kö̧.

1 Juan 4:13

Dios Espíritu Santorö ujutucu ö̧ja̧ pä'ö hueina'attö, huo̧juä̧tö̧jä̧ Dioscu ka̧cuä̧tö̧jä̧ pä'ömä, ja̧'hua̧ta̧nö̧ Dios ujutucu kö̧.

1 Juan 4:15

Jesúsmä Dios I̧tti̧ ja̧'a̧ pä'ö ji'ähuätöcu kö̧ Diosmä. Jahuätötä Dioscu ka̧cuä̧tö̧.

1 Juan 4:16

Ujutu esetö huo̧juä̧tö̧jä̧, Dios ujuturu repe'ö kö̧. Dios, ujuturu repe'ömä kö̧. Repe'ö ka̧cuä̧tö̧mä̧ Dioscu ka̧cuä̧tö̧. Ja̧'hua̧ta̧nö̧ Dios jahuätöcu kö̧.

2 Juan 1:2

Iso päi'önä huȩnȩ o'ca toi'önä tami iso'quinä kö̧. Ja̧u̧ 'cuäopönä kä̧cua̧'a̧ ujutucutä. Ja̧u̧ iso päi'önä huȩnȩ chu̧ju̧nä̧ra̧'a̧ttö̧, ucuturu repe'ösä.

2 Juan 1:9

Jesucristo u̧huo̧juȩti̧nö̧ abonänö 'cuäoi'önä huo̧juȩtö̧mä̧, ja̧u̧mä̧ Jesucristo u̧huo̧juȩti̧nö̧ huo̧juȩtö̧ ko̧cö̧. Dios toönä kö̧. Jesucristo u̧huo̧juȩti̧nö̧ huo̧juȩtö̧ kö̧mä̧, Tä'o Dioscu, I̧tti̧ Jesucristocu kö̧.

3 Juan 1:3

Ja̧'hua̧ ja̧'a̧ korotö tö̧jä̧hua̧tö̧ ichö jittähuomenä, ucu esetö'inä cueseta'anä, iso päi'önä huȩnȩ päö'inä adiu jȩcu̧'a̧'a̧mä̧ ä̧ju̧cu̧, esehuinösä ttömä.

Apocalipsis 3:11

Ttömä jurunänö chi̧chä̧cua̧sä̧. Cu̧ju̧nä̧rö̧mä̧ adiu ku̧nä̧ri̧, korotömä adihuä juäi cuȩmä̧cuȩmä̧ 'chottipö juiya pä'ö.

Apocalipsis 3:3

Cu̧huo̧jui̧'i̧nö̧ huȩnȩ amöcuädi. Ja̧u̧ huȩnȩ päö'a̧nö̧ jȩpi̧. Pärocuäcutä amöcuädi. Cu'orächi'ö juiyöttömä, ya̧tȩ nä̧u̧cuä̧rö̧ i̧sa̧ ucu cuieruhuomenä ichö'a̧nö̧, chi̧chä̧cua̧sä̧ ucuru.