1 Juan 1:8 - TÄ̧DO Ä̧CUÄ̧ I̧HUȨNȨ

⁸ “Ujutu yoröiso suronä jȩpo̧co̧tö̧jä̧” pätöttömä, ujutu tamönä yaparehuätöjä. Ja̧'hua̧nö̧ pätomenä, iso päi'önä huȩnȩ ucuocuocotöjä.

Nuevo Testamento Uwotjüja

⁸ Isopäi'ünä̧, «Surojü jui'ätüjä̧ pätüttümä̧,» ta̧mü̧nä̧ pa̧ja̧tü̧ yapareäkuäwätüjä̧, ja̧'wa̧nü̧ jo̧mȩnä̧mä̧ jueü wȩnȩmä̧ juiya'a ujutunä̧mä̧.

1 Juan 1:8 Iomraidhean Croise

San Juan 8:44

Ucutu cuä'otucumä, ähuettä ja̧'a̧. Ja̧u̧ i̧tti̧mö̧jä̧ ucutumä. Ja̧u̧ru̧ pä̧huä̧ rö̧jö̧tä̧ jȩcu̧'ä̧tu̧cua̧ pä'ätöjä. Ähuettä ihueye ttö̧ja̧rö̧ cuä̧'ä̧hua̧ pi̧nö̧do. Iso päi'önä jähuä yoröiso jȩpo̧cö̧ pi̧nö̧do. Ja̧'hua̧ta̧nö̧ iso päi'önä huȩnȩ'i̧nä̧ ucuocuocö pi̧nö̧do. Yapareu jiähuomenä, chutä jö̧ ta'anö ji'äu. Ja̧u̧mä̧ ihueye ya̧pa̧rȩhua̧. Ja̧'hua̧ta̧nö̧ ja̧u̧mä̧ yapareu huȩnȩ kada'cado.

Romanos 3:10

Huȩyu̧cuä̧ Huȩnȩ päa'a: Adihuä i̧sa̧mä̧ toa'a. Yoröiso ya̧tȩ'i̧nä̧ toa'a adihuä i̧sa̧mä̧.

Romanos 3:23

O'ca toi'önä suronä jȩpi̧nä̧tö̧. Ja̧'hua̧ta̧nö̧ o'ca toi'önä Diosttö, pi̧jä̧ ttö̧ja̧ suronä jȩttö̧ jȩpö̧ icuru otohuotö.

1 Corintios 3:18

Ja̧'hua̧ ji̧yä̧cu̧ yapareu cuamöcuädätucuä' cuamönätucunä. Ucututtu ya̧tȩ pi̧jä̧ttö̧ rö̧ȩnä̧ huo̧jua̧sä̧ pä'ö amöcuädöttömä, ja̧u̧ juäi jaroi'a pä'ö ya̧tȩ jȩru̧pa̧ ta'anö juo'ächö, adihua'a. Ja̧'hua̧nö̧ jȩpö̧ iso päi'önä adihuä juäi huo̧juä̧huä̧ u̧huo̧jui̧'ä̧cua̧'a̧nö̧.

Gálatas 6:3

Ya̧tȩ chutä amöcuädäcuäutä ttö̧ja̧ ttucuotattö pä'äumä usurä i̧sa̧ ja̧'a̧nä̧, chutätä yapareu pä'äu.

1 Timoteo 6:5

Ja̧'hua̧ta̧nö̧ u̧mä̧tö̧ rohuähuätö korotö u̧mä̧tö̧cu̧. Jahuätömä yoröiso adiu amöcuädocotö. Iso päi'önä huȩnȩ päö'a̧nö̧ jȩpo̧co̧tö̧. Jahuätö amöcuädätö järe ȩmä̧huä̧ huȩnȩcö̧ pä'ö Dios i̧huȩnȩmä̧. Jahuätöttö 'quȩ'i̧pä̧chi̧.

2 Timoteo 3:13

Ja̧'hua̧nö̧ ja̧'a̧nä̧ suronä jȩpä̧tö̧'i̧nä̧, yapareu ucuocu jȩpä̧tö̧'i̧nä̧ ji̧nä̧ isocu suronä jȩttä̧cuo̧tö̧. Jahuätömä ji̧nä̧ isocu ttesetäcuotö yapareu huȩnȩ.

Santiago 1:22

Dios i̧huȩnȩ päö ta'anö jȩpä̧tu̧cui̧. Ä̧ju̧cu̧tä̧mä̧ cuä̧ju̧cuä̧tu̧cuä̧'. Ä̧ju̧cu̧tä̧ cuä̧ju̧cuä̧tu̧cuo̧mȩnä̧, yapareu ucuocuätöjä cuamönätucutä.

Santiago 1:26

Ya̧tȩ culto adiu ra̧hua̧'a̧nä̧, ttömä adihuä i̧sa̧sä̧ amöcuädöttömä, koronö'inä ucuocuomenä, adiu huȩnȩtä̧ ucuocu juiyöttömä, amönätä yapareu ucuocu. Diosrö yoröiso esetocö.

Santiago 3:2

Ujutu o'ca toi'önä koronö pö̧nä̧tä̧ suronä jȩpä̧tö̧jä̧. Ya̧tȩ yoröiso suronä ucuocuocömä täcö yoräteunä kö̧, adiu 'quiyönä ami 'qui'ächi'ö kö̧.

2 Pedro 2:13

Korotörö ttutta pä'ö jȩtti̧nö̧'a̧nö̧, ubara ttuttäcuotö jahuätö'inä. Pi̧jä̧ jähuä amöcuädö kä̧cuä̧huä̧mä̧ adiunä ttö̧ja̧ji̧cö̧ pä'ö jȩpä̧tö̧. Ucutucu fiesta jȩtto̧mȩnä̧, korotö ttödäpecuächi'önä jȩpä̧tö̧, yapareu jȩpö̧ kä̧nö̧.

1 Juan 1:10

“Ujutu yoröiso suronä jȩpo̧co̧tö̧ pi̧nä̧töjä̧” pätöttömä, “Dios yaparehua̧” pä'ätöjä. Ja̧'hua̧nö̧ pätomenä, Dios i̧huȩnȩ jui'ätöjä.

1 Juan 1:6

Ja̧u̧cu̧ ji̧nä̧ ji̧yȩtȩ huotöjä pätöttömä, yo̧ö̧nä̧ cue'ächö kä̧nö̧, yapareu ucuocuätöjä. Iso päi'önä huȩnȩ päö'a̧nö̧ jȩpo̧co̧tö̧jä̧.

1 Juan 2:4

Ya̧tȩ “Diosrö huo̧jua̧sä̧” päöttömä, Dios hueinö ta'anö jȩpo̧cö̧mä̧, ja̧u̧mä̧ yaparehua̧. Iso päi'önä huȩnȩ ucuocuocö.

1 Juan 4:20

Ya̧tȩ pä'ö “Diosrö repe'ösä” päöttömä, ö̧jä̧hua̧rö̧ repeoca'anä, ja̧u̧mä̧ yaparehua̧. Ja̧'hua̧nö̧ ja̧'a̧ ö̧jä̧hua̧ toäcuru repe'ocömä, Dios tococuru repe'ocö.

2 Juan 1:2

Iso päi'önä huȩnȩ o'ca toi'önä tami iso'quinä kö̧. Ja̧u̧ 'cuäopönä kä̧cua̧'a̧ ujutucutä. Ja̧u̧ iso päi'önä huȩnȩ chu̧ju̧nä̧ra̧'a̧ttö̧, ucuturu repe'ösä.

3 Juan 1:3

Ja̧'hua̧ ja̧'a̧ korotö tö̧jä̧hua̧tö̧ ichö jittähuomenä, ucu esetö'inä cueseta'anä, iso päi'önä huȩnȩ päö'inä adiu jȩcu̧'a̧'a̧mä̧ ä̧ju̧cu̧, esehuinösä ttömä.