1 Juan 1:7 - TÄ̧DO Ä̧CUÄ̧ I̧HUȨNȨ

⁷ Dios tȩa̧u̧nä̧ ö̧jö̧'a̧nö̧ tȩa̧u̧nä̧ tö̧jö̧ttö̧mä̧, ji̧nä̧ ji̧yȩtȩ huotö ka̧cuä̧tö̧jä̧. Ja̧'hua̧nö̧ tö̧jo̧mȩnä̧, Dios I̧tti̧ Jesucristo ucuojanä o'ca juiyö suronä jȩtö̧ töcö icu.

Nuevo Testamento Uwotjüja

⁷ Ja̧'wa̧nü̧ ja̧'a̧nä̧, Dio tȩya̧u̧nä̧ ü̧jü̧ta̧'a̧nü̧, ujutu'i̧nä̧ tȩya̧u̧nä̧ kue'ächü, kkorotüku ji̧nä̧ ji̧yȩtȩnä̧ tü̧ja̧ku̧ttü̧mä̧, Tu̧ru̧wa̧ Jesucrito, Dio i̧tti̧ ukuojamä̧ tükü i̧kuä̧u̧jä̧.

1 Juan 1:7 Iomraidhean Croise

San Mateo 6:12

Ja̧'hua̧ta̧nö̧ ujutu suronä jȩtö̧mä̧ jȩpö̧ icu unichi'i, korotömä ujuturu suronä jȩpä̧tö̧rö̧ jȩttö̧ tunichi'ö'a̧nö̧.

San Juan 1:29

Ja̧u̧nu̧ o'come mo̧ro̧, Juan Jesúsru topinödo. Jesús Juanrö tö'cönänö ichinödo. Juan pä'inödo: —Topätucui, pidemä Dios I̧tti̧, oveja ji̧'qui̧cha̧hua̧, Cordero pättäcu, jä̧'i̧nö̧'a̧nö̧ hua̧. Pide pi̧jä̧ ttö̧ja̧ suronä jȩttö̧ jȩpö̧ i̧cuä̧cua̧.

San Juan 12:35

Ja̧'hua̧ ja̧'a̧ Jesús pä'inödo jahuätörö: —Ucutu cu̧'quȩtȩtu̧cu̧nä̧ adihuä tȩa̧u̧ ö̧jä̧cua̧ ji̧nä̧ a̧'u̧cua̧'a̧tä̧. Ji̧nä̧ tȩa̧huä̧i̧tä̧ cue'ächätucui, yo̧ö̧nä̧ päi'omenä yecuhuecuätucu juiya pä'ö. Ya̧tȩ yo̧ö̧nä̧ cue'ächömä, i̧'cho̧mȩ jȩru̧pa̧.

San Juan 5:4

Ja̧u̧nu̧ pä̧nä̧ koronö'inä, koronö'inä ya̧tȩ ángel ja̧u̧ iso'unä i̧mȩyȩhuo̧mȩnä̧, ajiya yuhuecuina'ado. Ajiya ja̧'hua̧nö̧ yuhuecuomenä, iso'u jacuotonä äcuomenä ma̧'ä̧chi̧nö̧mä̧ adiu pi̧'i̧nö̧do na̧huä̧chi̧nö̧mä̧.

Romanos 13:12

Täcö yodo beipächi'a'a. Mo̧ro̧ tö'cöhuächi'a'a pärocuä. Ja̧'hua̧nö̧ ja̧'a̧ttö̧ jaroti'ö'a̧nö̧ ja̧'a̧ yo̧ö̧ jȩä̧cuä̧huä̧mä̧. Ja̧'hua̧ ja̧'a̧ tȩa̧u̧nä̧ tö̧jö̧'a̧nö̧ ja̧'a̧, surojö tto̧ȩpä̧ra̧ pä'ö.

1 Corintios 6:11

Pä'äji ucututtu yotöte ja̧'hua̧nö̧ jȩpi̧nä̧tö̧jä̧. Jitämä Tu̧ru̧hua̧ Jesús i̧mi̧nä̧'i̧nä̧, Espíritu Santonä'inä Dios aditö icu ȩmi̧nä̧u̧jä̧ ucuturu. Ja̧'hua̧ta̧nö̧ Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö cu'ätucua pä'ö.

Efesios 1:7

Dios ujuturu rö̧ȩnä̧ repea'attö, I̧tti̧ 'corupäi'omenä, ujutu suronä jȩtö̧ jȩpö̧ icuinö.

Efesios 5:8

Pä'äji yo̧ö̧cu̧ ka̧cui̧nä̧tö̧jä̧ ucutumä. Jitätä Tu̧ru̧hua̧rö̧ esetö, tȩa̧u̧nä̧ ka̧cuä̧tö̧jä̧. Adiunä ka̧cuä̧tu̧cui̧, tȩa̧u̧nä̧ ttö̧ja̧cu̧ ta'anö.

1 Timoteo 6:16

Chutämä yoröiso hua'ocödo. Adiu tȩa̧u̧nä̧ kö̧ pi̧jä̧ ttö̧ja̧ tti̧rȩbȩhuo̧co̧mȩ. Pi̧jä̧ ttö̧ja̧ yoröiso topäcuähuocö pä'äji'inä, jitä'inä ja̧u̧ru̧. 'Cuäopönä ttucuotäcua'a̧nö̧. Ja̧'hua̧ta̧nö̧ 'cuäopönä ujuruhuäcua'a̧nö̧. Amén.

Tito 2:14

Ja̧u̧mä̧ 'corupä'i'inö ujutu suronä jȩtö̧ jȩpö̧ icua pä'ö. Ja̧'hua̧ta̧nö̧ chutä i̧tti̧mö̧ päti'a pä'ö töcö icuinä̧u̧jä̧ churutä pä̧huä̧ rö̧jo̧mȩnä̧, adiu jȩti̧ya̧rö̧ pä'ö.

Hebreos 9:14

Ja̧'hua̧ ja̧'a̧ ja̧'hua̧nö̧ jö̧ttö̧mä̧, Cristo ucuoja ji̧nä̧ isocu ujuru'a̧nö̧ ja̧'a̧. Espíritu Santo 'cuäopönä kö̧mä̧, Cristorö ppädomenä, chutä Cristo amönä Diosrö iyähuinödo, adihuä juäi, idicu juiyönä sacrificio päi'önä. Ujutu 'corupäi'äcuähuä jȩtö̧mä̧ ucuojanä töcö icuä̧u̧jä̧, Dios kö̧ hueö jȩta̧ pä'ö.

Santiago 1:17

O'ca juiyönä adiumä ttö̧ä̧nä̧huo̧mȩttö̧ icha'ado. Diosttö kä̧hua̧tö̧rö̧'i̧nä̧, si̧ri̧'cö̧rö̧'i̧nä̧ aditinöttö icha'ado. Diosmä yoröiso pärou icuocö. Tti jo̧mȩ pärohue'ö kö̧'a̧nö̧, pärohuocö Diosmä.

1 Pedro 1:19

Cristo ucuojanä ȩmi̧nö̧do. Oveja i̧tti̧rö̧, yoröiso surojö jui̧'a̧rö̧, sacrificio jȩttö̧'a̧nö̧ jȩpi̧nö̧do Cristo ucuojanä mitäu.

1 Juan 1:3

Ja̧'hua̧nö̧ ja̧'a̧ttö̧ totinö'inä, tä̧ju̧cui̧nö̧'i̧nä̧ ucuturu ji'ähuätöjä, ujutu Tä'o Dioscu, I̧tti̧ Jesucristocu ji̧nä̧ ji̧yȩtȩ huotö tö'a̧nö̧, ucutu'inä ujutucu ji̧nä̧ ji̧yȩtȩ huotö cu'ätucua pä'ö.

1 Juan 1:5

Pi̧yȩ huȩnȩ Jesucristottö tä̧ju̧cui̧nö̧mä̧, ucuturu ji'ähuätöjä. Jesucristo pä'inö: Dios chutä i̧tȩa̧u̧ttu̧ tȩa̧u̧ kä̧dȩpö̧nä̧ kö̧. Ja̧u̧ yo̧ö̧ yoröiso jui̧'a̧.

1 Juan 5:6

Jesucristomä ichinö ajiyanä'inä, ucuojanä. Ja̧'hua̧nö̧ ja̧'a̧ ajiyanätä ichocö pi̧nö̧. Ajiyanä'inä, ucuojanä ichinö. Ja̧'hua̧nö̧ ichinö pä'ö Espíritu Santo ji'äu. Espíritu Santomä iso päi'önä yapareu huȩnȩ ji'ähuocö.

1 Juan 5:8

Ja̧'hua̧ta̧nö̧ pi̧jä̧nä̧ ji'ähuätömä, huämetucuä ja̧'a̧: Espíritu Santo'inä, ajiya'inä, ucuoja'inä. Jahuätö huämetucuä ji̧nä̧ ji̧yȩtȩ ji'ähuätö.

2 Juan 1:4

Ucu cui̧tti̧mö̧ttö̧ yotöte Tä'o Dios hueinö ta'anö, iso päi'önä huȩnȩ päö'a̧nö̧ jȩpö̧ ka̧cuä̧tö̧ pä'ö tochomenä, juiyo esehuinösä.

3 Juan 1:4

Chu̧huo̧juȩto̧mȩttö̧mä̧ chi̧tti̧mö̧ iso päi'önä huȩnȩ päö'a̧nö̧ adiu jȩcu̧'ä̧tu̧cu̧ chä̧ju̧cuo̧mȩnä̧, koro juäi eseäcuähuättö'inä abonänö eseusä.

Apocalipsis 1:5

Ja̧'hua̧ta̧nö̧ Jesucristo'inä ucuturu ppädäcua'a̧nö̧. Chutä iso päi'önä huȩnȩ huo̧juȩtö̧ ujuturu. Ja̧'hua̧ta̧nö̧ chutä 'corupäi'äcuähuättö ä'canä tto'ächinödo. Chutä pi̧jä̧ ttö̧ja̧ tturuhuotöttö'inä abonänö ju̧ru̧hua̧ hueähuänä. Chutä Cristo, ujuturu repe'ö. Chutä ucuojanä suronä jȩti̧nö̧ töcö icuinä̧u̧jä̧.

Apocalipsis 12:11

Ujutu tö̧jä̧hua̧tö̧ chutä Corderomä ucuojanä imitähuina'attö'inä, chutä i̧huȩnȩ jittähuina'attö'inä, ja̧u̧ suronä jȩpi̧nö̧ttö̧'i̧nä̧ abonänö juruhuinätö. Jahuätö 'corupäi'äcuähuä ye'ecuocotö pi̧nä̧tö̧. Jahuätömä “Ujutu Dios i̧huȩnȩ jitähuomenä, 'corupäti'öttömä huäinä ja̧'a̧” pä'inätö.

Apocalipsis 7:14

Ja̧'hua̧nö̧ jäepomenä, ttötä ädätinösä: —Chu̧ru̧hua̧, ucutä huo̧jua̧jä̧. Ja̧'hua̧ ja̧'a̧ ttörö pä'inö: —Pitö rö̧ȩnä̧ surojö 'cuä'opinätö. Jitämä ttö̧'ca̧tä̧huä̧ti̧yu̧mä̧, yoröiso teönä töquinätö chutä Cordero ucuojanä.