1 Juan 1:5 - TÄ̧DO Ä̧CUÄ̧ I̧HUȨNȨ

⁵ Pi̧yȩ huȩnȩ Jesucristottö tä̧ju̧cui̧nö̧mä̧, ucuturu ji'ähuätöjä. Jesucristo pä'inö: Dios chutä i̧tȩa̧u̧ttu̧ tȩa̧u̧ kä̧dȩpö̧nä̧ kö̧. Ja̧u̧ yo̧ö̧ yoröiso jui̧'a̧.

Nuevo Testamento Uwotjüja

⁵ Jua̧u̧ Jesucrito-ttü ä̧ju̧kui̧nü̧'kotü ukuturu jitäumä̧ pi̧yȩ ja̧'a̧: Dio-mä̧ tȩya̧u̧tä̧ wa̧ ja̧'a̧ttü̧ jua̧u̧nä̧mä̧, yorisotä yo̧ü̧mä̧ juiya'a,

1 Juan 1:5 Iomraidhean Croise

San Juan 1:19

Judíos ttö̧ja̧ Jerusalén ötahuiyänä ka̧cuä̧tö̧mä̧, sacerdotesrö'inä, levitas ttö̧ja̧rö̧'i̧nä̧ hue'inätödo Juanrö jä'epö ttä̧ju̧cua̧ pä'ö. Jä'epinätödo: —Ucumä ¿di cu'ättö?

San Juan 1:4

Ja̧u̧mä̧ kä̧cuä̧huä̧ i'co ja̧'a̧do. Ja̧u̧ kä̧cuä̧huä̧ i'comä pi̧jä̧ ttö̧ja̧rö̧ tȩa̧u̧ iyinödo.

San Juan 1:9

Ja̧u̧ iso päi'önä tȩa̧u̧mä̧, o'ca toi'önä ttö̧ja̧ ttami iso'quinä tȩa̧u̧mä̧ ichäcua'a pä'ö, ji'ähuinödo Juanmä.

San Juan 8:12

Jesús pä'äji ta'anö ttö̧ja̧rö̧ ucuocu huo̧juȩti̧nö̧do: —Ttötäsä pi̧jä̧ tȩa̧u̧mä̧. Ttöcu cue'ächömä kä̧cuä̧huä̧ i'co tȩa̧u̧ u̧ju̧nä̧rä̧cua̧. Ja̧u̧mä̧ yo̧ö̧nä̧ cue'ächocö jä̧cua̧.

San Juan 9:5

Pi̧jä̧nä̧ chö̧jo̧mȩnä̧, pi̧jä̧ tȩa̧u̧ päi'önä kö̧sä̧.

1 Corintios 11:23

Pi̧yȩ huo̧juȩcuä̧ huȩnȩ ucuturu chu̧huo̧juȩti̧nö̧mä̧, Tu̧ru̧hua̧ huo̧juȩti̧nö̧ ttörö. Ja̧u̧nu̧ yodo, Tu̧ru̧hua̧ Jesúsru ttiyä̧cuȩ yodo, chutä i̧ri̧si̧ ȩmo̧po̧'ö̧ 'chu̧'ä̧ri̧nö̧do u̧mö̧nä̧.

1 Timoteo 6:16

Chutämä yoröiso hua'ocödo. Adiu tȩa̧u̧nä̧ kö̧ pi̧jä̧ ttö̧ja̧ tti̧rȩbȩhuo̧co̧mȩ. Pi̧jä̧ ttö̧ja̧ yoröiso topäcuähuocö pä'äji'inä, jitä'inä ja̧u̧ru̧. 'Cuäopönä ttucuotäcua'a̧nö̧. Ja̧'hua̧ta̧nö̧ 'cuäopönä ujuruhuäcua'a̧nö̧. Amén.

Santiago 1:17

O'ca juiyönä adiumä ttö̧ä̧nä̧huo̧mȩttö̧ icha'ado. Diosttö kä̧hua̧tö̧rö̧'i̧nä̧, si̧ri̧'cö̧rö̧'i̧nä̧ aditinöttö icha'ado. Diosmä yoröiso pärou icuocö. Tti jo̧mȩ pärohue'ö kö̧'a̧nö̧, pärohuocö Diosmä.

1 Juan 3:11

Äcuomenä cuesetinomettö kä̧mä̧dö̧, cuä̧ju̧cui̧nä̧tu̧cu̧ Dios i̧huȩnȩ päa'a: repetäu'a̧nö̧ ja̧'a̧.

Apocalipsis 21:23

Mo̧ro̧ kä̧hua̧'i̧nä̧, yodo kä̧hua̧'i̧nä̧ tti̧tȩa̧u̧ juiya'a ja̧u̧ ötahuiyänä. Chutä Dios'inä, Cordero'inä tti̧tȩa̧u̧ttu̧ tȩa̧hua̧'a̧.

Apocalipsis 22:5

Ju̧huȩnȩmä̧ yodomä juiyäcua'a. Ju̧huȩnȩ ka̧cuä̧tö̧mä̧, lámpara i̧tȩa̧u̧'i̧nä̧, mo̧ro̧ kä̧hua̧ i̧tȩa̧u̧'i̧nä̧ juiyönä adiu ttö̧ja̧cuä̧cuo̧tö̧. Tu̧ru̧hua̧ Dios i̧tȩa̧u̧ttu̧ ttö̧ja̧cuä̧cuo̧tö̧. 'Cuäopönä huettäcuotö jahuätömä.