1 Corintios 7:6 - TÄ̧DO Ä̧CUÄ̧ I̧HUȨNȨ

⁶ Ttömä ja̧'hua̧nö̧ hue'ömä hue'ocösä. Ja̧'hua̧nö̧ jȩcu̧'ä̧tu̧cu̧ttu̧mä̧, adihua'a pä'ö ji'äusä.

Nuevo Testamento Uwotjüja

⁶ Ja̧'wa̧nü̧ ja̧'a̧nä̧, pi̧yȩ o'kajuiyünä̧ pädümä̧ ro̧'ȩpü̧tä̧ pädäu̧jä̧, weäwä wȩnȩ jä̧'i̧jü̧'a̧nü̧mä̧kü̧tä̧.

1 Corintios 7:6 Iomraidhean Croise

1 Corintios 7:10

Ja̧'hua̧ta̧nö̧ ttirecuorö ku̧nä̧rä̧tö̧rö̧ hue'ösä, isaju kirecuorö yoröiso jaroji'ö juiya pä'ö. Ttömä ja̧'hua̧nö̧ hue'ocösä. Tu̧ru̧hua̧ ji̧nä̧ isocu hue'ö ja̧'hua̧nö̧mä̧.

1 Corintios 7:12

Ja̧'hua̧ta̧nö̧ korotörö ttötä chamöcuädö ji'äusä, Tu̧ru̧hua̧ i̧huȩnȩmä̧cö̧. Yajute isaju, Diosrö esetocojumä, ya̧tȩ Diosrö esetöcu eseunu kö̧jo̧mȩnä̧ kirecuo päi'önä, huäinä ö̧jä̧cua̧. Ja̧u̧mä̧ ubomä jahuäjuru, irecuarö, jaroi'ö juiyäcua'a̧nö̧ pä'ösä.

1 Corintios 7:25

Ttirecua to'ätörö Tu̧ru̧hua̧ttö̧ hueähuä huȩnȩ jui̧'a̧sä̧. Ja̧'hua̧nö̧ ja̧'a̧nä̧ Diosrö pä̧huä̧ rö̧jo̧mȩnä̧ huȩ'ä̧hua̧ cha'attö, ttötä chamöcuädö ji'äusä.

1 Corintios 7:40

Juhuorö'inä kirecuo hua'ö icuomenä, ka̧ra̧rö̧ kö̧jö̧ juiyöttömä, rö̧ȩnä̧ kesehuäcuaju. Ttö ja̧'hua̧nö̧ amöcuädösä. Ja̧'hua̧ta̧nö̧ ttö'inä Espíritu Santorö ku̧nä̧rö̧sä̧.

2 Corintios 11:17

Tu̧ru̧hua̧ hueähuä ji'ähuocösä ja̧'hua̧nö̧mä̧. Ja̧'hua̧nö̧ ttö chamönä chucuocuäcuähua pä'ö pädomenä, ya̧tȩ suripächö ucuocua'a jä̧'i̧nö̧'a̧nö̧, ttötä chamöcuädö ucuocuäjisä.

2 Corintios 8:8

Ttö pi̧yȩmä̧ hueähuä huȩnȩ päi'önämä ji'ähuocösä. Korotö ttiyö ta'anö cu̧huo̧juä̧tu̧cua̧ pä'ötä pä'ösä. Ucutu'inä iso päi'önä repecuhuätucua'a tocha pä'ösä.