1 Corintios 4:11 - TÄ̧DO Ä̧CUÄ̧ I̧HUȨNȨ

¹¹ Jitä mo̧ro̧ päi'önä ppäi ttu'u, tu̧cuȩ'i̧nä̧, tahua'inä jui'ätöjä. Tö̧'ca̧tä̧huä̧ti̧yu̧'i̧nä̧ jui'ätöjä. Ttö̧ja̧'i̧nä̧ suronä jȩpä̧tö̧ ujuturu. Tojusode'inä jui'ätöjä.

Nuevo Testamento Uwotjüja

¹¹ Jitä mo̧ro̧bü päi'ünä̧ ppäi'i̧nä̧, ppäi ttu'ätüjä̧, ttawa'i̧nä̧ a̧di̧rü̧jä̧u̧jä̧, tü̧'ka̧tä̧wä̧ti̧yu̧'i̧nä̧ jui'ätüjä̧; ti'ebabanä̧ kuäkuättä̧u̧jä̧, tü̧ja̧kuo̧mȩ'i̧nä̧ jui'ätüjä̧.

1 Corintios 4:11 Iomraidhean Croise

San Mateo 8:20

Jesús ädätinödo: —A̧hua̧ri̧tö̧mä̧ ttäjuhuiyä ku̧nä̧rä̧tö̧. Ja̧'hua̧ta̧nö̧ ppi̧yu̧ ttä̧'ti̧yu̧ ku̧nä̧rä̧tö̧. Ja̧'hua̧nö̧ ja̧'a̧nä̧ Ubo I̧tti̧mä̧ yoröiso huȩnȩcuo̧mȩ'i̧nä̧ jui̧'a̧.

Hechos 14:19

Ja̧'hua̧ ja̧'a̧ korotö judíos ttö̧ja̧ Antioquía ötahuiyättö, Iconio ötahuiyättö'inä ichö rö̧ȩnä̧ ucuocuinätödo ttö̧ja̧rö̧. Jahuätö jittäu huȩnȩ amöcuädö esetinätödo Listra ötahuiyä ttö̧ja̧mä̧. Ja̧'hua̧nö̧ ja̧'a̧ inädu icuähuinätödo Pablorö. Täcö 'corupä'i'äji amöcuädö, ötahuiyä jäyäcu dottinäcudo.

Hechos 16:23

Rö̧ȩnä̧ cuäcuäpäjä'cotö, cärenä ttötinä̧u̧. Cärenä ttö̧'a̧'a̧ tta̧'ä̧rö̧rö̧ hue'inätö adiu 'quiyönä ppe'tädö ku̧nu̧ tta̧huä̧ra̧ pä'ö rättopächö juiyönä.

Hechos 23:2

Ja̧'hua̧nö̧ ja̧'a̧ sacerdotes ttu̧ru̧hua̧ Ananías hue'inödo Pablo ippeyä ka̧cuä̧tö̧rö̧ Pablo änä cuätta pä'ö.

Romanos 8:35

¿Dijä̧ttö̧ Cristo repeöttö 'quȩ'ȩpö̧ i̧cuä̧cua̧mä̧ ujuturu? ¿Ubara ttuhuähuä tä̧ji̧? ¿Suronä 'cuäopa'a tä̧ji̧? ¿Ujuturu suronä ucuocuäcuähuä tä̧ji̧? ¿Ppäi ttuhuähuä tä̧ji̧? ¿Tö̧'ca̧tä̧huä̧ti̧yu̧ juiyö tä̧ji̧? ¿Ra̧huȩpi̧jö̧ tä̧ji̧? ¿'Corupäi'äcuähuä tä̧ji̧?

1 Corintios 9:4

¿O'ca juiyönä cuäcuähuä'inä, ahuähuä'inä ttörö ttiyö juiyö'a̧nö̧ tä̧ji̧?

2 Corintios 11:20

Ucuturu huettomenä, eseunu cuami 'qui'ächi'ätöjä. Ja̧'hua̧ta̧nö̧ cuhuäretucu ttö̧nä̧u̧cuo̧mȩnä̧'i̧nä̧, ttumöhuäyotö päi'önä huȩttä̧ro̧mȩnä̧'i̧nä̧ eseunu cuami 'qui'ächi'ätöjä. Ja̧'hua̧ta̧nö̧ ucuturu repeähuä juiyönä ttucuocuomenä'inä, cu'ätucunä cuäcuätomenä'inä eseunu cuami 'qui'ächi'ätöjä.

2 Corintios 4:8

Ja̧'hua̧nö̧ ja̧'a̧nä̧ 'cuäopönä suronä 'cuätopa'anä, tami 'qui'ächi'ätöjä. Ja̧'hua̧ta̧nö̧ koro amöcuädäcuähuä rö̧ȩnä̧ ka̧'a̧nä̧, koromä amöcuädocotöjä.

Filipenses 4:12

Ttömä pi̧jä̧ttö̧ jui̧'a̧ chö̧ja̧ pä'ö'inä, huo̧jua̧sä̧. Ja̧'hua̧ta̧nö̧ rö̧ȩnä̧ ka̧'a̧nä̧ chö̧ja̧ pä'ö'inä, huo̧jua̧sä̧. Ja̧u̧ juäi huo̧jui̧pi̧nö̧sä̧, koromettö'inä 'cuäopönä eseunu chö̧ja̧ pä'ö. Ja̧'hua̧ta̧nö̧ suhuädi'önä kä̧nö̧'i̧nä̧, ppäi ttu'u kä̧nö̧'i̧nä̧, rö̧ȩnä̧ ka̧'a̧nä̧'i̧nä̧, jui'ö kä̧nö̧'i̧nä̧ eseunu kö̧sä̧.