1 Corintios 3:9 - TÄ̧DO Ä̧CUÄ̧ I̧HUȨNȨ

⁹ Ujutumä ji̧nä̧ yo̧mȩtȩ aditätöjä Dios hueähuä. Ja̧'hua̧ta̧nö̧ rȩjȩ ttadita'a jä̧'i̧nö̧'a̧nö̧, ucuturu aditö Dios. Ja̧'hua̧ta̧nö̧ isode ttadita'a jä̧'i̧nö̧'a̧nö̧, ucuturu aditö Dios.

Nuevo Testamento Uwotjüja

⁹ Isopäi'ünä̧ ujutumä̧, Dio aditäwätä adikuä isotüjä̧ ja̧'wa̧ta̧nü̧ ukutumä̧ Dio u̧kuȩ kuäwä jü̧nä̧, ojusode jü̧nä̧ wotüjä̧.

1 Corintios 3:9 Iomraidhean Croise

San Mateo 15:13

Jahuätörö pä'inödo: —O'ca juiyönä daumä Chä'o mo̧ro̧jä̧nä̧ kö̧ u̧ju̧no̧cö̧mä̧, ujupo'tiyä'inä sa'ö i̧cuä̧cua̧.

San Mateo 16:18

Ttö pä'ösä ucuru, ucu cui̧mi̧mä̧ Pedro mi̧cua̧jä̧. Cui̧mi̧mä̧ inähuä pä'ö. Ja̧'hua̧ta̧nö̧ juhuähuä inähuänä iglesia isode ttadita'a jä̧'i̧nö̧'a̧nö̧ cha̧di̧tä̧cua̧sä̧ ttörö esetätörö. Ja̧'hua̧ta̧nö̧ 'corupäi'äcuähuä ttö chaditöttö'inä abonänö juruhuoca'a.

San Mateo 9:37

Ja̧'hua̧nö̧ ja̧'a̧ttö̧ u̧huo̧juȩtä̧u̧ru̧ pä'inödo: —Iso päi'önä täcö ttu̧ju̧ni̧na̧'a̧ jo̧mȩ päi'a'anä, adicuä ttö̧ja̧tä̧ toa'a.

San Marcos 16:20

Jahuätö rä'opächö, o'ca juiyönä pa̧ja̧cu̧nä̧ ji'ähuinätödo ttö̧ja̧ suronä jȩttö̧ jȩpö̧ icu huȩnȩ. Chutä Tu̧ru̧hua̧ jahuätörö ppä'ädinödo. I̧huȩnȩ jittähuomenä, chutä ujurunä ttö̧ja̧ ttieru juäi jȩpi̧nä̧tö̧do, ttö̧ja̧ tteseta pä'ö. Amén.

Hechos 4:11

Huȩyu̧cuä̧ Huȩnȩ Jesúsru päa'a: “Ucutu adicuä ttö̧ja̧ cuju'cätucuocohuä ji̧nähuä, jueö isä'ca jä̧'i̧nö̧'a̧nö̧ kähuä jitämä.”

1 Corintios 3:16

Dios ucutucu ö̧ja̧'a̧ttö̧, Dios ö̧jo̧mȩ huotöjä ¿jerupätöjä tä̧ji̧? Ja̧'hua̧ta̧nö̧ Espíritu Santomä ucutucu kö̧ pä'ö ¿jerupätöjä tä̧ji̧?

1 Corintios 3:6

Ttömä äcuomenä ku̧ni̧nö̧sä̧. Ja̧u̧nu̧ o'ca'a Apolos riripinödo. Ja̧'hua̧nö̧ jȩto̧mȩnä̧, Diostä ppöröhua pä'ö hue'inödo.

1 Corintios 6:19

¿Ucutu jerupätöjä tä̧ji̧? Dios iyinödo ucuturu cuamönätucu jättäpäyotö Espíritu Santo ö̧ja̧ pä'ö. Ja̧'hua̧nö̧ ja̧'a̧ttö̧ Espíritu Santo kö̧ ucutucu. Ja̧'hua̧nö̧ ja̧'a̧ttö̧ ucutumä cuamönätucu jättäpäyotönä ruhuotö huocotöjä.

2 Corintios 6:1

Jitämä Dios aditähuä ji̧nä̧ yo̧mȩtȩ tadita'attö, pä'ätöjä ucuturu, “Dios adihuä juäi iyinömä, jarocuhui'ätucuä'”.

2 Corintios 6:16

Ja̧'hua̧ta̧nö̧ Diosrö ucuocuäcuähuodenä, koro juäi ttu̧mö̧nä̧ adicuä juäi juhuodenä ¿ttucuocu'a̧nö̧ tä̧ji̧? Dios kö̧rö̧ ucutucu kö̧. Chutä Dios ja̧'hua̧ta̧nö̧ pä'ö: Ttö jahuätöcu kä̧nö̧ cuȩdä̧chä̧cua̧sä̧. Ttömä jahuätö Ttä̧do̧ ä̧cua̧ Dios päi'önä chö̧jä̧cua̧sä̧. Ja̧'hua̧ta̧nö̧ jahuätömä ttö chumöhuäyotö pätti'äcuotö.

Efesios 2:10

Diostä ujuturu aditinä̧u̧jä̧. Cristo Jesúsnä aditinä̧u̧jä̧, adihuä juäi jȩpö̧ tö̧ja̧cua̧ pä'ö, chutä täbocö pi̧jä̧ juiyäi amöcuädinö ta'anö.

Colosenses 2:7

Dau po'tiyä 'quiyönä 'chuhuädö'a̧nö̧, cua̧'cua̧rö̧nä̧ rö̧ä̧chö̧nä̧ esetätucui ja̧u̧ru̧. Ucuturu ttu̧huo̧juȩti̧nö̧ ta'anö, ji̧yȩä̧cuȩtä̧ amöcuädätucui. Diosrö 'cuäopönä eseäcuähuätucui.

1 Timoteo 3:15

Jurunänö chichö juiyöttömä, Dios i̧tti̧mö̧ kä̧cuä̧huä̧ cu̧huo̧jua̧ pä'ö huȩyu̧tu̧sä̧. Jahuätömä, Dios i̧tti̧mö̧mä̧, Dios kö̧rö̧ esetätö. Jahuätömä adihuä huȩnȩ esetö tta̧'ä̧rä̧tö̧.

Hebreos 3:6

Ja̧'hua̧nö̧ ja̧'a̧nä̧ ya̧tȩ i̧tti̧ ahuaruhuärö adiu jȩö̧'a̧nö̧, adiu jȩpö̧ Cristomä Dios i̧tti̧mö̧rö̧. Adiunä röji mo̧ro̧ päi'ome jubö cä'ädö, eseunu tami 'qui'ächi'önö churutä tta̧tä̧rö̧ttö̧mä̧, Dios i̧tti̧mö̧ päti'äcuotöjä.

1 Pedro 2:5

Koro juäi isode ttaditö'a̧nö̧, Dios adihuode adita'anä, ucutu'inä ido'qui isode adicuo'qui jä̧'i̧nö̧'a̧nö̧ jö̧nä̧ ka̧cuä̧tu̧cui̧. Ja̧'hua̧ta̧nö̧ juhuode tta̧'ä̧rä̧tö̧mä̧, Dios aditö icuinä̧u̧mä̧, Jesucristorö esetö Dios öjö'cö juäi iyö ttö̧jö̧'a̧nö̧ ka̧cuä̧tu̧cui̧ ucutu'inä.

3 Juan 1:8

Ja̧'hua̧nö̧ ja̧'a̧ ujutucu ji̧nä̧ ji̧yȩtȩ esetätörömä, iso päi'önä huȩnȩ ji'ähuätörömä, ppätädö'a̧nö̧ ja̧'a̧.