1 Corintios 2:6 - TÄ̧DO Ä̧CUÄ̧ I̧HUȨNȨ

⁶ Ja̧'hua̧ta̧nö̧ ujutumä huo̧ju̧nä̧ ucuocuätöjä korotöcu, Diosrö rö̧ȩnä̧ esetätöcu. Juhuorö'inä ujutumä pi̧jä̧ ttö̧ja̧ ttucuocu'inä, pi̧jä̧ ruhuotö ttucuocu'inä ucuocuocotöjä. Jahuätömä bettipächäcuotö.

Nuevo Testamento Uwotjüja

⁶ Ja̧'wa̧nü̧ ja̧'a̧nä̧, wo̧juä̧wä̧ wȩnȩ ukuokuätüjä̧ tta̧'kua̧ wȩnä̧rä̧kuä̧wä̧nä̧ büó juo'inä̧tü̧rü̧. Ja̧'wa̧nü̧ tukuokumä̧, pi̧jä̧ ttü̧ja̧ ttu̧wo̧juö̧mä̧kü̧ ja̧'wa̧ta̧nü̧ pi̧jä̧ ruwotü ttu̧wo̧juö̧ toe'ächümä̧kü̧.

1 Corintios 2:6 Iomraidhean Croise

San Mateo 13:22

Koro so̧ä̧'cua̧nä̧ ma̧ä̧chi̧nö̧mä̧, korotö Dios i̧huȩnȩ ttä̧ju̧cuo̧mȩnä̧, pi̧jä̧ jähuä rö̧ȩnä̧ amöcuädätö jä̧'i̧nö̧'a̧nö̧ huotö. Ja̧u̧ juäi o'ca juiyönä rȩä̧cha̧'a̧ Dios i̧huȩnȩ ttesetomenä. U̧huä̧ju̧ jui'ätö.

San Mateo 19:21

Jesús pä'inödo: —Adiunätä cu̧ja̧ päcuttumä, cuhuäre o'ca juiyönä cu̧ju̧nä̧rö̧mä̧ iyö icuäji. Ja̧u̧ iyö cuicuäji micuämä usurä isotörö iyi. Ja̧'hua̧nö̧ jȩpö̧ mo̧ro̧jä̧ra̧'a̧ adihuä juäi cu̧ju̧nä̧rä̧cua̧jä̧. Ja̧u̧nu̧ o'ca'a ppa̧'ä̧chö̧ ttöcu cue'ächi.

San Mateo 5:48

Yoröiso adihuä juäitä jȩpä̧tu̧cui, Cuä'o mo̧ro̧jä̧ra̧'a̧ kö̧ jȩö̧'a̧nö̧, —pä'ö huo̧juȩti̧nö̧do Jesúsmä.

San Lucas 16:8

Järe ru̧hua̧ huo̧juä̧chi̧'i̧nö̧do ippeyä ru̧hua̧ jȩpö̧ jȩä̧ji̧, huo̧ju̧nä̧ jȩpi̧nö̧ juhua'amä, pä'ö. Iso päi'önä tȩa̧u̧ ttö̧ja̧ttö̧'i̧nä̧ abonänö huo̧juä̧chi̧'ö̧nä̧ jȩpä̧tö̧ pi̧jä̧ ttö̧ja̧ ka̧ra̧ ka̧ra̧nö̧rö̧.

1 Corintios 1:28

Ja̧'hua̧ta̧nö̧ Dios ȩmi̧nö̧do pi̧jä̧ ttö̧ja̧ ttöjö'coco̧u̧ru̧, usurä isotörö, pi̧jä̧ ttö̧ja̧ adiu a̧'cua̧rö̧nä̧ jȩttö̧ be'epäjipö tticua pä'ö.

1 Corintios 12:8

Espíritu Santomä ka̧ra̧rö̧ rö̧ȩnä̧ huo̧ju̧nä̧ ucuocuäcuähuä iyö. Ja̧'hua̧ta̧nö̧ ja̧u̧tä̧ Espíritu Santomä ka̧ra̧rö̧ huo̧ju̧nä̧ ucuocua pä'ö iyö.

1 Corintios 14:20

Chö̧jä̧hua̧tö̧, ppo̧'ä̧tö̧ ttamöcuäda'a jä̧'i̧nö̧'a̧nö̧ cuamöcuädätucuä' ucutumä. Surojö jȩä̧cuä̧huä̧nä̧tä̧, ppo̧'ä̧tö̧ jȩttö̧'a̧nö̧ jȩpä̧tu̧cui̧. Juhuorö'inä adiunä jȩä̧cuä̧huä̧nä̧mä̧, tä̧mö̧ jȩttö̧'a̧nö̧ jȩpä̧tu̧cui̧.

1 Corintios 2:1

Iso päi'önä chö̧jä̧hua̧tö̧, Dios i̧huȩnȩ ji'äu chi̧'cho̧mȩnä̧, ucuturu rö̧ȩnä̧ huo̧ju̧nä̧ ttucuocu'a̧nö̧mä̧ ucuocuocö pi̧nö̧sä̧.

1 Corintios 2:13

Ujutumä tamönä tu̧huo̧ju̧nä̧ ji'ähuocotöjä ja̧u̧ huȩnȩ. Espíritu Santo u̧huo̧juȩtä̧ra̧'a̧nä̧ ji'ähuätöjä. Ja̧'hua̧nö̧ ja̧'a̧ttö̧ ja̧u̧ Espíritu Santorö ku̧nä̧rä̧tö̧rö̧, Espíritu Santo u̧huo̧juȩtä̧ra̧'a̧nä̧ ji'ähuätöjä.

1 Corintios 2:8

Pi̧jä̧ ruhuotömä yoröiso jerupinätödo pi̧yȩ huȩnȩ. Iso päi'önä ttu̧huo̧jui̧nö̧ttö̧mä̧, adihuä Tu̧ru̧hua̧rö̧ cuä'ö icuocotö pi̧na̧ja̧tö̧.

1 Corintios 3:1

Chö̧jä̧hua̧tö̧, ttö̧ja̧ Espíritu Santocu cuettächö'a̧nö̧ huotörö ttucuocu'a̧nö̧, ucuocuocö pi̧nö̧sä̧ ucuturu. Pärocua'acu ttö̧ja̧ jitötä ttamönä jȩttö̧'a̧nö̧ huotörö ucuocuinösä, ppo̧'ä̧tö̧rö̧ ttucuocua'a jä̧'i̧nö̧'a̧nö̧ adiu cuä̧ju̧cuä̧tu̧cuä̧cua̧'a̧nö̧ Cristo i̧huȩnȩ.

2 Corintios 1:12

Pi̧yȩ amöcuädö esehuätöjä. Ujutu tami iso'quinä tamöcuädomenä, huo̧juä̧tö̧jä̧ iso päi'önä adiunä ta̧'cua̧ pö̧nö̧ cue'ächätöjä pi̧jä̧nä̧ ucutu cuä'catucu jo̧mȩttö̧. Diostä ujuturu repe'ö ppä'ädinö ja̧'hua̧nö̧ cuetächa pä'ö. Ujutu tamönä tamöcuädönä ja̧'hua̧nö̧mä̧ cue'ächocotöjä.

2 Corintios 13:11

Jitämä chö̧jä̧hua̧tö̧, Diosrö pä̧huä̧ rö̧jo̧mȩnä̧, adiu cu̧ja̧cuä̧tu̧cua̧ja̧. Esehuätucui. Ji̧nä̧ ji̧yȩtȩ amöcuädö ka̧cuä̧tu̧cui̧. Ja̧'hua̧nö̧ jȩpö̧ Dios, eseäcuähuä'inä, repeähuä'inä iyömä, ucutucu ö̧jä̧cua̧.

2 Corintios 4:3

Ja̧'hua̧ta̧nö̧ korotömä, ttö̧ja̧ suronä jȩttö̧ jȩpö̧ icu huȩnȩ jitähuomenä, ttä̧ju̧cu̧ juiyöttömä, jahuätömä tottei'äcuotö.

2 Corintios 4:4

Jahuätö ttesetoca'attö, ähuettä, pi̧jä̧nä̧ kö̧, ttä̧to̧cä̧chö̧nä̧ jȩi̧nä̧u̧do, adihuä Cristo i̧huȩnȩ tȩa̧u̧ tottö juiyönä. Ja̧u̧ Cristo, Dios ja̧'a̧nä̧ pi̧jä̧nä̧ uhuäpinödo.

Efesios 2:2

Ja̧'hua̧nö̧ jȩpö̧ cuecuhuächätucuomenä, pi̧jä̧ ttö̧ja̧ jȩttö̧ jȩpi̧nä̧tö̧jä̧. Espíritu pi̧jä̧ isoppanä hue'örö pä̧huä̧ rö̧jo̧mȩnä̧ jȩpi̧nä̧tö̧jä̧. Ja̧u̧ espíritu Diosrö esetocotörö hue'ö, suronä jȩtta̧ pä'ö.

Colosenses 1:28

Ujutumä Cristo i̧huȩnȩ ji'ähuätöjä. Ujutumä tä̧bo̧tö̧ huo̧juȩtä̧tö̧jä̧ o'ca toi'önärö, adiu ttu̧huo̧jui̧'ä̧cua̧'a̧nö̧. Ja̧'hua̧nö̧ huo̧juȩtä̧tö̧jä̧ o'ca toi'önä Dios ä'ca jo̧mȩttö̧ adiu ttesetäcua'a̧nö̧ Cristorö.

Colosenses 4:12

Epafras'inä, ucutu i̧sa̧, te'äu ucuturu. Ja̧u̧'i̧nä̧ Cristocu aditö. Ja̧u̧mä̧ 'cuäopönä ucuocu Diosrö ucuturu, cuami 'qui'ächi'ö kä̧nö̧, o'ca juiyönä Diosrö pä̧huä̧ rö̧jö̧ jȩpö̧ cu̧ja̧cuä̧tu̧cua̧ pä'ö.

Hebreos 5:14

Ja̧'hua̧nö̧ ja̧'a̧nä̧ adihuä juäi cuäcuähuämä, tä̧mö̧tä̧ ttucudo. Jahuätömä ja̧u̧ cuäcuähuä ttucuina'attö, adiunä'inä, surojö'inä huo̧juä̧tö̧do.

Hebreos 6:1

Ja̧'hua̧nö̧ ja̧'a̧ttö̧ äcuomenä Cristorö tesetinö huȩnȩttö̧'i̧nä̧ yabonö ti̧'cha̧ pä'ö, tä̧mö̧ ttö̧ja̧'a̧ jä̧'i̧nö̧'a̧nö̧ tö̧jä̧cua̧'a̧nö̧. Äcuomenä Diosrö esetö, pi̧jä̧ jähuä 'corupäi'äcuähuä jȩtö̧mä̧ jaropi'ö, tesetinö huȩnȩttö̧'i̧nä̧ yabonö tu̧huo̧jui̧'ä̧cua̧'a̧nö̧.

Santiago 3:15

Ja̧u̧ huo̧juä̧huä̧mä̧ Diosttö ichoca'a. Pi̧jä̧ttö̧ huo̧juä̧huä̧mä̧, esetocotö ttamöcuädömä, ähuettättö icha'ado.

Santiago 3:2

Ujutu o'ca toi'önä koronö pö̧nä̧tä̧ suronä jȩpä̧tö̧jä̧. Ya̧tȩ yoröiso suronä ucuocuocömä täcö yoräteunä kö̧, adiu 'quiyönä ami 'qui'ächi'ö kö̧.

1 Pedro 5:10

Ucutu a̧'u̧cu̧nä̧tä̧ ubara ttucuhuätucu o'ca'a, Dios cujuru'inä iyäcuotöjä. Ja̧'hua̧ta̧nö̧ cuami 'qui'ächi'ö cu̧ja̧cuä̧tu̧cua̧ pä'ö ȩmä̧cuo̧tö̧jä̧. Ja̧u̧tä̧ Dios o'ca juiyönä ppä'ädö ujuturu. Ujuturu ȩmi̧nö̧, Jesucristocu eseunu tö̧ja̧cua̧ pä'ö 'cuäopönä.