Yokanatkalune Kamrure 2:17 - Yine: Gerotu Tokanchi Gipiratkaluru

¹⁷ Wane china Goyakalu: Wane rixanu ralipregognepatka. Giwekikaluru Gitanu napookakpotutanru pejnuruneko gaji. Tokanchi geneklewatachinepni pwugenene jejine ga wa suxone. Gmaklutene getanru kaygawlukaka. Gixa tsrutene gipnawatanu gipnawlukaka.

Yokanatkalune Kamrure 2:17 Iomraidhean Croise

Lokasu 3:6

Ga wa pejnuruko yineru getanru gognewatikaluru Goyakalunu.

Kiglerpotunanu Tokanchi Kpashiri Gwa Yonatanru 17:2

Wane pixa gitakletno pejnurune yine chinanu, wa pejnuruneko penekyano, Gita genekyapna ruwekinrina gike rixiniko mnikawnakatupa.

Kiglerpotunanu Tokanchi Kpashiri Gwa Yonatanru 7:39

Giwekikalurupiranni china wa tye tokanchi, wa ralixjenepa yoptotanrupni Wale. Gi rixanu gi rapyegitawana Giwekikaluru Kpashiri, gi rixanu Geso gi wa royakawatyawaka jiglokawa.

Yokanatkalune Kamrure 10:45

Rumyekna galixachine sajrukgistaakalune Petro gimotsatachine gi rixanu payine koxa yegi rupkaaka genekashlu Giwekikaluru Kpashiri.

Yokanatkalune Kamrure 11:27

Walegognekaka Gerosale yopikyana tokanchi geneklewatachine. Gantiyoki rapokna.

Yokanatkalune Kamrure 11:28

Satu tokanchi geneklewatachri palna. Gakawo giwakatletachri. Runkakna Giwekikaluruya waneplu tsru nachi psolchijne gajenpotunanuko yegi. Klawtyoklunanu wane rixanata.

Yokanatkalune Kamrure 2:16

Seyni tye kgonutkala wa tokanchi geneklewatachri Gowele chinyawaka:

Yokanatkalune Kamrure 2:18

Galikakni walgognepatka nwayegrene, nwayegrerone yegi nyokanatanru Giwekikaluru Gitanu. Tokanchi geneklewatachinepni.

Yokanatkalune Kamrure 2:33

Giyagni pogirchi rutaaka Goyakalu potuklesretate. Girchi yegi rawyalu gipiratkaluru Giwekikaluru Kpashiripirana. Rawinitkalu rupkakatkalu wa tye gixa getanru ga wa gyijnakotanru.

Yokanatkalune Kamrure 21:9

Gepkoxamkoje wgenru. Maklojine. Tokanchi geneklewatachine.

Romanone 5:5

Ga wa kagwakikolu gi wa kapatmenurni. Gi rixanu Goyakalu gishiniklewle gipkaakalurni wajiya Giwekikaluru Kpashiriya, wenekikolu.

1 Korintyone 12:10

Wa satu geneeka giyaklewlu kamrutinripa. Ga wa satu geneeka Goyakalu tokanu reneklewatinripa. Ga wa satu geneeka pnumnu gixachine giwekiklurune rumata getlewatinripa. Ga wa satu geneeka patokanu pnuko gixachrikaka. Ga wa satu geneeka wale tokankaka yokakinripa.

1 Korintyone 12:28

Pnumnu gixachrikaka galikaka Goyakalu gitaka gapatjetachine yegi: Muchinanu gapka yokanatanune. Gapkatatachine Goyakalu tokanu geneklewatachine. Mapa chininri yimaklewatachine. Wanepnute giyaklewlu kamrutachine Wanepnute genekashatkalurkaka waneyalune: gitskalaklewlu, ga wa gipxaklewlu, ga wa girukotlewlu, ga wa pnumnu gixachri tokanchikaka.

Gewreyone 1:2

Tye ralipregognekaka, Gituruya ruynumsatyawu. Walenwa rutakanru ptowrunanuka yoptotachripa. Waleya koxa psolchijnemnunanukaaka kamruta.

Santiyako 5:3

Gkorite ga wa nsroschite tuchkatnanatkawa. Tpuchowle gipgujtatangi ga wa xirnachri pixka tixa nikatlegitutangi.

2 Petro 3:3

Muchinanu gapka gimatanru tye, wa ralipregognekakapa runanna kgixpiranataklerune. Ruxpiranatlewatanna. Rixa getsotanretyawakna rixjetanna.