Matiyo 24:9 - Yine: Gerotu Tokanchi Gipiratkaluru

⁹ “Wanepnute gixapni samyokalunenapgi nsaletikolupa ga wa giylatikolupa. Ga wa gayegixko payinemnunanukoya Gita giwaka chinanu.

Matiyo 24:9 Iomraidhean Croise

Matiyo 22:6

Pimrine kashwayegretanruna wale wayegrene. Rektutetkanna ga wa ruylatkanna.

Matiyo 23:34

Giyagni Gita yokanyegitgi Goyakalu tokanu geneklewatachine, ga wa kgimatkalerune, ga wa yonchikgapine. Pimrine wanna giylatanu gixa. Koroshishkita gitakanna. Pimrine wanna gkochipjetanu ginkaklewawaklepjiya. Papokchimnunanuka gkojwakinna.

Lokasu 11:49

Giyagkoxni rumatkalewleya Goyakalu tokanu wane china, ‘Nyokanyegitanna wanna ntokanu geneklewatachine ga wa nyokanatanune. Pimrinepni ruylatanna. Ga wa pimrinepni kojwakanna.’

Lokasu 21:12

“Ga wa ma mapookanupachi tyekaka, gkashichkona. Kojwakangina. Ginkaklewawakapjikakaya ga wa yoshmakikwaka nsamyooko. Ga wa pogirchine yegi ga wa gitsrukaachine yegi ganiiko Gita giwaka chinanu.

Kiglerpotunanu Tokanchi Kpashiri Gwa Yonatanru 15:18

“Tyechijne gajene gayegixinipgi, gimatanru Gita gapka rayegixna ma mayegixkanuwagina gixa.

Kiglerpotunanu Tokanchi Kpashiri Gwa Yonatanru 15:21

Seyni wa tye pejnunanuka kamrutingina ngiwaka chinanu, gi rixanu gi rumatluna wa nyokanatjeru.

Kiglerpotunanu Tokanchi Kpashiri Gwa Yonatanru 16:2

Ginkaklewwakapjikaka giknokikolupa. Runanu gipapko wa katukokta giylatangi kagwakanru Goyakalu chinanu kamrurewatinri.

Yokanatkalune Kamrure 28:22

Walukmaka yijnakyegletyi pchinanshinikanutyawaka. Gi rixanu wixa gimatlu psolusretayako nyi pnuko gixa galixletachine mkoje gapatkalunni.”

Yokanatkalune Kamrure 7:59

Gishtuwni sotlujetanruna. Ragjigogneta. Wane china, “Nutsrukate Geso, pyoptotanno.”

1 Petro 4:16

Seyni Kristonune gixkalchinanu nsalewnini, gi wa mpatewatanu, seyni tye giwakaya gimalwukakinri Goyakalu.

Gipgujetkaluru 2:10

Gi pikanu psalewninripatka. Gixapni kamchi gitsrukate wa yoshmakikowaka rutakjixanungi pimringi, gyantaletikolupa. Pamolgogne salewnalu waneyapgi. Pupninpotunanuko poyagkakachripyi ga wa giweklu sagyeta nenekanyi.

Gipgujetkaluru 2:13

Numatlu pwiywaka, wa Satanasyo tuplapijere yegi. Ga wa ngiwaka pumreta. Gi wa pnutatlu nalixikolu, Gantipaklupotuko, nupgujtatjeru poyagkakachri, wa gixa yegi giylatikaluru, wa Satanasyo gwiyawakaya.

Gipgujetkaluru 7:14

Giyagni wane nchinru, “Nutsrukate, pixa gimata.” Wane chinno, “Nyinwa tsru salewakchi giyakatyachinni. Ga wa ropowalutna rerkana ga wa klata rixkakluna gowega Wgenegragaya.