Lokasu 6:21 - Yine: Gerotu Tokanchi Gipiratkaluru

²¹ Giglenshinikanyegitkalungi xani nachichachingi, gi rixanu jinanurunepgi. Giglenshinikanyegitkalungi chiyagatachingi xani, gi rixanu gitsolguwatachinepgi.

Lokasu 6:21 Iomraidhean Croise

Matiyo 5:4

Giglenshinikanyegitkalunni wamonuwatachine, gi rixanu gimnanuukalunepni.

Matiyo 5:6

Giglenshinikanyegitkalunni nachgimane poyagkaklewluya, ga wa gonunnagatewatachine poyagkaklewluya, gi rixanu wannanwa jinanurunepa.

Lokasu 1:53

Kiglerkakaya jinanu rixkakna nachichachine. Ga wa ponikolune maleshayalune yokanatna.

Lokasu 6:20

Tunogyegitna yimaklene. Wane china: Giglenshinikanyegitkalungi kwamonurungi, gi rixanu gixanni Goyakalu pogirewatyawaka.

Lokasu 6:22

“Giglenshinikanyegitkalunepgi wa yine gayegixinipgi, ga wa ruxrikyegitinipgina, ga wa yanginipgina, ga wa ma maluka yijnaklegiwakatinipgina wa mugletu pixka, Gita wa Yineru Wgenno chinanupa.

Lokasu 6:25

¡Gi wanengi gixa jinanurungi xani! gi rixanu nachichachinepgi. ¡Gi wanengi gixa xawakni gitsolguwatachingi! gi rixanu wamonuwatachinepgi, chiyagatachinepgi.

Kiglerpotunanu Tokanchi Kpashiri Gwa Yonatanru 11:35

Chiyagata Geso.

Kiglerpotunanu Tokanchi Kpashiri Gwa Yonatanru 4:10

Rugita Geso. Wane chinro, “Pixamka gimatanru Goyakalu genekashle ga wa Girni wa wane pchinjeru, ‘Putanno,’ pixa gagjitanmaklu Waleya. Walemka genekanyi gonu giwekachri.”

Kiglerpotunanu Tokanchi Kpashiri Gwa Yonatanru 6:35

Wane chinna Geso, “Gitni wa jimapro giwekikalurno. Nunyegitjeru gi pagogneko nachiplu. Nalixjerupa gi pagogneko ronunnagatewatanu.

1 Korintyone 4:11

Xanigognenanu nachwu, ga wa wonunnagatewata, ga wa mamkanwu, giylaakalunwu, ga wa yashalunwu.

2 Korintyone 11:27

Tsru kamrurchipotuya, ga wa kyapreruya, ga wa gixo kata kojipgewluya, ga wa nachiya, ga wa gonunnagatewluya, ga wa gixo kata gogajirewluya, ga wa kachikleruya, ga wa magamkaluya.

2 Korintyone 12:10

Giyagni nugleretlu ma muchkonnuchkaka, gogimtuklukaka, ga wa magatikalurkaka, ga wa kojwawakchikaka, ga wa salewakchikaka potu Kristo chinanu. Gi rixanu muchkotu nixini, waneklu kgiyaklewaklerno.

2 Korintyone 6:10

Wamonuwatachine pixkalunwu ga wa gimuwgognenatachinwu. Kwamonurune pixkalunwu ga wa gixolune wponikowkaka. Wa maleshayalune pixkalunwu, ga wa pejnurkakako wane wixleta.

Santiyako 1:12

Giglenshinikanyegitkalurni wa jeji yantaletlewlu kashnantakgognenatachri. Gi rixanu wa kigle getanshinikanutkoklunu waneklu yoptotanru giweklu sagyeta, wa Goyakalu gipiratyana rushinikjene.

Gipgujetkaluru 21:3

Nyijnakotlu gichkotokanuru pogirchi tuplapijere giyakatyachri, wane chinachri, “Xaniyakawa Goyakalupji yineymatka. Rumwapjitanna. Wannapni rayinerutene. Ga wa Waleko Goyakalu wannaymapa.

Gipgujetkaluru 7:16

Gi nachpatkana. Gi ronunnagatewatanutkana. Ga wa tkachi gi gapyegitanutkana, ga wa giketsotaaji gemeruko.