Lokasu 4:18 - Yine: Gerotu Tokanchi Gipiratkaluru

¹⁸ Gita rawa Gitsrukaachinu Giwekikaluru. Gi rixanu Wale tsomitno Kiglerpotunanu Tokanchi nenekyapna kwamonurune. Wale yokanatno kashikanotkalune yegi nunkakletyaplu gishpakikolupirana. Ga wa maygalene yegi, gimrekgalupirana. Nkoshpakyapna kapsakletkalune.

Lokasu 4:18 Iomraidhean Croise

Matiyo 11:5

Maygalenenanu getatka. Ga wa myankanenanu yanatka. Ga wa gijirgitunatachine powratkatka. Ga wa majnakonenanu jemashatatka. Ga wa gipnachine yotunkaaka. Ga wa kwamonurune yegi runkakletika Kiglerpotunanu Tokanchi.

Matiyo 12:18

Getanru nupxakjeru Gita tsomitanru. Nushinikanru potu. Wale gigletanshinikanutno. Giwekikaluru Gitanu nutakanru payine yegi runkakletinri gitakyagoklewlupirana.

Matiyo 12:20

Wa katsluksu gischokachri gi wa sustonganu. Wa yochpiikalurchopa gimoliinatachri gi wa ruwakanu, koshpakinpotuklu giklukanuwnayegjixlu raalirewatinripa,

Matiyo 4:16

Yine mapshagawaka tuplatachine Retluna tsru pokamlalu. Gipnalusreta, gipnalchikle tuplatachine pokamlalu gipgujewnayegitna.

Matiyo 5:3

Giglenshinikanyegitkalunni kwamonurune Goyakalu munangachine, gi rixanu wannani tengogne pogirewatyawaka.

Lokasu 4:17

Tokanchi geneklewatachri Gisayiya kirukate reneeka. Koprakatkalo kiruka. Rukshiklu wane china yongatyawaka:

Lokasu 6:20

Tunogyegitna yimaklene. Wane china: Giglenshinikanyegitkalungi kwamonurungi, gi rixanu gixanni Goyakalu pogirewatyawaka.

Lokasu 7:22

Rugita Geso. Wane chinna, “Gajewa. Ginkakapanru Gwa getanrukakaya ga wa gyijnakotanrukakaya: Maygalenenanu getatka. Ga wa myankanenanu yanatka. Ga wa gijirgitunatachine powratkatka. Ga wa majnakonenanu jemashatatka. Ga wa gipnachine yotunkaaka. Ga wa kwamonurune yegi runkakletika Kiglerpotunanu Tokanchi.

Kiglerpotunanu Tokanchi Kpashiri Gwa Yonatanru 1:41

Gantirishi gikshikgapkatlu waleko yegwaklu Simo. Wane chinru, “Wukshikatkalu Mesiya.” Walenwa yokaakaluru Kristo.

Kiglerpotunanu Tokanchi Kpashiri Gwa Yonatanru 12:46

Gitni pokamlalno tye chiji ginachrino wa pejnuruneko nalixjene mapshagwaka mawinitipna.

Kiglerpotunanu Tokanchi Kpashiri Gwa Yonatanru 3:34

Gi rixanu wa Goyakalu yokanatanru, Kristo, Goyakalu tokanu runkakleta. Gi rixanu gi reneklu Goyakalu Giwekikaluru kyagolu.

Yokanatkalune Kamrure 10:38

Wa Geso, Nasare gajeru, wa Goyakalu Giwekikaluru Kpashiri gipkakyegitanru, ga wa giyaklu koxa. Wa Wale pnumnu yapananumta. Kigleru kamrunanumta: rutuukakna pejnuruneko tsru kamchi kapsakletanune, gi rixanu Waleymalu Goyakalu.

Yokanatkalune Kamrure 26:18

Rumrekgakakikolupna panene, ruprotakinripna, mapshagwaka rushpakinripna. Pokamlawaka yigatinripna; Satanasyo girukotlewatyawaka rushpakinripna; Goyakalu yegi yigatinripna; kaspukmukochiretikolupna, ga wa waneya rixinripna kpashirine gixkakaluneyma, gi rixanu ralixnona Gita.’

Yokanatkalune Kamrure 4:26

Tyechijne gajene pogirchine gimalpookakatka, Ga wa tsrukakalune potowruta Gitsrukaachi kamnixachine, Ga wa Kristote kamnixachine.

Yokanatkalune Kamrure 4:27

“Gi rixanu galikakpotunanu kpashiri Puturu Geso ptsomitanru chinanu, tye pokchi rapatyana Girore ga wa Ponsyo Pilato, ga wa payinemnunanuka, ga wa Gisrayilinerune.

Kolosane 1:13

Wale koshpakwu mapshagawaka gitakikalunyegiya, ga wa rushinikanru potu Gituru pogirewatyawaka rutakwu.

Santiyako 2:5

Nushinikanune nomolene, gyijnakotanu. ¿Gi ge Goyakalu tsomitna wa kwamonurune tyechijne gajeruya, galixlewlu ponikowatyachinni? Wannanwa rupiratanru pogirewatawaka yoptotachinepni, wa rushinikjene rupiratinri.

1 Petro 2:9

Seyni gixa tsominerutkalungi. Sasertotenemkojgi. Pogirewatyachingi. Yine kpashiringi, Goyakalu gayineruteneko, ruglenu ginkakletinripa. Walenwa mapshagwakayegiya ntomgajeru, Wale pokamlale koglajru gwinripa.