Kiglerpotunanu Tokanchi Kpashiri Gwa Yonatanru 21:15 - Yine: Gerotu Tokanchi Gipiratkaluru

¹⁵ Giyagni rali nikaprikletinitkana Geso wane chinru Simo Petro, “Simo Gonasu wgene, ¿gi ge pushinikno wa nyi pnute?” Wane chinru, “Gigi, Gitsrukaachi. Pixa gimata nalukyayi.” Wane chinru, “Peneka nikletanna noprane gowega wgenene.”

Kiglerpotunanu Tokanchi Kpashiri Gwa Yonatanru 21:15 Iomraidhean Croise

Matiyo 10:37

“Girukta gi wa galukpotutno ruru, runro pixka pnute, gi wa rumukluno Gita. Girukta gi wa galukpotutno gituru, rushicho pixka pnute, gi wa rumukluno Gita.

Matiyo 16:17

Giyagni rugita Geso. Wane chinru, “Giglenshinikanyegitkaluryi Simo, Gonasu wgenyi, gi rixanu gi wa kamaneru, gi wa kagragalu gekakgityi, seyni wa Nuru tengogne Gajeru gekakgityi.

Matiyo 18:10

“Xako gi geyikanru satu nyi mturune, gi rixanu wane nchingi Goyakalutowrerune tengogne gajene wanna chinanu psolgogneko retgojitluna Nuru tengogne Gajeru.

Matiyo 26:33

Petro gigita. Wane chinru, “Pejnurunekmaka gitspetanu Pixa chinanu, gike nixiniko nutspetanu gita.”

Matiyo 26:35

Petro wane chinru, “Numkata gipnaletankoxmaka Pixayma, gi nnutatanyi.” Ga wa pejnuruneko yimaklene wane china.

Marko 14:29

Petro wane chinru, “Wa pejnurunekmaka gitspeekaako, ga wa gita gike.”

Lokasu 12:32

“Gi mpikanu muxone gowegane gapatachingi. Gi rixanu gixa Giru gigleretlu pogirewatyawaka renekyapgi.

Lokasu 22:32

Ga wa Gita gagjigogneyegityi wa palixle mmagatinitipa. Ga wa pixa penshinikanutinpatka, pmuchkotanshinikanutanna pumolene.”

Kiglerpotunanu Tokanchi Kpashiri Gwa Yonatanru 1:42

Geso yegi raniklu. Geso getlu. Wane china, “Pixni wa Simo, Gona wgene. Pixa giwakatko Sega. (Walenwa yokaakaluru Sotlu.)”

Kiglerpotunanu Tokanchi Kpashiri Gwa Yonatanru 13:37

Petro wane chinru, “Gitsrukaachi, ¿klu chinanu gi numkata gomkagletanyi wa xani? Pixa chinanu nutakanru nuwekinri.”

Kiglerpotunanu Tokanchi Kpashiri Gwa Yonatanru 16:27

Gi rixanu Girchiko galukgi gi rixanu gixa galukno, ga wa galixno Goyakalu yegi nuyakatya.

Kiglerpotunanu Tokanchi Kpashiri Gwa Yonatanru 21:12

Wane chinna Geso, “Ginanutka. Gnikanutka.” Gi satuna yimakleru tserpiranawata wa repomgiyaplu, “¿Katyi Pixa?” Rumatluna wa Gitsrukaachi rixinri.

Kiglerpotunanu Tokanchi Kpashiri Gwa Yonatanru 21:7

Giyagni wa yimakleru Geso gishinikanru wane chinru Petro, “Gitsrukaachikni Wale.” Giyagni wa Simo Petro wa yijnakotinitka Gitsrukaachi rixinri, gimkalu sapwaknawa gi rixanu mamkatunanni. Tsru wenu ruptekgamtatka.

Kiglerpotunanu Tokanchi Kpashiri Gwa Yonatanru 8:42

Wane chinna Geso, “Wa Goyakalu girutkamka, galukanmakno galikaka. Gi rixanu Goyakalu yegi nuyakatya Gita. Gewi napoka. Gi rixanu koxa gi wa Gitako nushinikanu nuna, seyni Wale yokanatno.

Yokanatkalune Kamrure 20:28

Ggirukotinwa gixnanuko, ga wa ggirukotanna pejnuruneko rowegatene. Wa wanna girukotjene Giwekikaluru Kpashiri gitakgi, ggirukotuyapna Gitsrukaachi gapatjetanune, wenutanune Walenuko gigragaya.

Yokanatkalune Kamrure 20:29

Gi rixanu numata gita, gitgajxigiyaka gixa yegi yoshmakinwana kewetnane kmatsurune, gowegane metashatkanepa.

Romanone 14:1

Gyoptotanru gigroka galixletachri, seyni gi wa yoptopirkaklu chinanu wale getlepirana.

Romanone 15:1

Giyagni gichkolunwu wumkata gipxakletna rugrokinriyna wa mumkatkane. Gi wumkata gimutletnawa.

1 Korintyone 8:11

ga wa pumatkalewleya ramganu gigrokachri pumole, wa wale chinanu rupnana Kristo?

Kalatane 5:6

Gi rixanu wa Kristoya gike gimkatachrini wa sajruka gistaklewlu, gi wa msajruka gistaaknuchiko, seyni galixlu galikakni wa gishiniklewlu kamrurewatyachri.

Gigwisone 4:14

Gi wa mturunpatkawu. Gi wa yawjewjekaakalunpatkawu. Gi wa pnumnu ganiikalunepwu pejnurkakakonnipgya pixkalutu ginkaklewlu chinanu, yine gapnokawle chinanu, ksanowashaklerunni yokwireyna, pupjekaklewatachri yokwirni.

Gigwisone 6:24

Gimutkalunepni pejnuruneko Wutsrukate Geso Kristo gishinikgognenatachine.

Gewreyone 13:20

Wutsrukate Gesonwa tsru potu gowegane girukotachri, wa tokanchi gipiratkaluru gike rixiniko mnikawnakatugraga chinanu. Wale yotunkakjeru gipnachinetskalaya Walenwa giglewanshinikanrewlu Goyakalute.

Gewreyone 4:13

Maleshlu giyakotkaluru mupgujewnakatu Goyakalu getanu. Seyni pejnurkakako mushyatkotu ga wa pgujeru potu wetjeruygale getanu. Ga wa Walenwa wugitanrupa.

1 Petro 1:8

Gma metanutu Wale gixa gishinika. Ga wa xawakni gi getawalu, seyni galixinri, gimuwpotuta, gimuwleyma mumkata chinkotu ga wa gatajiwnachri.

1 Petro 2:2

Gajerya gishpakachine pixka galukpotutanru tnuchga makojetu. Walenwa tokanchi. Waleya ntseruwninripa gognewatikaluru chinanu,

1 Petro 2:25

Gi rixanu gixni wa gowegane pixka gixa pupjerenatachingi. Seyni wa xani girukotapratachri yegi nsatkaaka, wa girukotanshinikanutjeru yegi.

1 Gwa 4:19

Wixa gishiniklu Goyakalu gi rixanu Wale gapka gishinikwu.

1 Gwa 5:1

Pejnuruneko Geso wa Kristo rixinri galixachine, wannanwa Goyakalu wugenetikna. Girukokta gishiniklu wugenetachri, wugenetkaluru koxa rushinika.

Gipgujetkaluru 2:23

Gipukchi nuylatinna twugenene. Ga wa pejnuruneko gapatjetachinkaka gimatanu wa Gitni wa shinikanchi ga wa gaschi getjetachrino. Ga wa nenekangi satkakgi gi gixpoko kamrurewatyawaka.