Kiglerpotunanu Tokanchi Kpashiri Gwa Yonatanru 17:25 - Yine: Gerotu Tokanchi Gipiratkaluru

²⁵ “Nuru poyagkakachri, tyechijne gajene gi gimatyi, seyni Gita gimatyi. Ga wa nyi gimata wa Pixa yokanatyano.

Kiglerpotunanu Tokanchi Kpashiri Gwa Yonatanru 17:25 Iomraidhean Croise

Matiyo 11:27

“Ptowruko samyokno Nuru. Gikena gimatlu Gituru, seyni Girchipje gimatlu. Gikena gimatkoxlu Girchi, seyni Giturupje ga wa girukokta raluka gekakgireta Gituru.

Matiyo 16:16

Rugita Simo Petro. Wane china, “Pixni Kristoyi. Goyakalu giwekachri Wgenyi.”

Lokasu 10:22

“Ptowrunanuka Nuru genekyano. Gike gimatlu girni wa Gituru seyni Girchipje gimatlu. Gike gimatlu girni wa Girchi, seyni Giturupje gimatlu ga wa katukta koxa Gituru galuka gimatkakletlu.”

Kiglerpotunanu Tokanchi Kpashiri Gwa Yonatanru 1:18

Gikena getlu Goyakalu gi pagogneko. Girchistsi gwachri, satupjerutu Gituru, Wale ginkakletlu.

Kiglerpotunanu Tokanchi Kpashiri Gwa Yonatanru 10:15

Waneko pixka rixa gimatletno Gita Girchi, ga wa Gita gimatlu Girchi. Nutaklu nuwekinri gowegane chinanu.

Kiglerpotunanu Tokanchi Kpashiri Gwa Yonatanru 15:21

Seyni wa tye pejnunanuka kamrutingina ngiwaka chinanu, gi rixanu gi rumatluna wa nyokanatjeru.

Kiglerpotunanu Tokanchi Kpashiri Gwa Yonatanru 16:27

Gi rixanu Girchiko galukgi gi rixanu gixa galukno, ga wa galixno Goyakalu yegi nuyakatya.

Kiglerpotunanu Tokanchi Kpashiri Gwa Yonatanru 16:3

Tyekaka kamrutingina gi rixanu gi rumatluna Girchi, gi wa Gitako.

Kiglerpotunanu Tokanchi Kpashiri Gwa Yonatanru 16:30

Xawakni wumata Pixa gimatlu ptowrunanuka. Gi pmaga gepomgakota. Tye chinanu walixa Goyakalu yegi puyakatya.”

Kiglerpotunanu Tokanchi Kpashiri Gwa Yonatanru 17:11

Gi wa tyechijnetkano, ga wa wanna tyechijne gwawa. Pixa yegi nyanu Gita. Nuru kpashiri, pgiwakaya pumretanna wa penekyano, satupjerune rixinripna, Wixa pixka.

Kiglerpotunanu Tokanchi Kpashiri Gwa Yonatanru 17:18

Wa tye psolchijneko Pixa yokanatno, waneko pixka nixa tye psolchijneko yokanretna.

Kiglerpotunanu Tokanchi Kpashiri Gwa Yonatanru 17:21

Satupjerune rixinripna pejnuruneko, Pixa pixka, Nuru, Gita pwinri, ga wa Gita Pixa nwinri; wanna koxa satupjerunepa Wixa rawinripna, wa tyechijne gajene galixinripa Pixa yokanatyano.

Kiglerpotunanu Tokanchi Kpashiri Gwa Yonatanru 17:23

Wanna nwinri Gita ga wa Pixa Gita pwinri, satupjerune rixpotutinripna, wa tye psolchiijneko gajene gimatinripa Pixa yokanatyano, ga wa pushinikyana Gita pushinikiniko pixka.

Kiglerpotunanu Tokanchi Kpashiri Gwa Yonatanru 17:3

Tyenwa giweklu gike rixiniko mnikawnakatu, wa rumatyapyina, satupjeru Goyakalu galikakpotunanu, ga wa Geso Kristo wa pyokanatanruno.

Kiglerpotunanu Tokanchi Kpashiri Gwa Yonatanru 17:8

Gi rixanu wa tokanchi wa penekyano, nenekatkana. Yoptotatkaluna. Rumatatkaluna galikakpotunanu Pixa yegi nuyakatinri. Ga wa ralixna Pixa yokanatyano.

Kiglerpotunanu Tokanchi Kpashiri Gwa Yonatanru 3:17

Gi rixanu Goyakalu gi yokanatlu Gituru tyechijne ruklukanuwnayegjixyapna tye psolchijne gajeneko, seyni wa tye psolchijne gajeneko gognetkakikolupa Wale chinanu.

Kiglerpotunanu Tokanchi Kpashiri Gwa Yonatanru 6:19

Giyagni ranikgatnimkatkana. Gepi waragkastsi, mapa waragkastsi getko gowuknu yatkana. Retluna Geso. Tsru wenu gogote yapamta. Gi gowukatkalu kanawa yegi. Pikanna.

Kiglerpotunanu Tokanchi Kpashiri Gwa Yonatanru 7:29

Gita gimatlu, gi rixanu Walenno. Ga wa Wale yokanatno.”

Kiglerpotunanu Tokanchi Kpashiri Gwa Yonatanru 8:19

Wane chinruna, “¿Ginaklu Puru?” Geso gigita, “Gi gimatno Gita, gi wa Nuruko. Gitamka gimatanu, Nurkoxmaka gimatanu.”

Kiglerpotunanu Tokanchi Kpashiri Gwa Yonatanru 8:55

Gixa gi gimatlu, ga wa Gita gimatlu. Gi numatlu, nchinanmaka Gita, gixa pixkamka nixanu kayroklerupmakno. Seyni numatlu. Numretatokanutlu.

Yokanatkalune Kamrure 17:23

Gi rixanu wa nuknogamtini, netlu gyonogyegjetanrukaka. Netkoxlu satu genekashatikwakakwa, wane china yongatyawaka: Goyakalu Mumatkotu Chinanu. “Giyagni wa Wale wa gixa yonogyegitanru gma mumatanutuko, Wale nunkakletyegitangi.

Yokanatkalune Kamrure 26:18

Rumrekgakakikolupna panene, ruprotakinripna, mapshagwaka rushpakinripna. Pokamlawaka yigatinripna; Satanasyo girukotlewatyawaka rushpakinripna; Goyakalu yegi yigatinripna; kaspukmukochiretikolupna, ga wa waneya rixinripna kpashirine gixkakaluneyma, gi rixanu ralixnona Gita.’

Romanone 1:28

Gi wa rugleretluna rumatpotutyapluna Goyakalu. Waneko pixka Goyakalu samyokna satu shinikanchi mugletuya, wa kamrutyapluna maluukotu.

Romanone 3:11

Maleshlu gimata jemachri. Maleshlu satu Goyakalu gijgachri.

Romanone 3:26

Pogetwamonrewlu rixkalchinanu Goyakalu, rumatyapluna yine wa galikakni poyagkakachrini Wale tyegognekakaya, gi rixanu tyegogneko poyagkakachrini Wale, ga wa poyagkakachri rutaklu yineru, Geso ralixinri chinanu.

1 Korintyone 1:21

Gi rixanu Goyakalu gimatkalewle chinanu wa tye psolchijne gajeneko gimatkalewleya gi rumatyaluna Goyakalu. Giyagni rugleretlu Goyakalu, ginkaklewlu manshinikannuya rognetkakinni galixachine.

1 Korintyone 15:34

Giponkanutka. Poyagkakachinepgi. Gi gmukochirewatanutka. Gi rixanu pimrine gi gimatlu Goyakalu. Wane nchina mpatewatinripa.

2 Korintyone 4:4

Wannani tyegogne goyakalute maygalenshinikanune rixkakanna wa malixkanena, ma matajiwnayegityapna Kiglerpotunanu Tokanchi, Kristo goyaknupirana pokamlale. Walenwa Goyakalu yaglu.

2 Tesalonikane 1:8

Wale saletyapna Goyakalu mumatkane, ga wa Kiglerpotunanu Tokanchi Wutsrukate Gesopirana mjemkane.

Gewreyone 8:11

“Gi wa satkaka yimakanru gipokchi gajeru, Gi wa satkaka gimoleneko, wane chinachrimka, ‘Pumatanru Gitsrukaachi’. Gi rixanu pejnuruneko gimatanutkano, mturu potu ga wa tsrupotuymananuko.

1 Gwa 1:9

Goyakalni wa gimkata galixletkalurni ga wa poyagkakachrini. Giyagni wupgujtamukochiretini, Wale kaspukmukochiretanwu ga wa psoluko powratanwu wma poyagkaklenuya.

Gipgujetkaluru 13:8

Ga wa pejnuruneko tyechijne gwachine yoptsojityegitlu mapiranyegine giweklu kirukatyegiya wa gowega Wgene kirukatyegiya. Walenwa gilyatkaluru rekamrutkoyakawa tye psolchijneko.

Gipgujetkaluru 16:5

Ga wa nyijnakotlu Goyakalutowreru gonu gitakikaluru wane chinreta: Pixni poyagkakachriyi, wa wanerutyi ga wa muchikawluryi, kpashiryi, gi rixanu tyekaka puklukanuwnayegjixa.