Kiglerpotunanu Tokanchi Kpashiri Gwa Yonatanru 16:22 - Yine: Gerotu Tokanchi Gipiratkaluru

²² Giyagni xani gixa koxa galikakni kachinolu geta. Seyni netanutnakgi ga wa gimuwgajitanu. Gikeko koningi gimuwle.

Kiglerpotunanu Tokanchi Kpashiri Gwa Yonatanru 16:22 Iomraidhean Croise

Matiyo 28:8

Giyagni wanna yomlechi teyakawamtyatkana. Pikachine ga wa gimuwatachine potu. Rasukamtna yimaklene runkakapyapna.

Lokasu 10:42

Ga wa Mariya kigleru tsomita walanupa. Gi wa tkoniko.”

Lokasu 16:25

“Gawra wane china, ‘Wiwi, pushinkapanru wa puwekanatini pyoptojenatanru kigleru wane pixle. Ga wa Lasaro koxa gektutu yoptojenatanru. Giyagni wa xani gewi gimnanukikalurni wale, ga wa pixa salewnagognenatachripatkayi.

Lokasu 19:26

“Giyagni wane nchingi, waneyalutu psoluko reneeko. Ga wa waneyamigjetu, wane rixleko koniko.

Lokasu 24:41

Gi ralixawana wa rumuwleyna ga wa ruglajreyna. Wane chinna, “¿Gi ge waneygi gewi pagixanu niikaluru?”

Kiglerpotunanu Tokanchi Kpashiri Gwa Yonatanru 14:1

“Gi gkojwakanshinikangajitinwa. Galixlu Goyakalu. Galixankoxno Gita.

Kiglerpotunanu Tokanchi Kpashiri Gwa Yonatanru 14:19

Pshinitsonu tyechijne gajene gi getanutkano, ga wa gixa getanno, gi rixanu Gita giweka, ga wa gixa koxa giwekanu.

Kiglerpotunanu Tokanchi Kpashiri Gwa Yonatanru 14:27

Giglewanshinikanru nuknokyegimtgi. Nuglenunshinikanu nenekgi. Gi wa tyechijne gajene genekle pixka, Gita genekyagi. Gi wa gkojwakanshinikanutinwa. Gi wa kpiklegolunepgi.

Kiglerpotunanu Tokanchi Kpashiri Gwa Yonatanru 16:16

“Pshinitsonu gi getanutkano. Wanepnute pshinitsonu, getanutnakno.”

Kiglerpotunanu Tokanchi Kpashiri Gwa Yonatanru 16:20

Galikakni, galikakni wane nchingi, wa gixapa chiyagatanu, ga wa gwamonuwatanu. Tyechijne gajene gimuwatanu. Gixa gwamonuwatanu, seyni gwamonnu gimuwlu gixkalurupni.

Kiglerpotunanu Tokanchi Kpashiri Gwa Yonatanru 16:6

Seyni gi rixanu nunkakgi tyekakapirana gwamonnu mpachikgajita.

Kiglerpotunanu Tokanchi Kpashiri Gwa Yonatanru 21:7

Giyagni wa yimakleru Geso gishinikanru wane chinru Petro, “Gitsrukaachikni Wale.” Giyagni wa Simo Petro wa yijnakotinitka Gitsrukaachi rixinri, gimkalu sapwaknawa gi rixanu mamkatunanni. Tsru wenu ruptekgamtatka.

Kiglerpotunanu Tokanchi Kpashiri Gwa Yonatanru 4:14

Wa girukta girinri wa gonu Gita genekyaplu gi pagogneko ronunnagatewatanutnaka. Seyni wa gonu Gita genekyaplu gonutkomga pixka rixnanwakatanu, rushpakgatinri ruwekinri chinanu gike rixiniko mnikawnakatupa.”

Yokanatkalune Kamrure 13:52

Giyagni Gitsrukaachi yimaklene gimuwaatachine potu ga wa Giwekikaluru Kpashiri gwagajitanune potu rixna.

Yokanatkalune Kamrure 16:25

Ganikajyechno ragjigognetna Pawlo ga wa Sura. Goyakalu gimalwutikolu shikaletna. Wa gostutkalune yijnakotna.

Yokanatkalune Kamrure 2:46

Wane rixjegognenatna kpashiwakapjiya panshinikanurune pagognemnunanuka. Jiknajrojetlona jimapro panchikakaya. Paniikalunni gimuwatachine, myokwirgajine.

Yokanatkalune Kamrure 5:41

Giyagni wanna jemanshinikankakjetikowaka gajenyegiya yatkana gimuwamtachine, gi rixanu rutaka yagookana rumuknina salewninrina, reyiikana Geso giwaka chinanu.

2 Korintyone 6:10

Wamonuwatachine pixkalunwu ga wa gimuwgognenatachinwu. Kwamonurune pixkalunwu ga wa gixolune wponikowkaka. Wa maleshayalune pixkalunwu, ga wa pejnurkakako wane wixleta.

2 Tesalonikane 2:16

Waleko Wutsrukate Geso Kristo ga wa Goyakalu Wuru wa wushinikjeru, ga wa gimnanuklu gike rixiniko mnikawnakatu wenekjeru, ga wa kigle kagwaklu wenekjeru rumutlewleya,

Gewreyone 10:34

Gi rixanu gimata getwamonretna gostutkalune. Ga wa gimuwatachingi wane gixle getasha konretka. Gi rixanu gixa gimatlu wa wanepnute kigleru ga wa gwagognenatachrikaka waneygi.

Gewreyone 6:18

Giyagni gepi shinikanchi mkashrijetkotkaka chinanu wkagwakpotutlu psoluko Goyakalu gipiratyawu. Walepiranaya gi rumkata weyawleta Goyakalu. Wale chinanu psolmukchonuko wumnanuukaka. Gi rixanu wixa gasukamta wkashichyaplu wkagwaklewle rupiratyawupirana.

1 Petro 1:8

Gma metanutu Wale gixa gishinika. Ga wa xawakni gi getawalu, seyni galixinri, gimuwpotuta, gimuwleyma mumkata chinkotu ga wa gatajiwnachri.