Kiglerpotunanu Tokanchi Kpashiri Gwa Yonatanru 1:29 - Yine: Gerotu Tokanchi Gipiratkaluru

²⁹ Waleprikgogne Gwa getlu Geso wale yegi yachri. Wane china, “Getanru Gowega Wgene Goyakalunu, tye psolchijneko gajene konmukochiretachri.

Kiglerpotunanu Tokanchi Kpashiri Gwa Yonatanru 1:29 Iomraidhean Croise

Matiyo 1:21

Tushpakawgenetanu toturu. Geso pgiwakatanru. Gi rixanu Wale gognetkakanna rayinerutene mukochireyna.”

Matiyo 20:28

Gita pixka wa Yineru Wgenno gi nuna nupxakikolupa, seyni nupxaklewatinripa, nenekyaplu nuwekinri nwenutyaplu ruspakinripna gixolune yine.”

Kiglerpotunanu Tokanchi Kpashiri Gwa Yonatanru 1:35

Waleprikgogne rumepe tunwaleta Gwa, ga wa gepi yimaklene.

Kiglerpotunanu Tokanchi Kpashiri Gwa Yonatanru 1:36

Rushinga yaletinri Geso, wane china, “Getanru gowega Wgene Goyakalunu.”

Kiglerpotunanu Tokanchi Kpashiri Gwa Yonatanru 1:43

Waleprikgogne Kalile raluka yaleta Geso. Rukshiklu Wilipi. Wane chinru, “Pomkagitanno.”

Kiglerpotunanu Tokanchi Kpashiri Gwa Yonatanru 2:1

Waleprika pnutgogne waneru kashimyolu Kana Pokchiya, Kalilesreta. Wanero Geso ginro.

Kiglerpotunanu Tokanchi Kpashiri Gwa Yonatanru 3:16

“Wane rixa galuklepotutna Goyakalu tye psolchijne gajeneko, giyagni renekna satupjerutu Gituru, wa pejnuruneko ralixjene ma mamginitipa, wa waneyapna ruwekinrina gike rixiniko mnikawnakatupa.

Kiglerpotunanu Tokanchi Kpashiri Gwa Yonatanru 4:42

Wane chinrona suxo, “Gi wa ptokanuya walixatka, gi rixanu wixpotuko jematkalu. Wumata galikakpotunanu rixinri Tyenwa wa tye psolchijne gajeneko gognetkakachripatka.”

Kiglerpotunanu Tokanchi Kpashiri Gwa Yonatanru 6:51

Gitni wa jimapro giwekachrino, tengogne gijrukyachrino. Girukokta nikiniplu tye jimapro ruwekgognenatanu. Wa jimapro Gita geneklepa walenwa nogitu neneklepa ruwekinripna psolchijne gajene.”

Yokanatkalune Kamrure 13:39

Moysisi Tokanu Yokanatkaluruya gi gimkata ptowruyako muklukanuwnakaakone gixletna yine, ga wa Gesoya ptowruyako muklukanuwnakaakonetka rixinritkana pejnuruneko galixachine.

Yokanatkalune Kamrure 8:32

Tyepiranyegiktani retyongananumta: Gowega pixka giylajetikowaka raniika. Gowega wgene myanumatkato tjiwjitjeru yegi, waneko pixka rixa Wale. Gi yanumata.

1 Korintyone 15:3

Gi rixanu muchinanu gapka nsamyokatkagi gixa wa gita samyookaluu koxa: Wa Kristo gipnana wixa mukochire chinanu, wa yonchi chinyawaka;

2 Korintyone 5:21

Wa Kristo mukochri mumatkatu wixa chinanu mukochri rixka, wa wixa Goyakalu poyagkaklewle wixikolupa Waleya.

Kalatane 1:4

Walenanuko geneknawa wmukochire chinanu, rushatkapyapwu tye mugletgogneya, Goyakalu Wuru gishinikyawaka.

Kalatane 3:13

Kristo wenutlu wushpakinripa wa Tokanchi Yokanatkaluru kamakpiiryegiya. Wixa chinanu kamakpiratkalurni Wale. Gi rixanu wane china yongatyawaka, “Kamakpiratkalurni girukokta gagmunashkita gixripkaakaluru.”

1 Timotiyo 2:6

Walenanuko geneknachriwa pejnuruneko koshpakikolu wenru chinanupa, rupgujtatikolupa gipapkopotuko.

Tito 2:14

Walenanuko geneknawa wixa chinanu koshpakyapwu psoluyako wmukochire, ga wa powratyapwu Walenunepwu, rayinerutenepwu. Jmererunepwu kigleru kamrurchiya.

Gewreyone 1:3

Psolpotuyako Ruru goyaknu ratajiwniya. Wale pixkapotuko rixa, ga wa ptowrupotunanuka yostatachri ruyakle tokanuya. Wa powratmukochiretinitkawu, teno Gajeru kgoyagknuru potuklesretate tuplata.

Gewreyone 2:17

Wale chinanu psolpotuyako gimolene pixka rumkata gixkota Geso, kgetwamonreru ga wa poyagkakachri Sasertote Gitsrukate potu rixinripa Goyakalunkakaya, mukochri rupekotinripa, wa yine mukochire.

Gewreyone 9:28

Waneko pixka rixa Kristo. Pakatapje reneknatkawa gixolune mukochire ranikinripa chinanu. Ga wa gepi kata chininri mukochri migje, kagwakpotutjene rupgujewnayegitanu rognetkakyapna.

1 Petro 1:19

Seyni Kristograga kwenuru potu wenutika, mapchotu powralu potu gowega wgenegraga pixka.

1 Petro 2:24

Koroshishkitaya Waleko ganikmukochiretwu gimaneya, wa wixa gipnachine pixka wixatka, wma mukochirewatinitpatka, poyagkakachinepwu wuwekinriya. Walepchole chinanu gixa gitskalaaka.

1 Petro 3:18

Gi rixanu pakatapje salewnapa Kristo mukochri chinanu. Poyagkakachri salewna mpoyagkaakane chinanu, Goyakalu yegi ranikyapwu. Gimane ruylatika, ga wa Giwekikaluru ruweekakika.

1 Gwa 2:2

Walenwa wmukochire gipekole. Gi wa wixanupjeni seyni koxa psolchijne gajenenni.

1 Gwa 3:5

Gimatlu Kristo gipgujewnapa mukochri koninripa. Ga wa maleshaylu mukochri Wale.

1 Gwa 4:10

Tye chinanu waneru gishiniklewlu. Gi wa wixako wushinikalchinanru Goyakalu, seyni wa Wale gishinikalchinanwu. Ga wa yokanatlu Gituru wmukochire gipekole rixinripa.

Gipgujetkaluru 1:5

Ga wa Geso Kristoya gipgujtalewatachri poyagkakachri, muchinanu potu wugenetika wa gipnachinyegiya, tyechijne pogirene Gitsrukatpotu, wushinikjeru, wkaspukmukochiretjeru Waleko gigragaya.

Gipgujetkaluru 12:11

Ga wa wanna gaalixlu jigyegitjerna gowega Wgenegragaya, Ga wa rupgujtalewlena tokanuya. Ga wa gi chipetgiwekletna rupninpotunanukna.

Gipgujetkaluru 13:8

Ga wa pejnuruneko tyechijne gwachine yoptsojityegitlu mapiranyegine giweklu kirukatyegiya wa gowega Wgene kirukatyegiya. Walenwa gilyatkaluru rekamrutkoyakawa tye psolchijneko.

Gipgujetkaluru 14:1

Netatkalu Gowega Wgene Siyo Magkate tunwatachri. Ga wa Waleymalune satu pacha gepkoxamkojmole gepkoxamkoje waragkane, Wale giwaka ga wa Ruru giwaka yonajrotatkalune.

Gipgujetkaluru 14:10

wale koxa giranru Goyakalu gimtuwnale wingate, myapjetu giyookaluru. Wale jgekanu girikalurostono giyookalurupa. Ga wa walepni saletpotutkona xirnachriya ga wa gasogreya kpashirine towrechine getanu, ga wa gowega Wgene getanu.

Gipgujetkaluru 14:4

Nyinwa suxoneyma mpuchotkone, gi rixanu suxo metkanewa. Nyinwa gowega Wgene gomkagitachine ginakakokta yinri. Nyinwa yinyegiya gipekotikalune. Nyinwa gegwikane Goyakalu chinanupa ga wa gowega Wgene chinanupa.

Gipgujetkaluru 15:3

Ga wa shikaletluna Goyakalu wayegreru Moysisi shikale ga wa gowega Wgene shikale. Wane china shikaletna: Tsrupotkakni ga wa koglajrewatachrikaka pkamrure, Wutsrukate Goyakalu, pejnuruko Girukotachri. Potuko potu ga wa galikakpotunanu pixjetyawaka. Payinemnunanuka Pogiryi.

Gipgujetkaluru 17:14

Gowega Wgene yagotanna. Ga wa gowega Wgene gaalixanna. Gi rixanu Walenwa gitsrukaachine Gitsrukate ga wa pogirchine Pogire. Ga wa Waleymalune tomgakalune ga wa tsomitkalunni ga wa poyagkakachinni.”

Gipgujetkaluru 19:7

Wumuwatanu ga wa wumjikpotutanu. Ga wa wumalwutanru. Gi rixanu rapokatka gowega Wgene kashimyole. Ga wa ganunropa galpokotachrotka.

Gipgujetkaluru 19:9

Giyagni wane chinno, “Pyonatanru: Giglenshinikanyegitkalunni gowega Wgene kashimyole meyiwlu nachnewlupa chanixkalune.” Ga wa wane chinno, “Tyenwa Goyakalu tokanu galikakpotu.”

Gipgujetkaluru 21:14

Ga wa pokchi prijere rapuko gwachri sotlukaka waneylu pamole gepi giwaka, wa gowega Wgene pamole gepi yokanatanune giwaka.

Gipgujetkaluru 21:27

Ga wa gike rixiniko wane jiglokanu gi satuna gimuteru, gi wa gagnanutkaluru kamrutachriko, gi wa gayroklewatachriko, seyni wannapje giweklu kirukate gowega Wgenenu yonatkaluru.

Gipgujetkaluru 21:9

Ga wa runa satu Goyakalutowreru, wa payokgiprepro katsepolu payokgipre ralipre tsru salewakchi waneyalune satute, gita giynumsatachri. Wane chinno, “Punanu. Nekakgitanyi gnuruwatachro, wa gowega Wgene gnunropa.”

Gipgujetkaluru 5:6

Ga wa tuplapije ganikajiteswaji, ga wa gepkoxamkoje giwekachine ganikajite ga wa tsrune ganikajite, netyalu gowega Wgenni tunwanatachri giylatkaluru pixka, payokgipregwalutu, ga wa payokgipreygalerutu. Payokgipreygalenwa payokgipre giwekikalurune Goyakalunu psolchijneko yokanatkalune.

Gipgujetkaluru 5:8

Giyagni kiruka yoptotinitka, wa gepkoxamkoje giwekachine, ga wa gepimole gepkoxamkoje tsrune chiji rapokna gowega Wgene getanu. Satkaka waneya gitlotsatkaluro, ga wa koripro katseplu pgamlupagiri. Walenwa kpashirine gagjigognerkaka.

Gipgujetkaluru 6:1

Ga wa netlu gowega Wgene kotpukgipretyawaklo muchinanu gipre wa payokgipre gipre kgimaxikoleroya. Ga wa gepkoxamkoje giwekachine satute nyijnakoplajita rutlogle pixka chinachri,

Gipgujetkaluru 6:16

Ga wa wane chinruna wa magkakaka ga wa tsru sotlu, “Pujrukanu wixa gogo. Pyogimatanwu pogirchi tuplapijere tuplatachrigojiya, ga wa gowega Wgene jgekanuya.

Gipgujetkaluru 7:14

Giyagni wane nchinru, “Nutsrukate, pixa gimata.” Wane chinno, “Nyinwa tsru salewakchi giyakatyachinni. Ga wa ropowalutna rerkana ga wa klata rixkakluna gowega Wgenegragaya.

Gipgujetkaluru 7:17

Gi rixanu gowega Wgene wa pogirchi tuplapijere ganikajiteswaji gwachri girukotanna. Gonu gishpakgatyawaakaka giwekgatachrigonu yegi kosekanna. Ga wa Goyakalu sheyiygaletanna pejnuruko ktechgaya.”