Kiglerpotunanu Tokanchi Kpashiri Gwa Yonatanru 1:14 - Yine: Gerotu Tokanchi Gipiratkaluru

¹⁴ Tokanchiko manewata. Wixatskala rawanatapa. Wetlu royaknu. Girchi satupjerutu Gituru goyaknu waneylu. Kgimutlewaklerpotni. Galikakpotni.

Kiglerpotunanu Tokanchi Kpashiri Gwa Yonatanru 1:14 Iomraidhean Croise

Matiyo 1:16

Gakowo wugenetlu Gosi, Mariya gnuru. Wala rushpakya Geso, wa Kristo chinkaluru.

Lokasu 2:11

Tawi pokchi rushpakya xani gixa chinanu Gognetkaklewatachri. Walenwa Kristo Gitsrukaachi.

Lokasu 2:7

Tushpaakakatkalu muchinanu toturu. Mkachrichrata tpoyitatkalu. Prachine wakane nikjetyawaka tuklukakatkalu, gi rixanu maleshayna pagruko pnu giyakatyachine gwajetyawaka.

Lokasu 9:32

Ga wa Petro ga wa waleymalune ruxapnewpotutanna. Wa ruyokanatinna retluna royaknu ga wa gepi jejine Waleyma tunwanatachine.

Kiglerpotunanu Tokanchi Kpashiri Gwa Yonatanru 1:1

Yinuwakikolu wane rawa Tokanchi. Ga wa Tokanchi Goyakaluymananru. Ga wa Tokanchinwa Goyakalu.

Kiglerpotunanu Tokanchi Kpashiri Gwa Yonatanru 11:40

Geso wane chinro, “¿Gi ge wane nchinyi, palixini petanru Goyakalu goyaknu?”

Kiglerpotunanu Tokanchi Kpashiri Gwa Yonatanru 14:6

Geso wane chinru, “Gitni wa gatnugapo, ga wa tokanchi galikakpotu, ga wa giweklu. Gike yayegitlu Girchi, seyni Gitapje chinanu yayegitka Girchi.

Kiglerpotunanu Tokanchi Kpashiri Gwa Yonatanru 14:9

Geso wane chinru, “Gi pomshiniko numwatkagi, ¿gi ge pumatno, Wilipi? Wa netjeru retkoxlu Girchi. ¿Gi pchinkoxge pixa, ‘Pekakgitanwu Girchi?’

Kiglerpotunanu Tokanchi Kpashiri Gwa Yonatanru 17:22

Wa noyaknu penekyano, wale nenekatkana. Wa satupjerune rixinripna, Wixa pixka satupjerunwu.

Kiglerpotunanu Tokanchi Kpashiri Gwa Yonatanru 17:24

“Nuru, wa wanna penekyano naluklu ginakaktanwa Gita, wanna koxa Gita yegi gwanu, wa retyapluna noyaknu penekyano. Gi rixanu Pixa gishinikno tyechijne ma mutaakanuwa.

Kiglerpotunanu Tokanchi Kpashiri Gwa Yonatanru 18:37

Giyagni wane chinru Pilato, “Giyagni ¿pogirchiklayge Pixa?” Rugita Geso, “Pixa wane chinyawaka pogirchi nixinri. Wale chinanukni nushpaka, ga wa wale chinanukni nuna tyechijne, nupgujtatyaplu tokanchi galikakpotunanu. Pejnuruko galikakpotunanu gixachri yijnaktokanutno.”

Kiglerpotunanu Tokanchi Kpashiri Gwa Yonatanru 2:11

Tyenwa muchinanu getkaluru kamruta Geso Kanaya, Kalilesretaya. Rekakgigoyaknuta. Ga wa yimaklene galixlu.

Kiglerpotunanu Tokanchi Kpashiri Gwa Yonatanru 3:16

“Wane rixa galuklepotutna Goyakalu tye psolchijne gajeneko, giyagni renekna satupjerutu Gituru, wa pejnuruneko ralixjene ma mamginitipa, wa waneyapna ruwekinrina gike rixiniko mnikawnakatupa.

Kiglerpotunanu Tokanchi Kpashiri Gwa Yonatanru 3:18

Wa Gita galixachri gi ruklukanuwnayegjixko. Seyni malixakletu ruklukanuwnayegjixkanatka gi rixanu gi ralixgiwakatno Gita Goyakalu Wgenno satupjerutu.

Kiglerpotunanu Tokanchi Kpashiri Gwa Yonatanru 6:51

Gitni wa jimapro giwekachrino, tengogne gijrukyachrino. Girukokta nikiniplu tye jimapro ruwekgognenatanu. Wa jimapro Gita geneklepa walenwa nogitu neneklepa ruwekinripna psolchijne gajene.”

Kiglerpotunanu Tokanchi Kpashiri Gwa Yonatanru 8:32

Gixa gimatanru galikakpotunanu tokanchi. Galikakpotunanu tokanchi koshpakangi wayegrechine gma mixinitipa.”

Yokanatkalune Kamrure 13:33

Wanepotuko Goyakalu poyagkakatkalu wannaklopishane yegi: wixa yegi yotunkakatkalu Geso. Shikalchi gepi chininri chinyongatyawaka koxa: Pixni Noturyi. Xawakni nwugenetyi.

Romanone 8:3

Gi rixanu wa Tokanchi Yokanatkaluru mumkatanatanutu, wumane gigroklewle chinanu, Goyakalu kamruta. Wane rixa yokanretlu Waleko Gituru kmukochirerunmane pixkalutu ga wa mukochri chinanu. Wane rixa nikatlepotutyaplu mukochri wumane gwachrini,

Romanone 9:5

Wannanni wa gitsrukachinni. Wannanni wa Kristo gimaneya. Walenwa Goyakalu pejnurkakayako gimalwutkalurgognenanu. Wane gixkalurupa.

1 Korintyone 15:47

Muchichachri yineru walenwa chiji gajeru, ga wa chiji kamrutikaluru. Ga wa gepi chininri yineru tengogne gajerni.

2 Korintyone 12:9

Ga wa Wale wane chinno, “Numutlewle poyagotyayi, gi rixanu ma muchkonnuchi yegi psolutkani giyaklewlu.” Giyagni nugleretlu wa nma muchkonkakaya galikaka ntserpiranawatinri, Kristo giyakle gita yegi rawinripa.

Kalatane 4:4

Ga wa poyagkakgognepotutinitka, Goyakalu yokanatlu Gituru, suxo giyakatyachri, Tokanchi Yokanatkaluru yijnakotachritkani,

Gigwisone 3:8

Gitni wa pejnuruneko kpashirine pnute mturpotno, tye gimutlewlu neneeka nunkakletyaplu payine yegi wa Kiglerpotunanu Tokanchi Kristo ponikolewle mukshikanshinikanutkotupirana.

Kolosane 1:19

Gi rixanu Goyakalu gigleretyawaka Kristo rawinripa psolpotunanuyako.

Kolosane 2:3

Kristonshinikanu rawa pejnuruko gimata jemlewlu ga wa gimatkalewlu yogimatkaluru. Walenwa ponikolewlu gignantaakaluru.

Kolosane 2:9

Gi rixanu Kristomane rawa psolpotuko Goyakalpoga mmagatikatu.

1 Timotiyo 3:16

Wupgujtatlu wa tsrupotunanni giyogimanatkaluru gipashichkalurupirana: Manewatachri retika Kristo. Poyagkakachri gekakgitkalurni Giwekikaluruya. Goyakalutowreruneya retika. Payine yegi ginkakletikaluru. Galixkalurni tyechijneya. Yoptotkalurni goyaknuchygi.

Gewreyone 1:3

Psolpotuyako Ruru goyaknu ratajiwniya. Wale pixkapotuko rixa, ga wa ptowrupotunanuka yostatachri ruyakle tokanuya. Wa powratmukochiretinitkawu, teno Gajeru kgoyagknuru potuklesretate tuplata.

Gewreyone 1:5

Gi rixanu gi pagogneko gi satu gitowreru wane china Goyakalu: “Noturyi Pixa; tyegogne nwugenetyi.” Ga wa wanepnute: “Rurupno Gita ga wa Walepni Noturu.”

Gewreyone 10:5

Giyagni tyechijne rakanginitka Geso, wane china: Genekashlu giylatkalurkaka ga wa ganika genekashletkalurkaka gi paluka. Seyni manchi puglepokotyano.

Gewreyone 2:11

Gi rixanu kpashiri gixkaklewatachri ga wa kpashirine gixkaakalunetka satupjerutu ruyakatyana pejnuruneko. Giyagni tye chinanu gi rupatewa Geso chinretna gimolene.

Gewreyone 5:5

Waneko pixka rixa koxa Kristo. Gi Walenanuko galixkotnawa wa sasertote Gitsrukate potu rixinri. Seyni rutaklu Goyakalu, wane chinjeru: Noturyi Pixa. Tyegogne nwugenetyi.

1 Gwa 4:14

Ga wa wixa getlu, ga wa wupgujtatlu Girchi yokanatlu Gituru wa tye psolchijne gajeneko Gognetkakachri rixinripa.

1 Gwa 4:9

Tyeya gipgujetkalurni Goyakalu gishiniklewle wixa chinanu, gi rixanu Goyakalu tyechijne yokanatlu satupjerutu Wale Wugenetanru, Wale chinanu wuwekinripa.

2 Gwa 1:7

Gi rixanu gixo kyokwirewaklerune gipgujewna tye psolchijneko. Wanna gi wa gipgujtatlu wa Geso Kristo kamaneru rixa ginretinri. Tyenwa kyokwirewakleru ga wa Kristo kamnixachri.

Gipgujetkaluru 19:13

Ga wa mkachri granchi yoshmookaluru gitakachrini. Ga wa giwaka wane chinka Goyakalu Tokanu.

Gipgujetkaluru 21:3

Nyijnakotlu gichkotokanuru pogirchi tuplapijere giyakatyachri, wane chinachri, “Xaniyakawa Goyakalupji yineymatka. Rumwapjitanna. Wannapni rayinerutene. Ga wa Waleko Goyakalu wannaymapa.