Gipgujetkaluru 14:2 - Yine: Gerotu Tokanchi Gipiratkaluru

² Ga wa nyijnakotlu pagima tengogne giyakatyachri, gixo gonugimkaka pixka. Ga wa tsru rutloglegima pixka rixa. Ga wa nyijnakotanrugima, kgitloklerune rutlotsaprena rutlotinrina pixka rixgimata.

Gipgujetkaluru 14:2 Iomraidhean Croise

1 Korintyone 13:1

Wa yine tokanu ga wa Goyakalutowrene tokanumka nyanumatinimka seyni gi wa kgishiniklewaklerno, sintawoshpata sejrewatachri pixka nixa, ga wa latamta gitlotkaluro pixka, tsne tsne tsne gixachro pixka nixa.

Gipgujetkaluru 1:10

Gitsrukaachigogne Giwekikaluru nwini. Notjimnesreta tsruplaji nyijnakota kowi pixka. Wane china,

Gipgujetkaluru 1:15

Ga wa gijixi sintawo xirnachripro gatajitikaluru pixkalutu rixjixita. Ga wa giplaji gixpotkaka gongima pixka rixaplajgimata.

Gipgujetkaluru 11:12

Ga wa yijnakotluna gichkotokanuru tengogne giyakatyachri. Wane chinna, “Gewi gatskotanu.” Ga wa tengogne ratskotatkana kyachgapererumkoya. Ga wa kamnixjenna getna.

Gipgujetkaluru 11:15

Ga wa payokgipre rixinri Goyakalutowreru kowita. Ga wa tengogne gichkolu plaschi wane, wane chinachri: Tyechijne pogirewatyawaka Wutsrukatenutkani ga wa Kristotenutkani. Ga wa Wale pogirewgognenatanu gike rixiniko mnikawnakatupa.

Gipgujetkaluru 15:2

Ga wa netlu tsru wenu witryoga pixkalutu xirnachrimero yapjetachri. Ga wa kmatsuru gaalixachine, ga wa yaglu, ga wa giwakpejnu gaalixachine, witryo pixkalutu tsru wenu gogomta tunwatachine. Ga wa gitlopitskaka Goyakalunu waneyalune.

Gipgujetkaluru 18:22

Ga wa kgitpetsaklerunegima ga wa kgitloklerunegima ga wa ktumlejiklerunegima, ga wa kowiklerunegima gike rixiniko jemkotka pixaya. Ga wa pejnuruko kamrurchi gike rixiniko rukshiikotka pixaya. Ga wa ginripsotlegima gike rixiniko jemkotka pixaya.

Gipgujetkaluru 5:8

Giyagni kiruka yoptotinitka, wa gepkoxamkoje giwekachine, ga wa gepimole gepkoxamkoje tsrune chiji rapokna gowega Wgene getanu. Satkaka waneya gitlotsatkaluro, ga wa koripro katseplu pgamlupagiri. Walenwa kpashirine gagjigognerkaka.

Gipgujetkaluru 6:1

Ga wa netlu gowega Wgene kotpukgipretyawaklo muchinanu gipre wa payokgipre gipre kgimaxikoleroya. Ga wa gepkoxamkoje giwekachine satute nyijnakoplajita rutlogle pixka chinachri,

Gipgujetkaluru 8:7

Ga wa muchinanu gitowreru kowitatka. Ga wa wanetkalu giwruji ga wa xirnachri, granchi kojetachri. Chiji giknookalurni. Satupje mapate chiji ga wa satupje mapate gagmuna galga. Ga wa pejnurniko kshanni polerni galgana.