Gipgujetkaluru 13:6 - Yine: Gerotu Tokanchi Gipiratkaluru

⁶ Ga wa yanumata mupashiregnuchi chinpiranyegityaplu Goyakalu. Mupashiregnuchi chingiwakatyaplu ga wa gipji, ga wa tengogne gwachine.

Gipgujetkaluru 13:6 Iomraidhean Croise

Matiyo 12:34

Gimnu pixkalungi. ¿Gi gixpoko gimkata yanumsaletlu kigleru, muglenekgi gixini? Gi rixanu klunerutka yineru gaji tsepowniyachri, wale yanumatya ginamaya.

Matiyo 15:19

Gi rixanu yineru gaji rushpakya mugletu shinikanchi, giylalewlu, gimopatlewlu, gapoklewlu, chowguchkaka, gixasha gipgujtalewlu, mupashiregnuchi.

Kiglerpotunanu Tokanchi Kpashiri Gwa Yonatanru 1:14

Tokanchiko manewata. Wixatskala rawanatapa. Wetlu royaknu. Girchi satupjerutu Gituru goyaknu waneylu. Kgimutlewaklerpotni. Galikakpotni.

Romanone 3:13

Yomlechi gitpukachri pixka rixaplajitna. Ginnuyna yokwirewatna. Gimnu kachingate pixkalutu waneyna gispuyna rapukote.

Kolosane 1:19

Gi rixanu Goyakalu gigleretyawaka Kristo rawinripa psolpotunanuyako.

Kolosane 2:9

Gi rixanu Kristomane rawa psolpotuko Goyakalpoga mmagatikatu.

Gewreyone 9:2

Gi rixanu kamrutkaluru panchi. Muchinanugruko wanerwa katalgapi ga wa jimapro gwiyawakakwa, ga wa jimaprokaka gekakgitkaluru. Tyenwa Kpashiwaka chinkaluru.

Gewreyone 9:24

Gi rixanu gi wa myochi kamrutikaluru kpashiwaka jigloka Kristo, wa galikakpotunanu kpashiwaka yaglupje, seyni tengogne gajeru kpashiwakpotuko jigloka, wa xawakni Goyakalu getanu rupgujewninripa wixa chinanu.

Gipgujetkaluru 11:12

Ga wa yijnakotluna gichkotokanuru tengogne giyakatyachri. Wane chinna, “Gewi gatskotanu.” Ga wa tengogne ratskotatkana kyachgapererumkoya. Ga wa kamnixjenna getna.

Gipgujetkaluru 12:12

Wale chinanu gimuwatanu tengogne ga wa tengogne gwachingi. ¡Gi waneni tyechijne gajene ga wa tsru wenu gajene, gi rixanu gixa yegi rujrukatka kamchi gitsrukate! Tsru gimtuwnalu rixa. Gi rixanu rumatlu pshinitsongognepje waneylu.

Gipgujetkaluru 15:5

Wanepnute neta. Ga wa kotpuukalurni kpashiwakpotugruko, gipgujtatikowakapji gajerugruko tengogne gajeru.

Gipgujetkaluru 18:20

Gimuwatanu wala chinanu, tengogne gajene ga wa kpashirine, ga wa yokanatkalune, ga wa Goyakalu tokanu geneklewatachine, gi rixanu Goyakalu giklukanuwnayegjixlo gixa chinanu.

Gipgujetkaluru 21:3

Nyijnakotlu gichkotokanuru pogirchi tuplapijere giyakatyachri, wane chinachri, “Xaniyakawa Goyakalupji yineymatka. Rumwapjitanna. Wannapni rayinerutene. Ga wa Waleko Goyakalu wannaymapa.

Gipgujetkaluru 4:1

Wanepnute netatka wa tengogne gitpukgipgyaptoteta. Ga wa muchinanu plaschi kowi pixkagimalutu nyijnakotanru. Gita ruynumsata. Wane china, “Gewi teno punanu. Ga wa nekakgitanyi wa wanepnute gimkata ginretachrikaka.”

Gipgujetkaluru 4:4

Ga wa tuplapije sajruka gepmole gepkoxamkoje tuplapijkaka. Ga wa tuplapijkaka tuplatna gepmole gepkoxamkoje tsrune klatalu mkachri gitakachine. Ga wa gijiwna waneyna kori sagyeta.

Gipgujetkaluru 5:13

Ga wa pejnuruko giyakotkaluru tengogne gajeru ga wa chiji gajeru, ga wa chiji gitokote gajeru, ga wa tsru wenumta gwachine, ga wa pejnuruko wane gajerkaka, nyijnako wane chinreta: Pogirchi tuplapijere tuplatachri, Ga wa gowega Wgene waneyapa gimalwuru ga wa kagwakpiiru, ga wa goyaknuchi, ga wa muchkonchi, rixgognenatanu gike rixiniko mnikawnakatu.

Gipgujetkaluru 7:15

Wale chinanu Goyakalu tuplapijere ginaple rawna. Yonogyegitluna gogi ga wa goyechno kpashiwakategrukoya. Ga wa pogirchi tuplapijere tuplatachri gipjiya gishyatna.

Gipgujetkaluru 7:9

Wanepnute netatka. Wanena gixolune potu yine, gike mumkata yantaletanune, pachijne gajenemnunanukaya, ga wa panerumnunanukaya, ga wa payinemnunanukaya, ga wa patokanumnunanuka yanumatyachineya, pogirchi tuplapijere ginaple ga wa gowega Wgene getanu tunwatachine. Klatalu mkachri gopowalu gitakachine. Ga wa kasureru waneyna gimyoyna.