Gipgujetkaluru 11:8 - Yine: Gerotu Tokanchi Gipiratkaluru

⁸ Ga wa gimanepnina tsru potu pokchi gatnugapote rawanna. Tye tsru pokchinwa shinikanchiya Sotoma ga wa Gigipto chinkaluru. Wane koxa Rutsrukatna koroshishkita gitakikowaka.

Gipgujetkaluru 11:8 Iomraidhean Croise

Matiyo 10:15

Galikakni wane nchingi wa gakotkalurupa Sotomachijne, Komorachijne gajenniya wale pokchi gajenni pnute wa giklukanuwnalgognepatka.

Yokanatkalune Kamrure 9:4

Chiji rapokamtana. Yijnakotlu satu tokanchi wane chinjeru, “Sawolo, Sawolo, ¿klu chinanu pkojwakno?”

Gewreyone 13:12

Giyagkoxni Geso, wa kpashirine rixkakyapna yine Waleko gigragaya, pokchi gipgyaptote malekate salewniya.

Gewreyone 6:6

wa rujrukinitkana, gi rumkata gerotewkakletkona renshinikanutinripna. Gi rixanu wannanshinikanuya koroshishkita rutakatnakluna Goyakalu Wgene. Pejnurune getanu kapatmenuru rixpiranyegitluna.

2 Petro 2:6

Ga wa ruklukanuwnayegjixanna Sotoma Pokchi gajenni ga wa Komora Pokchi gajenni nikatikolunna. Chichipagi rixkakanna, yaglu rixinripna wa mupashiregolune ginachinepa chinanupa.

Gota 1:7

Sotoma gajenni ga wa Komora gajenni pixka ga wa rumwastsipokchijetanrukakni pixka waneko pixka rixanna kapoklewaklerunni, ga wa pnumnu rixnina manchiya. Yaglu rixkanna xirnachri gike rixiniko muwnakatu saletikanna.

Gipgujetkaluru 11:13

Ga wa walepapko wanetkalu tsru giyolikchijru. Ga wa satupje pamolete tsru potu pokchi yawnana. Ga wa rupnanna giyolikchijruya wane pejnuna: payokgipre waragka yinni. Ga wa gixetachinni pikpotutana. Rumalwutluna Goyakalu tengogne Gajeru.

Gipgujetkaluru 11:9

Ga wa pimrine yine, ga wa panerune, ga wa patokanu yanumatyachine, ga wa payine getmanetanna mapgogne ganikaji. Gi wa ruchi kapnatkomanetanna.

Gipgujetkaluru 14:20

Ga wa tapatgatyawaka gakatooka pokchi malekate. Ga wa tapatgatyawaka rushpakya granchi, kawalyo chipetapre tennu gapokagragatachri, ga wa satu pacha waragkastsi rowuknu.

Gipgujetkaluru 14:8

Ga wa romkagitlu satu Goyakalutowreru gepi chininri. Wane china, “Rujrukanatka. Rujrukanatka tsrupotni Wawiloni. Suxo pixka tapoklewle getsotanrewle wingate, payinemnunanuka tutagata.”

Gipgujetkaluru 16:19

Ga wa tsru pokchi mapasreta kotspaltatikaluru. Ga wa payine pokchikaka gijrukana. Ga wa tsru Wawiloni gishiniika Goyakalu getanu, wa renekyaplu jigekanu gimtuwnale wingate girikalurostono.

Gipgujetkaluru 17:1

Ga wa runa wa payokgipre Goyakalutowrene satute, wa payokgipreproswaga waneyalune satute, gita giynumsatachri. Wane chinno, “Punanu. Nekakgitanyi tuklukanuwnayegjixikowaka tsro kapoklewaklero gixo gonkaka tuplatachro.

Gipgujetkaluru 17:18

Ga wa suxo petanro walanwa tsru pokchi, tyechijne pogirene chinanu pogirewatachri.”

Gipgujetkaluru 17:5

Ga wa tgiwaka tojrota tyonatika: Giyogimanatkaluro, Tsro Wawiloni, Kapoklewaklerone Ginro ga wa Gagnanutkalurkaka Chiji Gajeru Ginro.

Gipgujetkaluru 18:10

Tsalewnapotutinri, piklena chinanu wajra tunwatanna. Wane chinachinepni: ¡Gi waneni! Tsru potu pokchi Wawiloni, gichkolu pokchini. Gi rixanu pshinitsonuji rapokatka puklukanuwnayegjixikolu.

Gipgujetkaluru 18:18

Ga wa saplewjektetna retinrina tyoxikikolupgya. Wane chinna, “¿Girupni tye tsru pokchi pixkalutu?”

Gipgujetkaluru 18:2

Ga wa gichkoplaji china sapleta. Wane china: ¡Nikawnanatka, nikawnanatka tsro Wawilonyani! Kamchine gwiyawaka tixatka ga wa pejnuruneko kamchine puchotlewatachine gishyatikowaka, ga wa pejnuruneko koshichine kapcholune ga wa gayegixkalune.

Gipgujetkaluru 18:21

Ga wa satu Goyakalutowreru gichkolu gwalu sotlu, tsru ginripi sotle pixka. Tsru wenu ruknoklu. Wane china: Tye pamuchkonu pixka tixa giknookota Wawiloni, wa tsru potu pokchi. Ga wa gike rixiniko rukshiikonatka.

Gipgujetkaluru 18:24

Ga wa walaya rukshikika Goyakalu tokanu geneklewatachinegraga, ga wa kpashirinegraga, pejnurunniko giylatkalurunena tyechijneya.