اِنجِیل شریف (لُوقا) 8:2 - Mirpuri-Pahari Bible

² تے کُجھ جناݨیاں وی سݨ، جِنہاں وِچوں حضرت عِیسیٰ جِنّات کَڈھے سݨ تے اُنہاں کی بیماریاں تُوں شِفأ دِتی سی۔ اُنہاں وِچ مَگدَلے آلی مَریم وی سی جِس وِچوں ست جِنّات کَڈھے گئے سݨ۔

اِنجِیل شریف (لُوقا) 8:2 Iomraidhean Croise

اِنجِیل شریف (لُوقا) 23:27

حضرت عِیسیٰ نے پِچھے پِچھے لوکاں نی بہُوں بڑی پہِیڑ پئی جاݨی سی۔ اُنہاں وِچ بہُوں ساریاں جناݨیاں وی سݨ جیہڑیاں اُنہاں واسطے پئیاں روݨیاں تے بَیݨ کرنیاں سݨ۔

اِنجِیل شریف (لُوقا) 23:49

پر حضرت عِیسیٰ نے جاݨنے پہچھاݨنے آلے لوک تے او جناݨیاں جیہڑیاں ریاست گلِیل وِچوں آیاں ویاں سݨ، او دُور کھَلی کے سب کُجھ تکݨے رہے۔

اِنجِیل شریف (لُوقا) 23:55

او جناݨیاں جیہڑیاں ریاست گلِیل تُوں حضرت عِیسیٰ نال آیاں ویاں سݨ، یُوسف نے پِچھے پِچھے گئیاں تے قبرے کی تکیا، تے حضرت عِیسیٰ نے دَفناݨے نا مَنظر وی تکیا۔

اِنجِیل شریف (لُوقا) 8:30

حضرت عِیسیٰ اُس کولوں پُچھیا، ”تُہاڑا ناں کَے اَے؟“ اُس جواب دِتا، ”لشکر!“ در اصل اُس بندے وِچ بہُوں سارے جِنّات سݨ۔