اِنجِیل شریف (لُوقا) 8:16 - Mirpuri-Pahari Bible

¹⁶ فِر حضرت عِیسیٰ اُنہاں کی اِک مِثال دیئی کے آخیا، ”کوئی بندہ وی بَتّی بالی کے برتن تھلے یا کُسے منجھی تھلے نی رخݨا، بلکہ کُسے اُچّی جغہ اپر رخݨا اَے، تانکہ سارے لوک لوئی وِچ تکی سکݨ۔

اِنجِیل شریف (لُوقا) 8:16 Iomraidhean Croise

اِنجِیل شریف (لُوقا) 11:33

”کوئی بندہ وی بَتّی بالی کے پہانڈے تھَلے یا کُسے اوہلی جغہ وِچ نی رخݨا، بلکہ کُسے اُچّی جغہ اپر رخݨا اَے، تانکہ جیہڑا کوئی اندر اچھَے اُسی لو لغے۔

اِنجِیل شریف (لُوقا) 8:15

او بِیں جیہڑا چنگی زِیمی وِچ راہݨ ہوݨا اَے، اُنہاں لوکاں نی مِثال اَے جیہڑے اللّٰہ تعالیٰ نا کلام سُݨنے اݨ، تے نیک نِیّتی نال اُس اپر عمل کرنے اݨ تے ثابت قدم رہی کے اِیمان وِچ بہُوں ترقی کرنے اݨ۔“