اِنجِیل شریف (لُوقا) 7:7 - Mirpuri-Pahari Bible

⁷ میں تے اِس قابل وی ناں کہ آپوں تُساں کول اچھاں۔ اِس واسطے تُساں اُتھوں ہی اپݨی زبان مُبارک نال آخی شوڑو، تے مہاڑے نوکرے کی شِفأ لبھی جاسی۔

اِنجِیل شریف (لُوقا) 7:7 Iomraidhean Croise

اِنجِیل شریف (لُوقا) 4:36

اے گل تکی کے سارے لوک حَیران ہوئے، تے اِک دُوئے کی آخݨ لغے، ”اے بہُوں پُہنچی وی ہستی اَے! اے جِنّات کی حُکم کرݨا اَے، تے او اِس نا حُکم مننے اݨ!“

اِنجِیل شریف (لُوقا) 5:13

حضرت عِیسیٰ اپݨا ہتھ اگے کری کے اُس کی لایا تے آخیا، ”میں چاہݨا آں۔ تُوں پاک ہوئی جا!“ اُس بندے نا کوہڑ اُسے ویلے ختم ہوئی گیا۔

اِنجِیل شریف (لُوقا) 7:6

حضرت عِیسیٰ اُنہاں نال ٹُری گئے۔ جیہڑے ویلے او اُس اَفسر نے کہرے کول پُہنچے، تے اَگوں اَفسر نے پہیجے وے سَنگی اے سنیہا ہِݨی کے آئے کہ اَساں نے سَنگی صُوبیدار آخݨے اݨ، ”حضُور، میں اِس قابل ناں کہ تُساں مہاڑے کہار اچھو۔

اِنجِیل شریف (لُوقا) 7:8

کِیئانکہ میں آپوں دُویاں نے ماتحت آں، تے بعض فوجی مہاڑے ماتحت وی اݨ۔ اِس واسطے جدُوں میں کُسے کی حُکم دیاں کہ، ’تُوں جا‘، تے او ضرُور جاݨا اَے۔ کدے کُسے کی آخاں کہ، ’تُوں آ‘، تے او لازمی اچھݨا اے۔ تے جِس ویلے میں اپݨے نوکرے کی آخاں کہ، ’اے کم کر‘، تے او کرݨا اَے۔“