اِنجِیل شریف (لُوقا) 7:6 - Mirpuri-Pahari Bible

⁶ حضرت عِیسیٰ اُنہاں نال ٹُری گئے۔ جیہڑے ویلے او اُس اَفسر نے کہرے کول پُہنچے، تے اَگوں اَفسر نے پہیجے وے سَنگی اے سنیہا ہِݨی کے آئے کہ اَساں نے سَنگی صُوبیدار آخݨے اݨ، ”حضُور، میں اِس قابل ناں کہ تُساں مہاڑے کہار اچھو۔

اِنجِیل شریف (لُوقا) 7:6 Iomraidhean Croise

توریت شریف: پَیدایش 32:10

میں تُہاڑیاں ساریاں رحمتاں تے وفاداریاں نے قابل ناں، جہڑیاں تُوں اپݨے اِس بندے نال کیتاں، کِیئانکہ میں صرف اپݨی سوٹی کہنی کے دریائے اُردن نے پار گیا ساں، تے ہُݨ مہاڑے کول دو گروہ اݨ۔

اِنجِیل شریف (لُوقا) 5:8

جِس ویلے حضرت شمعُون اے گل تکی، تے حضرت عِیسیٰ نے پَیراں وِچ پئی کے آخیا، ”حضُور! تُساں مہاڑے کولوں ہٹی جاؤ، کِیئانکہ میں بہُوں غُنہگار آں!“

اِنجِیل شریف (لُوقا) 7:4

او لوک حضرت عِیسیٰ کول آئے، تے پُر زور اِلتجأ کِیتی، ”مِہربانی کری کے اُس واسطے کُجھ کرو۔ او چنگا بندہ اَے۔

اِنجِیل شریف (لُوقا) 7:5

کِیئاںکہ او ساڑی قوم نا بہُوں ہمدرد اَے۔ اُس اَساں واسطے عِبادت خانہ وی بݨوایا اَے۔“

اِنجِیل شریف (لُوقا) 7:7

میں تے اِس قابل وی ناں کہ آپوں تُساں کول اچھاں۔ اِس واسطے تُساں اُتھوں ہی اپݨی زبان مُبارک نال آخی شوڑو، تے مہاڑے نوکرے کی شِفأ لبھی جاسی۔

اِنجِیل شریف (لُوقا) 8:49

حضرت عِیسیٰ اے گل پئے آخݨے ہی سݨ کہ بنی اِسرائیلیاں نے عِبادت خانے نے سربراہ نے کَہروں کُسے آئی کے سربراہ کی آخیا، ”تُساں نی تِہی مری گئی اَے! ہُݨ بزُرگاں کی زحمت ناں دیو!“