اِنجِیل شریف (لُوقا) 7:2 - Mirpuri-Pahari Bible

² اُتھے رُومی فوج نا اِک اَفسر رہݨا سی۔ اُس نا اِک نوکر سی جیہڑا اُس کی بہُوں چنگا لغݨا سی۔ او نوکر سخت بیمار سی، تے موت نے قریب سی۔

اِنجِیل شریف (لُوقا) 7:2 Iomraidhean Croise

توریت شریف: پَیدایش 24:27

تے آخیا، ”رب، مہاڑے مالک حضرت اِبراہِیم نے خُدا، تُہاڑی تعریف کیتی جائے. تُوں مہاڑے مالک نال اپݨا کرم تے وفا کیتی! تُوں مِکی ٹھیک رستے پر ٹوری کے مہاڑے مالکے نے پہراواں کول کہنی آندا۔»

توریت شریف: پَیدایش 35:8

فِر بی بی ربقؑہ نی دائی دَبُورہ مری گئی، تے او بیت ایل نی وادی وِچ شاہ بلوط نے بڑے بوٹے نے تھلے دَبی گئی. اُس جغہ نا ناں ”الون بکوت“ مطلب ”روݨے نا بوٹا“ رخیا گیا۔

اِنجِیل شریف (لُوقا) 23:47

جیہڑے ویلے فوجی اَفسر اے گل تکی تے اُس اللّٰہ تعالیٰ نی تعرِیف کِیتی، تے آخیا، ”بیشک اے بندہ بے غُناہ سی!“

اِنجِیل شریف (لُوقا) 7:1

جیہڑے ویلے حضرت عِیسیٰ اے ساریاں گلاں لوکاں کی باݨیاں ختم کیتیاں، تے او کَفَر نَحُوم شہر وِچ ٹُری گئے۔

اِنجِیل شریف (لُوقا) 7:3

جیہڑے ویلے اُس اَفسر حضرت عِیسیٰ نے بارے وِچ گلاں سُݨیاں، تے اُس بنی اِسرائیلیاں نے کُجھ بڑے بَڈیریاں کی اِلتجأ دیئی کے حضرت عِیسیٰ کول پہیجیا کہ او اچھی کے اُنہاں نے نوکرے کی شِفأ دیݨ۔

اِنجِیل شریف (لُوقا) 8:42

کِیئانکہ یائِیر نی اِک ہی تِہی سی جیہڑی باراں سالاں نی سی تے او مرنے آلی سی۔ جِس ویلے حضرت عِیسیٰ اُس نال جاݨے سݨ تے راہ وِچ بہُوں سارے لوک جمع ہوئی گئے تے حضرت عِیسیٰ اپر ٹہیݨے شرُوع ہوئی گئے۔