اِنجِیل شریف (لُوقا) 7:12 - Mirpuri-Pahari Bible

¹² جیہڑے ویلے او شہر نے دروازے کول پُہنچے، تے بہُوں سارے لوک کُسے بندے نا جنازہ چائی کے باہر پئے اچھݨے سݨ۔ او اپݨی ماں نا کَہلا پُتر سی، تے اُس نی ماں بیچاری بیوہ ہوئی وی سی۔

اِنجِیل شریف (لُوقا) 7:12 Iomraidhean Croise

توریت شریف: پَیدایش 22:12

فرشتے آخیا، ”تُوں اپݨا ہتھ مُنڈے پر ناں چَلا، تے اِس نال کُج نہ کر! مِکی ہُݨ اے ثابت ہوئی گیا کہ تُوں اللّٰہ تعالیٰ کولوں ڈرنا ایں، کِیئانکہ تُوں اپݨے کہلے پُترے کی اللّٰہ تعالیٰ نی راہ وِچ قربان کرݨ تُوں پِچھَے ناں ہٹیا۔“

توریت شریف: پَیدایش 22:2

فِر اللّٰہ تعالیٰ آخیا، ”تُوں اپݨے کَہلے پُترے اسحاق کی، جِس کی تُوں بہُوں پیار کرݨا ایں، نال کہنی کے موریاہ نے علاقے وِچ جا. اُتھے پہاڑاں وِچ اِک پہاڑ پر جیہڑا میں تُکی دَسساں، پُترے نی قربانی چائی دے.“

اِنجِیل شریف (لُوقا) 7:11

کُجھ عرصے بعد حضرت عِیسیٰ نائِین شہر وِچ گئے۔ اُنہاں نال صحابی تے کافی سارے ہور لوک وی سݨ۔

اِنجِیل شریف (لُوقا) 7:13

اُس مائی کی تکی کے حضرت عِیسیٰ کی ترس آیا تے اُنہاں فرمایا، ”رو ناں!“

اِنجِیل شریف (لُوقا) 8:42

کِیئانکہ یائِیر نی اِک ہی تِہی سی جیہڑی باراں سالاں نی سی تے او مرنے آلی سی۔ جِس ویلے حضرت عِیسیٰ اُس نال جاݨے سݨ تے راہ وِچ بہُوں سارے لوک جمع ہوئی گئے تے حضرت عِیسیٰ اپر ٹہیݨے شرُوع ہوئی گئے۔

اِنجِیل شریف (لُوقا) 8:52

اُتھے سارے لوک کُڑی واسطے روݨے پئے سݨ۔ پر حضرت عِیسیٰ اُنہاں کی آخیا، ”روؤ ناں! کُڑی موئی نی! اے تے سُتی وی اَے!“