اِنجِیل شریف (لُوقا) 3:8 - Mirpuri-Pahari Bible

⁸ ہُݨ تُساں اِیئے جہے کم کرو جِنہاں تُوں ثابت ہووے کہ تُساں واقعی توبہ کِیتی اَے۔ اپݨے دِلاں وِچ اے گل ناں آخو، ’اَساں حضرت اِبراہِیم نی اولاد آں‘۔ میں تُساں کی پُورے یقِین نال اے گل آخݨا آں کہ اللّٰہ تعالیٰ چاہݨا تے اِنہاں بَٹّیاں تُوں وی حضرت اِبراہِیم واسطے اولاد پیدا کری سکݨا اَے!

اِنجِیل شریف (لُوقا) 3:8 Iomraidhean Croise

اِنجِیل شریف (لُوقا) 13:25

او ویلا اچھسی کہ کہرے نا مالک اُٹھی کے دروازہ بند کری شوڑسی۔ فِر تُساں باہر کھَلی کے آخݨے رہسو، ’سرکار! اَساں کی اندر اچھݨ دیو۔‘ پر او جواب دیسی، ’تُساں کُݨ ہو؟ پتہ نی کُتھوں آئی گئے او!‘

اِنجِیل شریف (لُوقا) 13:26

اُس ویلے تُساں آخسو، ’اَساں تُساں نال کھاݨے پِیݨے رہے آں۔ تُساں اَساں نے شہر وِچ وعظ کرنے رہے او۔‘

اِنجِیل شریف (لُوقا) 14:9

تے میزبان آئی کے تُساں کی آخے، ’ذرا اِتھوں اُٹھو، تے جغہ اِنہاں کی دیو۔‘ فِر تُساں شَرمِندہ ہوئے وے اُٹھو، تے کُسے مَعمُولی جغہ اپر بیہݨا پئے۔

اِنجِیل شریف (لُوقا) 19:40

حضرت عِیسیٰ اُنہاں کی جواب دِتا، ”یاد رَخو، کدے اے چُپ ہوئی گئے، تے راہ نے بَٹّے وی بولسݨ!“

اِنجِیل شریف (لُوقا) 19:9

حضرت عِیسیٰ اُسی آخیا، ”اَج اِس کہار وِچ نجات آئی گئی اَے، کِیئانکہ اے بندہ وی تے آلِ اِبراہِیم اَے۔

اِنجِیل شریف (لُوقا) 5:21

اے گل سُݨی کے شرِیعت نے عالماں تے فریسی فِرقے نے لوک اپݨے دِلاں وِچ آخݨ لغے، ”اے تے پیا کُفر کرنا! اللّٰہ تعالیٰ نے بغَیر کُݨ اَے، جیہڑا کُسے نے غُناہ مُعاف کری سکݨا؟“