اِنجِیل شریف (لُوقا) 3:1 - Mirpuri-Pahari Bible

¹ فِر اِسرح ہویا کہ جِس ویلے رُومی شہنشاہ جناب قیصر تِبرِیُس نی حکُومت نا پندرہواں سال سی، جناب پَنطیُس پیلاطُس ریاست یہُودیہ نا گورنر سی، جناب ہَیرودیس ریاست گلِیل نا حکمران سی، ہَیرودیس نا پَہرآ جناب فِلپُّس ریاست اِتُوریہ تے ریاست ترخونیتِس نا حکمران سی، تے جناب لِسانیاس صاحب ریاست اَبِلینے نا حکمران سی۔

اِنجِیل شریف (لُوقا) 3:1 Iomraidhean Croise

توریت شریف: پَیدایش 49:10

یہوداہ، تہاڑی بادشاہی کدے ختم نی ہوݨ لغی، بلکہ شاہی اِختیار اُس ویلے تک تُہاڑی اولاد کول رہسی جدوں تک او حاکم نی آئی جاݨا جِس نے تابع ساریاں قوماں رہسݨ۔

اِنجِیل شریف (لُوقا) 13:31

فِر اِسرح ہویا کہ فریسی فِرقے نے کُجھ لوکاں اچھی کے حضرت عِیسیٰ کی آخیا، ”تُساں اِتھوں نِکلی کے کُدرے ٹُری جاؤ، کِیئانکہ ہَیرودیس بادشاہ تُساں کی مَرواݨا چاہݨا اَے۔“

اِنجِیل شریف (لُوقا) 2:1

اُنہاں دیہاڑیاں وِچ ہی مُلک رُوم نے شہنشاہ، جِس نا ناں قیصر اَغُسطُس سی، اے حُکم کِیتا کہ ساری رعایا نے ناں لِخے جاݨ۔

اِنجِیل شریف (لُوقا) 23:24

تے پیلاطُس اُنہاں لوکاں نی مرضی نے مطابق فَیصلہ دیئی شوڑیا۔

اِنجِیل شریف (لُوقا) 3:19

پر اُنہاں ریاست گلِیل نے حُکمران ہیرودیس کی بہُوں ڈانٹیا سی، کِیئانکہ اُس اپݨی پَرجہائی کی اپݨے کہار وِچ ناجائز طور اپر رَخیا سی تے ہور وی کئی بُرے کَم کِیتے وے سݨ۔

اِنجِیل شریف (لُوقا) 9:7

جِس ویلے ریاست گلِیل نے حُکمران ہیرودیس حضرت عِیسیٰ نے بارے وِچ گلاں سُݨیاں تے او بہُوں حیران ہویا، کِیئانکہ کُجھ لوک آخݨے سݨ، ”حضرت یحییٰ دوبارہ زِندہ ہوئی گئے اݨ۔“