اِنجِیل شریف (لُوقا) 2:7 - Mirpuri-Pahari Bible

⁷ بی بی مَریم نا پہلا پُتر ہویا۔ اُنہاں اُس کی پوتڑیاں وِچ پلہیٹی کے اِک کُھرلی وِچ رخی شوڑیا، کِیئانکہ سرائے وِچ کوئی جغہ نی سی۔

اِنجِیل شریف (لُوقا) 2:7 Iomraidhean Croise

توریت شریف: پَیدایش 42:27

فِر جس ویلے او رات گُزارنے واسطے کُسے جغہ رُکے، تے اُنہاں وِچوں اِک پہرآ اپݨی کھوتی کی چارا دیݨ لغا. اُس اپݨی بوری کھولی، تے اپݨے نقد پیسے بوری نے مُونہے پر رخے وے تکے!

توریت شریف: پَیدایش 43:21

پر جدوں اساں اِتھوں جائی کے رات گُزارنے واسطے کُسے جغہ رُکے ساں، تے اساں اپݨیاں بوریاں کھولی کے تکیا کہ ہر بوری وِچ اساں نی پُوری رقم نیاں تھیلیاں رکھیاں ویاں سݨ- اساں اے پیسے موڑی کے آندے.

اِنجِیل شریف (لُوقا) 10:34

او اُس کول گیا تے اُس نے زخماں اپر دوائی لائی کے پَٹّی بَدھی۔ فِر اُس کی اپݨے سواری آلے جانور اپر بہالی کے اِک سَرائے در ہِݨی گیا جِتھے اُس نی دیخ پہال کِیتی۔

اِنجِیل شریف (لُوقا) 2:6

جِس ویلے او بیتِ لحم وِچ سݨ تے بچّے نی پیدائِش نا ویلا آئی گیا۔

اِنجِیل شریف (لُوقا) 2:8

اُس علاقے وِچ کُجھ چرواہے وی سݨ جیہڑے راتی ویلے باڑیاں وِچ اپݨیاں پہیڈاں نی رکھوالی کرنے سݨ۔